Քրեագետ-փորձագետի աշխատանք

Մեղրիի մաքսակետում կանխվել է թմրամիջոցների ներկրման փորձ

73
(Թարմացված է 10:21 22.01.2019)
Իրացնելով օպերատիվ տվյալները՝ Մեղրիի մաքսային կետ-բաժնի տարածքում զննել են Իրանից Հայաստան ժամանած ՀՀ քաղաքացու ուղեբեռը:

ԵՐԵՎԱՆ, 22 հունվարի — Sputnik. Կրկին թմրամիջոցի մաքսանենգ ներմուծման դեպք է կանխվել Մեղրիում:

Պետական եկամուտների կոմիտեի մաքսանենգության դեմ պայքարի վարչության, Ոստիկանության կազմակերպված հանցավորության դեմ պայքարի գլխավոր վարչության թմրամիջոցների ապօրինի շրջանառության դեմ պայքարի վարչության և Սյունիքի մարզային վարչության Մեղրու բաժնի աշխատակիցները, համատեղ իրացնելով օպերատիվ տվյալները, Մեղրիի մաքսային կետ-բաժնի տարածքում զննել են Իրանից Հայաստան  ժամանած  ՀՀ քաղաքացի Տ.Գ.-ի ուղեբեռը:

Ինչպես հայտնում են ՊԵԿ տեղեկատվության և հասարակայնության հետ կապերի բաժնից, արդյունքում հայտնաբերվել է մոտ 49.5 գրամ քաշով «մարիխուանա» տեսակի թմրամիջոցի նմանվող կանաչավուն զանգված, ինչպես նաև մոտ 0.3 գրամ քաշով «մեթամֆետամին» տեսակի թմրամիջոցի նմանվող, սպիտակ գույնի, բյուրեղանման զանգված:

73
թեգերը:
Իրանի Իսլամական Հանրապետություն, Հայաստան