ԵՐԵՎԱՆ, 15 դեկտեմբերի — Sputnik. Հայտնի երգչուհի Անիտա Ցոյը չորեքշաբթի ելույթ է ունեցել Ռյազանում «10|20» շոուի ժամանակ և այնքան է կատակել հանդիսատեսի հետ, որ ոչ միայն համերգն է անշլագի վերածվել, այլև հետո նրա արտահայտություններն են տարածվել սոցիալական ցանցերում։
Ելույթը սկսվել է կես ժամ ուշացումով։ Երգչուհին ներողություն է խնդրել երկրպագուներից՝ կատակելով, որ «տարված է եղել համակրելի հայերի հետ զբոսանքով»։
Посмотреть эту публикацию в InstagramКогда хочется среди зимы лета...😉 #анитацой #шоу1020 #шоумечты #тур1020 #летолаттелюбовь
Երգչուհին «62info.ru»-ին պատմել է, որ ծրագրի անվան մեջ 10–ը իր շոուի հերթական թիվն է, իսկ 20-ը` բեմում երգելու տարիների քանակը։ «10|20»-ում ընդգրկվել են ինքնակենսագրության առանցքային պահերը։ Նա պատմել է, որ որոշել է շոուն նվիրել երազանքներին, «որովհետև 45-ից հետո իրեն բռնացրել է այն մտքի վրա, որ սկսել է ավելի քիչ երազել»։
«Ոչինչ չի ստիպում հոգուն թռչել», - երկրպագուներին ասել է Ցոյը, հետո խոստովանել է, որ այդ ծրագիրը «կախարդական խթան» է դարձել, իսկ ինքը դեռ մի քանի վառ երազանքներ ունի, օրինակ` որդուն ամուսնացնելու մասին։
«Ուզում եմ, որ նրա ընտրյալը լավը լինի, Ռյազանում կան այդպիսիք», - ասել է երգչուհին։
Համերգի ընթացքում նա անընդհատ շփվել է հանդիսատեսի հետ, կատակել տղամարդկանց և կանանց հարաբերությունների, ամուսնության մասին։
«Տղամարդիկ, մենք պարզապես բույն չենք հյուսում, մենք ձվերի վրա ենք նստում», - դիմել է երգուհին դահլիճում գտնվող տղամարդկանց։
Անիտա Ցոյը կատարել է իր «Թռիչք», «Պահիր ինձ», «Երկինք» հիթերը, ինչպես նաև «Նոր ես» ստեղծագործությունը, որի պրեմիերան տեղի է ունեցել հոկտեմբերին։ Հանդիսատեսը երկար ժամանակ չի ցանկացել հեռանալ, ծափահարությունները չեն դադարել։ Արդյունքում համերգը նախատեսվածից շատ ավելի երկար է տևել։
