Բիլզերյանի խնջույքների թեժությունից հալվել են նույնիսկ լեռնադահուկային առողջարանի ձները
(Թարմացված է 01:21 19.01.2019)
Ամերիկահայ դերասան, պոկերի արքա Դեն Բիլզերյանը հայտնի է իր խենթ խնջույքներով։ Վերջերս նա նման խնջույք է կազմակերպել լեռնադահուկային առողջարանում։ԵՐԵՎԱՆ, 19 հունվարի — Sputnik. Ամերիկահայ «խուլիգան» Դեն Բիլզերյանը չի ամաչում ցույց տալ` ինչպես է «տժժում»։
Միլիարդատերը Instagram–ի իր էջում մինի–ֆիլմ է հրապարակել Պարկ Սիթի հայտնի լեռնադահուկային առողջարանից։
Պարկ Սիթին հայտնի է իր շքեղ հյուրանոցներով, նաև այն բանով, որ այստեղ ամեն տարի միջազգային Սանդերս կինոփառատոնն է անցկացվում։ Դա Յուտա նահանգի գլխավոր առողջարանային քաղաքն է։
View this post on Instagram
Տեսանյութում բազում գեղեցկուհիներ ժամանակ են անցկացնում պոկերի արքայի հետ։ Չնայած, որ դրսում ձյուն է, աղջիկներից շատերը մինիմալ հագուստով ցույց են տալիս իրենց ակրոբատիկ հմտությունները։ Նրանցից մեկը նույնիսկ բիկինիով գլուխկոնծի է տալիս ձյան մեջ։
Միլիարդատիրոջ երկրպագուները շատ են հավանել տեսահոլովակը, սակայն չուզողներ էլ կային։
Օրինակ, որոշ կանայք գրել են, որ նման տեսանյութերը վիրավորում են կանանց ու ջուրն են գցում ֆեմինիստների բոլոր ջանքերը։
Իսկ տղամարդիկ ըստ արժանվույն են գնահատել «Բիլզեդրյանի աղջիկներին» ու համեմատել են Playboy–ի գեղեցկուհիների հետ, իսկ Դենին համեմատել են Հյու Հեֆների հետ։
Ավելի վաղ Բիլզերյանը մեծ խնջույք էր կազմակերպես Թայլանդում հանգստանալու ժամանակ։ Նա այնտեղ էր մեկնել պատմական հայրենիք այցից հետո։
360 նոր դեպք, 2 մահ` մեկ օրում. կորոնավիրուսային հիվանդության ընթացքը Հայաստանում
(Թարմացված է 10:53 03.03.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:ԵՐԵՎԱՆ, 3 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 360–ով և դարձել 172816։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։
Այս պահին փաստացի բուժում է ստանում 4889 մարդ (+189), կատարվել է 736590 (+2526) թեստավորում, առողջացել են վարակվածներից 163738-ը (+227)։ Գրանցվել է մահվան 3202 դեպք (+2)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 1-ով և հասել 819-ի։
©
Sputnik / Валерий Мельников
Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։
Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։
Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։
2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։
Գիտնականներն ասել են, թե մարդկությունը քանի տարի է կորցրել կորոնավիրուսի պատճառով
Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։
Ջերմուկում ձյուն է գալիս, Սյունիքի ճանապարհները տեղ–տեղ պատվել են մերկասառույցով
(Թարմացված է 09:34 03.03.2021)
Ի՞նչ է կատարվում Հայաստանի ճանապարհներին, ո՞ր հատվածներն են փակ։ ՀՀ արտակարգ իրավիճակների նախարարությունը թարմ տեղեկություն է հայտնում և վարորդներին հիշեցնում, որ պետք է երթևեկել ձմեռային անվադողերով։ԵՐԵՎԱՆ, 3 մարտի – Sputnik. ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները:
Վարդենյաց լեռնանցքը փակ է կցորդիչով բեռնատարների համար:
Վանաձոր-Դիլիջան ավտոճանապարհին և Սյունիքի մարզի ավտոճանապարհներին տեղ-տեղ առկա է մերկասառույց։
Վայոց Ձորի մարզի Ջերմուկ քաղաքում ձյուն է գալիս։
Ստեփանակերտի օդանավակայանն ու Ալիևի ավիացիոն պլանները. իրավիճա՞կ է փոխվել
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար․ ռուսական կողմում կա մոտ 500 կուտակված բեռնատար ավտոմեքենա:
Վարորդներին խորհուրդ է տրվում երթևեկել բացառապես ձմեռային անվադողերով։
Արմավիրի մարզում ճակատ–ճակատի բախվել են Opel Astra–ներ. վիրավորների մեջ երեխաներ կան