Աղջիկներին՝ ռոմանտիկա, տղաներին՝ էքստրիմ․ հայերը միմյանց անսովոր նվերներ են անում
(Թարմացված է 13:08 30.12.2018)
Հայ երիտասարդները նախընտրում են ոչ թե նվերներ տալ, այլ անակնկալներ մատուցել։ Աղջիկներն իրենց ընտրյալներին ռոմանտիկ երեկոներ են նվիրում, իսկ տղաները՝ էքստրեմալ քվեսթներ ու պարաշյուտով թռիչքներ։ԵՐԵՎԱՆ, 29 դեկտեմբերի — Sputnik. Նանա Մարտիրոսյան․ Վերջին տարիներին նորաձև է ոչ թե կոնկրետ նվերներ անելը, այլ անակնկալներ մատուցելը։
Նոր տարուն հայ երիտասարդները նախընտրում են հետաքրքիր, իսկ երբեմն նույնիսկ ցնցող նվերներ անել։ Առանձնապես մեծ տարածում ունեն ռոմատնիկ ու էքստրեմալ անակնկալները։ Այս մասին Sputnik Արմենիայի թղթակցի հետ զրույցում ասաց «Ֆորմատից դուրս» կազմակերպության ներկայացուցիչ Վահե Թումանյանը։
Հետաքրքիր անակնկալ է լինելու նաև այս Ամանորի գիշերը։ Օտարազգի փեսան հայ սիրեցյալին առաջարկություն է անելու Հանրապետության հրապարակի մոտակայքում գտնվող շենքերից մեկի տանիքին Նոր տարվա հրավառության ֆոնին։ Նա չցանկացավ մանրամասնել, որ հարսնացուն գլխի չընկնի անակնկալի մասին։
«Ամենամեծ պահանջարկ ունեցող անակնկալը ընթրիքն է ջութակի երաժշտության ներքո ու ֆոտոսեսիայով։ Երկրորդ տեղում է ընթրիքը բուխարու մոտ։ Այդպիսի վայրերի հանդեպ հետաքրքրությունը հետզհետե աճում է։ Պատվիրատուների 78%-ն աղջիկներն են», - ասաց նա։
Մի քանի տարի առաջ մի քանի տասնյակ երաժիշտներից կազմված նվագախումբը հավաքվել էր աղջկա պատուհանի տակ՝ նրա Նոր տարին շնորհավորելու համար։ Դեպք է եղել, երբ ընթրիքը նավի վրա են կազմակերպել։ Սևանի կեսին հասնելուն պես տղան պետք է առաջարկություն աներ աղջկան։ Առաջարկության պահին բեմ պետք է բարձրանար ջութակահարը, լուսանկարիչը պետք է լուսանկարեր, իսկ նավի վրա գտնվող մարդիկ պետք է շնորհավորեին զույգին։
«Ամեն ինչ արվեց այնպես, ինչպես ծրագրավորված էր, ու միայն արարողությունից հետո իմացանք, որ աղջիկը մերժել է։ Դա իմ կյանքում հետդարձի ամենաերկար ճանապարհն էր։ Բայց մենք որոշեցինք սփոփել անհաջողակ փեսային ու առաջարկեցինք նրան տղաների քեֆ կազմակերպել», - ասաց Թումանյանը։
Մեկ այլ ընկերությունում ասացին, որ ամենամեծ պահանջարկն ունեն էքստրեմալ անակնկալները, որոնք ավելի շատ սիրում են տղամարդիկ, քան կանայք։ Ամենատարածվածը պարաշյուտով թռիչքներն են, հիմնականում հրահանգչի հետ, կամ թռիչք օդապարուկով։ Պահանջարկ ունեն նաև մոտոտուրերն ու ձմերային արշավները։
«Աճել է զիփլայնի պահանջարկը։ Նորույթ էլ կա՝ թռիչք զիփլայնով Սանտայի հետ։ Դա երեխաների համար ամենատարածված նվերն է», - ասաց ընկերության աշխատակիցը։
Նա հայտնեց նաև, որ այս տարի նորաձև են դառնում քվեսթները, փեյնթբոլի կամ սթրայքբոլի մասնակցության կտրոնները։
թեգերը:
թեմա:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։