«Խելացի» ուսապարկ

Հայկական «խելացի» ուսապարկը հոգ է տանում տիրոջ մասին և ծնգծնգում գողերի ձեռքում

184
Ուսապարկը «ճանաչում» է գողերին և հիշեցնում այն իրերի մասին, որոնք մոռացել է վերցնել տերը։

ԵՐԵՎԱՆ, 12 հունվարի — Sputnik. Մենք արդեն գրել ենք Հայաստանում արտադրվող «խելացի» իրերի մասին։ Դրանցից մեկն էլ «խելացի» ուսապարկն է։ Ճիշտ է` պայուսակի միայն դիզայնն է հայկական։ Այն արտադրելու են արտասահմանում, բայց փոստով ստանալով այն՝ եվրոպացիներն ու ամերիկացիները պիտակի վրա ամեն դեպքում կտեսնեն՝ designed in Armenia։

«Մենք կուզեինք արտադրել Հայաստանում։ Բայց պետք է մտածել, թե այդ դեպքում մենք որքանով կկարողանանք մրցունակ լինել գնի առումով։ Նույնիսկ պատրաստի մասերն այստեղ հավաքելը ձեռնտու չէ», - պատմում է Lumzag նախագծի ղեկավար Արմեն Պողոսյանը։

  • «Խելացի» ուսապարկ
    «Խելացի» ուսապարկ
    © Photo : Areg Balayan / provided by Armen Poghosyan
  • «Խելացի» ուսապարկ
    «Խելացի» ուսապարկ
    © Photo : provided by Armen Poghosyan
  • «Խելացի» ուսապարկ
    «Խելացի» ուսապարկ
    © Photo : Areg Balayan / provided by Armen Poghosyan
  • «Խելացի» ուսապարկ
    «Խելացի» ուսապարկ
    © Photo : Areg Balayan / provided by Armen Poghosyan
  • «Խելացի» ուսապարկ
    «Խելացի» ուսապարկ
    © Photo : Areg Balayan / provided by Armen Poghosyan
1 / 5
© Photo : Areg Balayan / provided by Armen Poghosyan
«Խելացի» ուսապարկ

Դժվարություններ են ծագում նաև տեղափոխման հարցում։ Չինաստանից պատրաստի ապրանքն առաքելն ավելի հեշտ է, քան Հայաստանից։ Նույնը նաև երաշխիքային սպասարկման ուղարկելու դեպքում։

«Բայց մարդիկ կիմանան, որ այդ ուսապարկերի նախագիծը ստեղծվել է Հայաստանում», - նշում է նա։

Աշխարհում ուսապարկերի շուկան ընդլայնվում է։ Հիմա ուսապարկով կարելի է տեսնել ոչ միայն ուսանողներին, այլ նաև պատկառելի «տիկնանց և պարոններին»։ Հայկական ուսապարկն էլ մատչելի կլինի շատերի համար, որովհետև գնային միջին արժեք ունի (Արևմուտքի համար)։

Հայկական ուսապարկը փորձել են զինել միանգամից 7 գործառույթներով։ Դրանցից մեկն էլ գողերի դեմ ահազանգն է։ Ստեղծողների կարծիքով՝ այդպես ավելի հեշտ է, քան կտորն անվերջ ամրացնելը։

«Այո, մենք օգտագործում ենք նաև ածխածնային մանրաթելեր։ Բայց եթե ինչ-որ մեկ ցանկանա պատռել, կպատռի։ Ավելի լավ է դրա փոխարեն կիրառել արդյունավետ ահազանգ։ Եթե ինքներդ չեք միացրել անվտանգ ռեժիմը, ապա այն միացնում է պայուսակը, եթե «տեսնում» է, որ դուք թողել եք այն և չեք վերադառնում։ Իսկ եթե ուսապարկն ամեն դեպքում գողացել են, կարող եք հեռախոսով հետևել, թե որտեղ է այն։ Հեռախոսից կարող եք միացնել նաև ուսապարկի ահազանգը։ Այն կծնգա հենց գողի ձեռքում», - հավելեց Պողոսյանը։

Ուսապարկում կա նաև հիշեցում իրերի մասին։ Եթե ուսապարկը տեսնում է, որ իր մեջ չեն դրել սովորական առարկաներից որևէ մեկը, հիշեցնում է, օրինակ, նոութբուքի կամ դրա մարտկոցի մասին։

Ուսապարկի դիզայնն արվել է Հայաստանում։

«Պետք է ասեմ, որ մեզ մոտ շատ չեն արդյունաբերական դիզայներները։ Միայն ապրանքի գեղեցիկ լինելը քիչ է, պետք է նաև ֆունկցիոնալ լինի։ Այստեղ քչերն են կարողանում դա անել։ Բայց եթե գործ կա, մարդ էլ կգտնվի», - ասաց Արմենը։

Indiegogo քրաուդֆանդինգի հարթակում «խելացի» ուսապարկն արդեն հավաքել է մոտ 720 հազար դոլար։ Մոտ ապագայում այն կդրվի վաճառքի։

184
թեգերը:
Հայաստան
Ըստ թեմայի
Հայ նախագծողների հորինած նոթատետրը՝ EcoPad-ը, «շատ խելացի» է
«Խելացի» համակարգեր` մեքենաների համար. հայկական տեխնոլոգիան կօգնի խուսափել վթարներից
Խելացի դրամապանակ ստեղծող հայերը միլիոններ են աշխատել. Նարեկ Վարդանյանը բացում է գաղտնիքը