Սև ու մութ ուժե՞րն են. ո՞վ է նկարում թխկու առեղծվածային տերևները երևանյան շենքերին
ԵՐԵՎԱՆ, 19 հունվարի — Sputnik, Նանա Մարտիրոսյան. Ամիսներ շարունակ Երևանում այստեղ ու այնտեղ դեղին տերևների պատկերներ եմ հանդիպում, դրանք շատ են նման թխկու տերևներին։ Ամեն անգամ ակամայից մտածում եմ՝ ով է դա նկարում։ Նկարչին գտնելու երկար փորձերից հետո պարզվեց՝ տերևները հետաքրքրում են ոչ միայն ինձ, այլև Երևանի բազում այլ բնակիչների։ Պարզվեց, դրանց հեղինակը գրաֆիտի-նկարիչ ու ճանապարհորդ Կոստյա Ավգուստն է։
View this post on Instagram
Նա հոկտեմբերին է Հայաստան եկել ու տպավորված է Սևանի բռնությամբ, լեռնային տեսարաններով, խոհանոցով ու տեղացիների բարեհամբյուր վերաբերմունքով։ Ինչպես և 22 երկրներում, նա Հայաստանում իր մասին հիշեցնող հետք է թողել։
©
Sputnik / Nana Martirosyan
Կոստյա Ավգուստի տերևներից նկարված Երևանի Ռոմանոս Մելիքյանի անվան պետական երաժշտական քոլեջի մուտքի մոտ
«Ես բացում եմ աշխարհի քարտեզն ու նայում՝ որտեղ դեռ չեմ եղել և ուր կուզենամ գնալ։ Միայն տեղում է հասկանալի դառնում՝ որտեղ է կարելի նկարել։ Յուրաքանչյուր տերևն ինքնին ոչինչ չի նշանակում, իսկ բոլորը միասին պետք է իմ ներկայության էֆեկտը ստեղծեն։ Գնում ես, նոր տերև ես հանդիպում, ու եթե արդեն ճանաչում ես նրան, ասես հին ընկերդ լինի։ Դու դա արդեն ինչ-որ տեղ տեսել ես։ Ու ամեն նոր տերևի հետ սկսում ես պատկերացնել՝ ինչպես է նկարիչը նկարել այն, ինչպես է շարժվել քաղաքում, տանիք բարձրացել, որ նկարի և այլն», - ասաց նա Sputnik Արմենիայի հետ զրույցում։
©
Sputnik / Nana Martirosyan
Կոստյա Ավգուստի տերևներից նկարված Երևանի Մաշտոցի պողոտայի շենքերից մեկի պատին
Կոստյան սկսել է դասական գրաֆիտիով զբաղվել 1998 թվականին։ Սկզբում նա հիմնականում գրառումներ էր անում, որոնց վրա մարդկանց մեծ մասն ուշադրություն չէր դարձնում։ Իսկ տերևներ նկարելու գաղափարն առաջացել է 2005 թվականին։ Նա տրամվայով այգու միջով էր անցնում, ու քանի որ նրա կեղծանունը Ավգուստ է (նա օգոստոսին է ծնվել), ապա տերևը կատարյալ նշան թվաց։ Գույնի ընտրությունը շատ ավելի հեշտ է, նա ավելի շատ հավանում է դեղինը, քան կանաչը։ Թեև երբեմն, երբ ինչ-որ երկրում դժվար է դեղին ներկ գնել, նա կանաչով կամ բեժով է նկարում։ Խնդիրներ են առաջանում ոչ միայն ներկի հարցում, այլև իրավապահ մարմինների հետ. մոտավորապես տարին մեկ անգամ այս կամ այն երկրի ոստիկանությունը ձերբակալում է նրան։
©
Sputnik / Asatur Yesayants
Կոստյա Ավգուստի տերևներից նկարված Երևանի Ամիրյան փողոցի շենքերից մեկի վրա
«Մեկ շաբաթ առաջ դա եղավ Մեքսիկայում, որոշ ժամանակ ձեռնաշղթաներով էի, բայց կաշառք տվեցի ու ինձ ազատ արձակեցին։ Ամռանն ինձ հետ մի ուրիշ հետաքրքիր պատմություն եղավ։ Ձեղնահարկով տանիք էի բարձրանում, ու վրաս աղավնիներ հարձակվեցին։ Ես սովոր եմ, որ նրանք վախենում են մարդկանցից ու նույնիսկ չէի կարծում, որ նման բան հնարավոր է։ Բայց ձեղնահարկն իրենց տարածքն է։ Նրանք գլխիս վրա հարձակվեցին, ոտքերիս տակ էին նետվում, իսկ ես պաշտպանվում էի։ Աղավնիներից մեկին, ճանկերով թե կտցելով, հաջողվել էր վնասել ինձ։ Հետո մտածում էի՝ վարակված չլինեմ», - ասաց Կոստյան։
Տարբեր երկրներում իր տերևները տեսած մարդիկ հաճախ նրան հուզիչ պատմություններ են գրում։ Կան այնպիսի մարդիկ, որոնք դպրոցի ճանապարհին էին տերևները տեսնում, իսկ հիմա արդեն աշխատանքի ճանապարհին։ Հետո ճանապարհորդության են մեկնում ու լրիվ անսպասելի վայրերում են իր տերևները գտնում, նրանց համար այդ պատկերները դառնում են գաղտնի խորհրդանիշներ, յուրահատուկ իմաստ են ստանում։
View this post on Instagram
Նկարիչը մի պատմություն է հիշում, երբ աղջիկը տարիներ շարունակ ամառանոցի ճանապարհին վագոնից տեսել էր տերևի պատկերը, իսկ հետո ոտքի վրա դրա ձևով դաջվածք էր արել։
«Հաճախ ինձ սոցցանցերում խմբերի հղումներ են ուղարկում, որտեղ մարդիկ հետաքրքրվում են՝ ինչ է նշանակում տերևը։ Մեկնաբանություններում միշտ բազում ենթադրություններ են լինում, սկսած դասականից, որ դա մարիխուանա է, ու հնարավոր է այդպես նշում են՝ որտեղ է «խոտը» թաքցրած, վերջացրած այն տարբերակով, որ դա ծաղիկի խանութի գովազդ է։ Սակայն ամենահետաքրքիր տարբերակը Վլադիկովկազում էր, ինչ-որ մեկը կատակել էր, որ այդպես նշում են տները, որոնք թալանելու են, ու մարդիկ կային, որ հավատացել էին այդ անհեթեթությանը», - ասաց նա։
View this post on Instagram
Այն երկրներում, որտեղ այդպիսի նկարները շատ են, տերևների պատկերով ոչ ոքի չես զարմացնի, տեղացիները հազվադեպ են հետաքրքրվում նկարիչներով։ Ոչ ոք չի հետաքրքրվում՝ ով ու ինչի համար է նկարում։ Հիմնականում գործընկերներն են հարցնում կամ գրաֆիտի հանթերները, որոնք լուսանկարում ու փաստագրում են նկարները։ Իսկ այն երկրներում, որտեղ գրաֆիտիի արվեստն այդքան զարգացած չէ, յուրաքանչյուր նոր տերևը հետաքրքրություն է առաջացնում, ինչպես դա եղավ Հայաստանում։
View this post on Instagram
թեգերը:
360 նոր դեպք, 2 մահ` մեկ օրում. կորոնավիրուսային հիվանդության ընթացքը Հայաստանում
(Թարմացված է 10:53 03.03.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:ԵՐԵՎԱՆ, 3 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 360–ով և դարձել 172816։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։
Այս պահին փաստացի բուժում է ստանում 4889 մարդ (+189), կատարվել է 736590 (+2526) թեստավորում, առողջացել են վարակվածներից 163738-ը (+227)։ Գրանցվել է մահվան 3202 դեպք (+2)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 1-ով և հասել 819-ի։
©
Sputnik / Валерий Мельников
Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։
Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։
Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։
2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։
Գիտնականներն ասել են, թե մարդկությունը քանի տարի է կորցրել կորոնավիրուսի պատճառով
Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։
Ջերմուկում ձյուն է գալիս, Սյունիքի ճանապարհները տեղ–տեղ պատվել են մերկասառույցով
(Թարմացված է 09:34 03.03.2021)
Ի՞նչ է կատարվում Հայաստանի ճանապարհներին, ո՞ր հատվածներն են փակ։ ՀՀ արտակարգ իրավիճակների նախարարությունը թարմ տեղեկություն է հայտնում և վարորդներին հիշեցնում, որ պետք է երթևեկել ձմեռային անվադողերով։ԵՐԵՎԱՆ, 3 մարտի – Sputnik. ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները:
Վարդենյաց լեռնանցքը փակ է կցորդիչով բեռնատարների համար:
Վանաձոր-Դիլիջան ավտոճանապարհին և Սյունիքի մարզի ավտոճանապարհներին տեղ-տեղ առկա է մերկասառույց։
Վայոց Ձորի մարզի Ջերմուկ քաղաքում ձյուն է գալիս։
Ստեփանակերտի օդանավակայանն ու Ալիևի ավիացիոն պլանները. իրավիճա՞կ է փոխվել
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար․ ռուսական կողմում կա մոտ 500 կուտակված բեռնատար ավտոմեքենա:
Վարորդներին խորհուրդ է տրվում երթևեկել բացառապես ձմեռային անվադողերով։
Արմավիրի մարզում ճակատ–ճակատի բախվել են Opel Astra–ներ. վիրավորների մեջ երեխաներ կան