Դպրոց

ԿԳՆ–ն «գլուխգործոց» է գրել ուսուցիչների համար, բայց այնքան ծիծաղելի չէ, որքան թվում է

1851
(Թարմացված է 20:49 12.01.2019)
Աշխատանքային շաբաթվա վերջը չէր խոստացել խաղաղ լինել, բայց առանց ցնցումների հանգստյան օրեր ունենալու հույս կար։ Սակայն նախօրեին կրթության նախարարությունը հիացրեց աննման փաստաթղթով։ Այն դեռ նախագծի փուլում է, բայց մոտ ապագայում հենց դրանով կսկսեն ստուգել դպրոցի մանկավարժների մասնագիտական պիտանելիությունը։

Ռուբինա Հակոբյան, Sputnik Արմենիայի համար

Ուրբաթ կեսօրին կարդալու հետաքրքիր բան գտա՝ կրթության նախարարության գլուխգործոցը։ Փաստաթուղթն ուղղակի հիացնում է իր անթաքույց անկեղծությամբ և մաքրության ու ճշմարտության բարձր իդեալներին ձգտելու ցանկությամբ՝ կատարված հոկտեմբերիկներին ուղղված լենինյան պատգամների լավագույն ավանդույթներով։

Կրթության նախարարությունը որպես վիթխարի նախագիծ է ներկայացրել դպրոցի ուսուցիչների համար մշակված կանոնները։ Կանոններն անհրաժեշտ են, մասնավորապես, «ուսուցչի մասնագիտական էթիկան որոշելու, սովորողների, մանկավարժական կոլեկտիվի և ծնողների հետ ուսուցչի հարաբերությունները կարգավորելու» նպատակով։ Եվ այս ոգով շատ այլ բաներ․ գլուխգործոցը ծավալուն է, և նրանք, ովքեր կցանկանան ծանոթանալ դրան, բազմաթիվ անմոռանալի տպավորություններ կստանան։

Դե ինչ, կրթության նախարարությունը վերջապես կարող է ասել, որ թեկուզ ինչ-որ բան է արել, առայժմ նախագծի տեսքով, բայց, ամենայն հավանականությամբ, ստիպված չենք լինի երկար սպասել հանճարեղ մտքերի փաստաթղթային ձևակերպմանը։ Նման գոհարները չպետք է անհայտ մնան, դրանք պետք է հրապարակել հսկայական տպաքանակով, և դրանք պարտավոր են անգիր անել թե՛ ուսուցիչները, թե՛ աշակերտները։

Կանոնները, ավելի ճիշտ հոկտեմբերիկների իրավունքներն ու պարտականություններն ասես կոմունիզմի շինարարի բարոյական կոդեքսի շարադրում լինեն, որոնք ժամանակին տպագրվում էին տարրական դասարանների տետրերի շապիկների վերջին էջերին։ Դրանք ոչ ոք չէր կարդում, նորմալ դաստիարակված երեխաներն առանց այդ հոգեցունց կանոնների իրենց կարգին էին պահում, իսկ սրիկաներին դրանից տաք կամ ցուրտ չէր լինում։

Ահա մի քանի բնութագրական մեջբերումներ կրթության նախարարության վերոհիշյալ նախագծից․ «Ուսուցիչը պետք է նվիրված լինի իր աշխատանքին, բարձր պահի մանկավարժի մասնագիտության վարկանիշը և մեծ պատասխանատվությամբ վերաբերվի իր մասնագիտական պարտականությունների կատարմանը»։ Այս հուզիչ տողերը կարդալուց հետո ուզում ես բացականչել․ «Այո, թանկագին Լեոնիդ Իլյիչ, մենք կարդարացնենք կուսակցության վստահությունը»։

Շարունակում ենք․ «Ուսուցիչը պետք է լինի ազնիվ և օրինապահ քաղաքացի։ Նրա համար պետք է անթույլատրելի լինի կոռուպցիան և պետք է զերծ մնա ինչպես կաշառք վերցնելուց, այնպես էլ որևէ մեկին կաշառք տալուց»։

Մի կողմ թողնենք այն փաստը, որ փաստաթուղթը կազմողները աղոտ են պատկերացնում «կոռուպցիա» բառի նշանակությունը, համաձայնենք, որ այն «անթույլատրելի» է և անցնենք առաջ։

Իսկ հետո պարզվում է, որ «ուսուցիչը պետք է հետևի իր արտաքին տեսքին և հագուստին՝ նախընտրելով ուսումնական գործընթացը չխանգարող պատշաճ ոճ և ձև»։ Դեռ շատ ուշագրավ կետեր կան, բայց արդեն բավական է, էլ ուժ չկա։

Փաստաթղթի համաձայն` ուսումնական հաստատություններում պետք է ձևավորվի էթիկայի հանձնաժողով, որը ուսուցիչներին գնահատելու է այդ կանոնների հիման վրա։ Այդ գնահատականները կարող են լինել ինչպես խրախուսող, այնպես էլ հանդիմանող, և եթե ուսուցիչներից մեկը երկուսից ավելի հանդիմանող գնահատականներ ունենա ուսումնական տարվա ընթացքում, նրա նկատմամբ կարող են կիրառվել վարչական միջոցներ օրենքի շրջանակում։

Իրականում այդ ամենն այդքան ծիծաղելի չէ, ինչպես կարող է թվալ առաջին հայացքից։ Ավելին` չափազանց տհաճ է և նույնիսկ վիրավորական ուսուցիչների համար․ ինչ կարծիք ունի նախարարությունը հայ մանկավարժների բարոյական որակների և մակարդակի մասին, որ անհրաժեշտ է համարել նրանց վարվելակերպի հատուկ կանոններ սովորեցնելը։ Կանոններ, որոնք տարրական դաստիարակություն ունեցող մարդու համար բնական են, ձևավորվում են ընտանիքում դեռ վաղ տարիքում և մնում ամբողջ կյանքի ընթացքում։

Արժե՞ր արդյոք թուղթ փչացնել հանուն ոչ մի բանի մասին մանկական թոթովանքի․ «Ուսուցիչը պետք է լինի ազնիվ և օրինապաշտ քաղաքացի, ուսուցիչը պետք է հետևի իր արտաքին տեսքին և հագուստին»։ Միգուցե այդ պարզ ճշմարտությունները նորություն են նախագիծը կազմողների համար, բայց հայ մանկավարժների մեծամասնությանը դրանք հիանալի գիտեն։

Քանի՞ ուսուցիչ է Հայաստանում դասի գնում նանո-կիսաշրջազգեստներով և չափազանց մեծ լանջաբացվածքով, որպեսզի թույլ տա կոռուպցիա և նվերներ ու փող պոկի (հավանաբար աշակերտների հայրիկներից)։ Բացառված չէ, որ ամբողջ երկրում մի երկու նման ուսուցիչներ կգտնվեն, բայց նրանց պատճառով անթույլատրելի է բոլոր մանկավարժներին վիրավորելը՝ անդաստիարակության և իրենց պահելու անկարողության մեջ կասկածելով։

Պարոնայք, դուք իսկապես չեք հասկանո՞ւմ, որ պաշտոնապես «խրախուսող» և «կշտամբող» գնահատականներ տալով` դուք փաստացի հիանալի հնարավորություն եք տալիս հաշվեհարդար տեսնելու ոչ ցանկալի ուսուցիչների հետ, որոնք համարձակվում են հակառակվել ղեկավարությանը կամ ուղղակի նրանց փոխարեն ավելի լավ կլիներ վերցնել դպրոցի տնօրենի հարևանին կամ աղջկան։

Գնահատման այդպիսի, մեղմ ասած, աղոտ չափանիշների դեպքում որևէ մեկի հասցեին մի քանի կշտամբանք ասելը, նրա նկատմամբ «վարչական մեթոդներ» կիրառելը դժվար չէ, ընդհուպ մինչև այն, որ մարդը գերադասի հեռանալ աշխատանքից, ոչ թե ապացուցի, որ ինքը ուղտ չէ, ինչպես հին անեկդոտում։ Իսկ նրա փոխարեն կգա տնօրենի կամ փոխնախարարի ազգականը կամ ավելի «կարևոր և անհրաժեշտ» մեկը, քան նա, ով հեռացել է։

Ինչ էլ որ լինի, մենք կարող ենք փաստել, որ սա առաջին խոշոր նախագիծն է՝ իրագործված կրթության նախարարության կողմից 7-8 ամիսների ընթացքում։ Ինչ անենք, որ նախագիծը ոչ միայն անօգուտ է, ինչպես, օրինակ, ֆիզկուլտուրայի դասագիրքը, այլ նաև շատ առումներով վիրավորական մանկավարժների բանակի համար։ Փոխարենը կարելի է զեկուցել կատարված աշխատանքի մասին։ Միգուցե հեղինակներին հավելավճարներ տան, բացառված չէ։

Ինչ անենք, որ նման նախագծերը համարվում են կատարված աշխատանք։ Աշխատել են, չէ՞, ջանասիրաբար արտագրել են հին տետրերից․․․

1851
թեգերը:
Հայաստան
Արսեն Թորոսյան. արխիվային լուսանկար

Դուք «մահացած» ԲՀԿ-ով զբաղվեք․ Արսեն Թորոսյանը պատասխանել է Նաիրա Զոհրաբյանին

10
(Թարմացված է 22:12 02.07.2020)
Զոհրաբյանն ավելի վաղ ահազանգել էր կորոնավիրուսից մահացած կնոջ դիակի անհետացման մասին։ Դին գտնվեց, սակայն խոսակցությունները շարունակվում են։

ԵՐԵՎԱՆ, 2 հուլիսի - Sputnik. Առողջապահության նախարար Արսեն Թորոսյանը Facebook-ի իր էջում անդրադարձել է կորոնավիրուսով վարակված կնոջ դիակի անհետացման հարցին։ ԱԺ ԲՀԿ-ական պատգամավոր Նաիրա Զոհրաբյանը երեկ ահազանգել էր այդ դեպքի մասին՝ հղում տալով նրան դիմած մահացած կնոջ թոռանը։

«Տիկին Զոհրաբյան, ես շատ շնորհակալ եմ Ձեզնից կորոնավիրուսային հիվանդությունից մահացած մեր քաղաքացու դիակի ճանաչման հետ կապված խնդրի մասին բարձրաձայնելու համար, չնայած ինքս տեղյակ էի այդ հարցից և զբաղվում էի դրա լուծմամբ», - գրել է Թորոսյանը։

Թորոսյանի մամուլի խոսնակ Ալինա Նիկողոսյանը դեռ երեկ գրել էր նույնը՝ հայտնելով, որ նախարարությունը Զոհրաբյանից ավելի շուտ էր տեղյակ խնդրի մասին։

Այսօր հայտնի դարձավ, որ գյումրեցի կնոջը սխալմամբ թաղել էին Նոր Հաճնում․ կորոնավիրուսի հետևանքով մահացածներին փակ դագաղներով են հուղարկավորում։ Արտաշիրիմում կարվի, կնոջ դին կվերադարձվի իր ընտանիքին։ Մինչ այդ գյումրեցի ընտանիքի անձնական դժբախտությւոնը տեղիք է տվել քաղաքական բանավեճի։

Զոհրաբյանը գրել էր, որ դիակի գտնվելը «հեփի էնդ» չէ, և Առողջապահության նախարարությունը անփութորեն է պահել իրեն։

Դրան Թորոսյանը կոշտ է արձագանքել։

«Լավ կլինի` վերադառնաք Ձեր «մահացած» քաղաքական ուժի ռեինկառնացիային, եթե, իհարկե, դա ձեր մոտ ստացվի, ինչում խիստ կասկածում եմ», - գրել է նախարարը։

Նախարարի գրառման մեկնաբանություններում հակասական կարծիքներ են հնչում։

Որոշները կարծում են, որ Թորոսյանն արժանի հակահարված է հասցրել ԲՀԿ-ական պատգամավորին, մյուսներն էլ անհասկանալի են որակում նախարարի արձագանքը։եր գզվռտոցից ժողովուրդն է տուժում», «Կլինի՞ ձեր գործով զբաղվեք, շատ երկրներ հաղթահարել են համավարակը, իսկ դուք ինչո՞վ եք զբաղված», «Ոնց որ երեխաների վեճի հետևենք, հերիք է», գրում են քաղաքացիները։

Եթե կարիք լինի, ԴՆԹ փորձաքննություն կարվի. Թորոսյանի խոսնակը` կորած դիակի մասին

Հիշեցնենք` Նաիրա Զոհրաբյանը երեկ Facebook սոցցանցի իր էջում ահազանգել էր, որ կորել է գյումրեցի Մարիամ Մալխասյանի դին, հարազատները քանի օր է` փնտրում են ու չեն գտնում։

10
թեգերը:
Գյումրի, Տատիկ, Դիակ, Նաիրա Զոհրաբյան, Արսեն Թորոսյան
Ըստ թեմայի
Արսեն Թորոսյանը գիտի՝ կորոնավիրուսից հետո ինչպիսին կլինի ՀՀ–ի առողջապահական համակարգը
«Այս իրավիճակից դուրս գալու այլ ելք չկա. պարզապես չկա». Թորոսյանը գրառում է արել
Արսեն Թորոսյանը կոչ է անում հետևել Արտաշատի պոլիկլինիկայի օրինակին. տեսանյութ
Մաքսիմ Գալկինն ու Ալլա Պուգաչովան. արխիվային լուսանկար

Ինչպես են սպասում տանը. Գալկինը ցույց է տվել, թե ինչ անակնկալ է պատրաստել իր համար կինը

37
(Թարմացված է 20:43 02.07.2020)
71-ամյա պրիմադոննան գործուղումից վերադարձող ամուսնուն դիմավորելու համար յուրահատուկ անակնկալ է պատրաստել։ Երկար սպասված հանդիպման «տեսահաշվետվությունը» հայտնվել է Instargam-ում։

ԵՐԵՎԱՆ, 2 հուլիսի - Sputnik. Ռուսական շոու բիզնեսի թագուհի Ալլա Պուգաչովան հաճելի անակնկալ է պատրաստել ամուսնու` Մաքսիմ Գալկինի վերադարձի առթիվ․ երգչուհին որոշել է ուշադրություն չդարձնել համավարակին և ամուսնու պատվին երեկույթ է կազմակերպել։

Հայտնի հաղորդավարն աշխատանքի բերումով մի քանի օրով քաղաք էր գնացել։ Այդ ընթացքում Պուգաչովան և նրանց երկվորյակները՝ Գարին ու Լիզան, ժամանակը զուր չեն վատնել և պատրաստվել են հայրիկի վերադարձին։ Պուգաչովան ընդհատել է ինքնամեկուսացումը և հրավիրել Գալկինի ընկերներին և բարեկամներին։

Պրիմադոննան գործուղումից վերադարձող ամուսնու համար հատուկ հրավերք է կազմակերպել։ Ընտանեկան հավաքի տեսահաշվետվությունը հայտնվել է Գալկինի ինստագրամյան էջում։

Հավերժ գեղեցիկ ու երջանիկ Պուգաչովան․ Գալկինը կնոջ մասնակցությամբ տեսանյութ է հրապարակել

View this post on Instagram

A post shared by Максим Галкин (@maxgalkinru) on

Տեսանյութում երևում է, որ հյուրերն աստղերի դղյակի տարածքում հավաքվել են խարույկի շուրջ և սպասում են հավաքույթի «մեղավորին»։

Գալկինը հիացած է մտերիմների ուշադրությամբ և շտապել է ուրախությունը հայտնել երկրպագուներին։ Հաղորդավարի հետևորդները գնահատել են նրա տիկնոջ ջանքերը և նշել են, որ Պուգաչովան է՛լ ավելի է գեղեցկացել և իր տարիքից շատ ավելի երիտասարդ է երևում։

Ռուս հումորիստ Մաքսիմ Գալկինը և երգչուհի Ալլա Պուգաչովան, հոգնելով չորս պատի մեջ գտնվելուց, հաճախ են հետաքրքրացնում իրենց առօրյան։ Վերջերս նրանք ընտանեկան կյանքի բեմադրություն էին կազմակերպել կորոնավիրուսի համավարակի հետ կապված։ «Ինքնամեկուսացման հիմնը» զվարճացրել էր հայտնի զույգի երկրպագուներին։

Օրբելյան, Մանուկյան և Ալլա․ մի հայն ուղի բացեց Պուգաչովայի համար, մյուսն ուզում էր «փակել»

Գալկինի և Պուգաչովային երեխաները գործուն մասնակցություն ունեն ծնողների «տարօրինակություններին»։ Վերջերս Գարին և Լիզան պատմում էին, թե ինչպես է պետք պաշտպանվել COVID-19-ից, ինչպես նաև շնորհավորում էին պրիմադոննային՝ ծննդյան օրվա առթիվ։

37
թեգերը:
Ալլա Պուգաչովա, Մաքսիմ Գալկին
Ըստ թեմայի
Հրապարակվել է Ալլա Պուգաչովայի «վուլգար» տեսահոլովակը
Պուգաչովան հպարտանում է իր երեխաներով. նրանք արդեն սահում են անվաչմուշկով. տեսանյութ
Գալկինն առաջին անգամ ասել է` ինչպես է ծանոթացել Պուգաչովայի հետ