Քարդաշյանը հոգնե՞լ է Քանյեից։ ԶԼՄ–ները գրում են աստղային զույգի ամուսնալուծության մասին
(Թարմացված է 10:06 19.12.2018)
Քանյե Ուեսթը անդադար ինչ–որ պատմությունների մեջ է ընկնում, և Քիմը ստիպված է իրեն վտանգելով նրան մշտապես պաշտպանել։ԵՐԵՎԱՆ, 19 դեկտեմբերի — Sputnik. Ռեալիթի շոուի աստղ Քիմ Քարդաշյանը կարող է ամուսնալուծվել, գրում է RadarOnline պարբերականը` հղում անելով սեփական աղբյուրներին։
Որքան ավելի շատ է խոսում ու գործում Քանյե Ուեսթը, այդքան «Քիմն իրեն ավելի անապահով է զգում»։
©
Sputnik / Asatur Yesayants
«Քանյեն շարունակում է Քիմին ու իրենց ընտանիքը «կրակի» մեջ գցել, և կինը մշտապես սպառնալիքների և հետապնդումների է ենթարկվում», – պարբերականին հայտնել է աղբյուրը։
Քանյեն Twitter–ում շարունակում է իր վեճը ռեփեր Դրեյքի հետ, խնդիրներ են եղել նաև Ռիհաննայի, Թրևիս Սքոթի հետ (Քայլի Ջեների ընկեր)։ Քարդաշյանը ստիպված է լինում ամեն անգամ պաշտպանել նրան։ Այդ ամենից նա հոգնել է, և չի բացառվում, որ նրանք կամուսնալուծվեն։
«Քիմը ստիպված է կրկին ու կրկին պաշտպանել Քանյեին, նույնիսկ եթե նա համաձայն չէ ամուսնու դիրքորոշման հետ», – Radar–ին տված հարցազրույցում ասել է աղբյուրը։
Քիմը նաև ընկերներին պատմել է, որ Քանյեյի տարօրինակ պահվածքը ստիպում է իրեն վտանգված զգալ։ Նա գերադասում է «պարզապես հետևել Քանյեի ցուցումներին, և «չբարդացնել իրավիճակը»։ Սակայն երեք երեխաների մայրը, աղբյուրի խոսքով, «այլևս չի կարող այդպես շարունակել»»։
Հարավկովկասյան երկաթուղին շահագործման է հանձնել 70 նոր կիսավագոններ
(Թարմացված է 11:42 05.03.2021)
«Հարավկովկասյան երկաթուղի» ընկերություն2021-2024 թթ. նախատեսվում է ամբողջովին նորացնել բեռնատար կիսավագոնների պարկը:ԵՐԵՎԱՆ, 5 մարտի - Sputnik. ՀԿԵ-ն շահագործման է հանձնել 70 նոր կիսավագոններ։ Տեղեկությունը հայտնում է ընկերության մամուլի ծառայությունը։
©
Sputnik / Кирилл Каллиников
Նշվում է, որ 2020 թվականին «Հարավկովկասյան երկաթուղի» ընկերությունը գնել է «Ուրալվագոնզավոդ» ձեռնարկության արտադրության 70 նոր կիսավագոններ: Վագոնները Հայաստան են բերվել 2020 թվականի հոկտեմբերին՝ Կավկազ նավահանգիստ – Փոթի նավահանգիստ երկաթուղային լաստանավային երթուղով:
«Այս տարվա փետրվարին 29 նոր կիսավագոններ արդեն սկսել են սպասարկել Երևանից Փոթի իրականացվող պղնձի խտանյութի արտահանման փոխադրումները: Առաջին բեռնումն իրականացվել է 2021 թվականի փետրվարի 24-ին»,–նշվում է հաղորդագրության մեջ:
Ընկերությունից հավելում են, որ Հարավկովկասյան երկաթուղու շարժակազմի թարմացման գործընթացը շարունակական բնույթ է կրում:
Արտակարգ դրությունն ազդել է նաև երկաթուղու աշխատանքի վրա. ինչ պետք է անեն ՀԿԵ-ում
2021 թվականի ընթացքում այն զարգացման նոր խթան կստանա, իսկ 2021-2024 թթ. նախատեսվում է ամբողջովին նորացնել բեռնատար կիսավագոնների պարկը:
Հիշեցնենք` ՀԿԵ ՓԲԸ-ն հանդիսանում է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:
ՀԿԵ–ն Երևանում ջերմային էլեկտրակայանի կառուցման համար խոշոր ծավալի բեռներ է փոխադրել
Եղվարդի բնակիչը պատերազմի օրերին գնված 17 մլն դրամի զինվորական հանդերձանքը փորձել է այրել
(Թարմացված է 11:12 05.03.2021)
Եղվարդի 30-ամյա բնակչին, սակայն, չի հաջողվել ամբողջությամբ այրել զինվորական հանդերձանքը, քանի որ քաղաքացիները նկատել են հրդեհը։
ԵՐԵՎԱՆ, 5 մարտի - Sputnik. ՀՀ քննչական կոմիտեն տեղեկացնում է, որ Եղվարդ քաղաքի բնակչին մեղադրանք է առաջադրվել զինվորական հանդերձանքը դիտավորությամբ ոչնչացնելու փորձ կատարելու համար։
©
Sputnik / Laura Sarkisyan, Aram Nersesyan
«Եղվարդի 30-ամյա բնակիչը 2020թ. նոյեմբերի 11-ին՝ ժամը 02:30-ի սահմաններում, դիտավորյալ և վառելանյութի օգտագործմամբ փորձել է հրկիզել Եղվարդի Ազատամարտիկների փողոցում գտնվող, քաղաքացիական նախաձեռնության անդամների կողմից ձեռք բերված 17.375.000 դրամ արժողության զինվորական հանդերձանքը: Սակայն իր կամքից անկախ հանգամանքներում հանցագործությունն ավարտին չի հասցրել, քանի որ հրդեհը նկատվել է քաղաքացիների կողմից և մարվել»,–նշված է հաղորդագրության մեջ։
Եղվարդ քաղաքի 30-ամյա բնակչին մեղադրանք է առաջադրվել՝ ՀՀ քրեական օրենսգրքի 34-185-րդ հոդվածի (գույքը դիտավորությամբ ոչնչացնելու կամ վնասելու փորձ) 3-րդ մասի 1-ին կետով:
Նա կալանավորվել է։
Նախաքննությունը շարունակվում է:
Առաքելյանն ասաց` Հայաստանիդ վարչապետին բողոքիր. կամավորներն իրենց հասանելիք փողն են ուզում