Սերժ Սարգսյան. ՀՀ երկրորդ նախագահ

Քաղաքացին դատի է տվել Սերժ Սարգսյանին

514
(Թարմացված է 18:51 19.01.2019)
16-ամյա քաղաքացին ցանկացել է հրաժարվել ՀՀ քաղաքացիությունից։ Սերժ Սարգսյանի որոշումն ընտանիքը չի ընդունում։

ԵՐԵՎԱՆ, 19 հունվարի — Sputnik. ՀՀ քաղաքացի Մարգարիտա Գասպարյանը 2019թ–ի հունվարի 15-ին ՀՀ վարչական դատարան դիմում է ներկայացրել ընդդեմ Հայաստանի Հանրապետության նախագահ Սերժ Սարգսյանի:

Քաղաքացին բողոքարկում է Սերժ Սարգսյանի 2018 թ–ի մարտի 15-ի որոշումը և  դատարանից պահանջում է անվավեր ճանաչել այն։

Հետաքրքրական է, որ դատական տեղեկատվական համակարգի datalex.am կայքում հրապարակված տեղեկատվության համաձայն, Մարգարիտա  Գասպարյանի հայցը վերաբերում է ոչ թե իր, այլ 2002 թվականին ծնված Ռաֆիկ Կարապետյանի դիմումին։ Դրանով, փաստորեն 16- ամյա պատանին ցանկացել էր հրաժարվել ՀՀ քաղաքացիությունից, իսկ Սերժ Սարգսյանը մերժել է նրան։

ՀՀ նախագահի որոշման դեմ դատական նիստը Երևանի վարչական դատարանում կայացել է երեկ` հունվարի 18-ին։

Դատարանը մերժել է Մարգարիտա Գասպարյանի դիմումը։ Կինն օրենքով իրավունք ունի բողոքարկել հիշյալ որոշումը Վարչական վերաքննիչ դատարանում` 5-օրյա ժամկետում։

514
թեգերը:
Սերժ Սարգսյան, Հայաստան
Ըստ թեմայի
«Մեր քննադատության նպատակը գոտկատեղից ներքև հարվածելը չէ». ՀՀԿ նիստի մանրամասները
Հակոբյան. «Տրամաբանական կլինի, որ Սերժ Սարգսյանն էլ զիջի իր տեղը»
«Հարձակում իրերի էության վրա». երբ խոսեց Կաթողիկոսը