ԵՐԵՎԱՆ, 20 հունվարի — Sputnik. Սոցիալական ցանցերում Քարդաշյան ընտանիքի գլխավոր մրցակիցը՝ @world_record_egg աքաունթի ստեղծողը, որը հրապարակել է Instagram-ի պատմության մեջ ամենահայտնի գրառումը, նոր լուսանկար է ներկայացրել։ Այժմ հայտնի ձուն ճաքել է։ Գրառումը գնահատել է ավելի քան 4 միլիոն բաժանորդ։ Օգտատերերը մեկնաբանություններում կատակով խորհուրդ են տվել ձվին այսուհետ ավելի զգույշ լինել՝ նոր ճաքերից խուսափելու համար։
Посмотреть эту публикацию в Instagram
Նշենք, որ «ինսթագրամյան ձվի» պատմությունն իսկական հայպ է դարձել։ Բանն այն է, որ Instagram-ի նախորդ ռեկորդը պատկանել է Քիմ Քարդաշյանի քրոջը՝ մոդել Քայլի Ջեներին, որը հրապարակել է նորածին դստեր լուսանկարը։
Посмотреть эту публикацию в Instagram
Նրա հաջողությունը սոցիալական ցանցերում նսեմացնելու համար հավկիթով աքաունթի ստեղծողը, հունվարի սկզբին բացելով էջը, գրել է․«Եկեք միասին համաշխարհային ռեկորդ սահմանենք և հասնենք Instagram-ում ամենաշատ հավանած գրառմանը։ Գերազանցենք ընթացիկ համաշխարհային ռեկորդը, որը պատկանում է Քայլի Ջեներին։ Մենք կանենք դա»։
