Facebook

Նախընտրական մեմերը սոցցանցերում. Գվատեմալայի քաղաքացուց մինչև «կլասիկ» Մարուքյան

631
(Թարմացված է 16:40 11.12.2018)
Սոցցանցերի օգտատերերը չեն կարողացել անտարբեր մնալ այնպիսի լուրջ քաղաքական իրադարձության հանդեպ, ինչպիսին են ՀՀ ԱԺ ընտրությունները։ Քաղաքական գործիչների առանձին արտահայտություններն ու նախընտրական կարգախոսները մեմեր են դարձել։

ԵՐԵՎԱՆ, 10 դեկտեմբերի — Sputnik. Եթե քաղաքական կատակների համար մրցանակ լիներ, համացանցի որոշ օգտատերեր «հանդիսատեսի համակրանք» մրցանակին կարժանանային։ Մինչ քաղաքական գործիչներն իրենց «կոտորում» էին ընտրողների ձայները ստանալու համար, քաղաքական թեմաներով կատակները գնալով ավելի մեծ թափ էին հավաքում։

Sputnik Արմենիան ներկայացնում է սոցցանցերում տարածում ստացած նախընտրական կատակները։

Եթե մտահոգ ես...

Հայաստանի հանրապետական կուսակցությունն ու դրա ներկայացուցիչները կատակասերների ուշադրության կենտրոնում էին հայտնվել։ Հիշվող ու բավականին հավակնոտ «Եթե մտահոգ ես, ընտրիր Հանրապետականին» կարգախոսը մեծ տարածում ստացավ սոցցանցերում ու բազում հումորների առիթ տվեց։

Реклама массажного салона
© Photo : Facebook/ Thai Spa
Մերսման սրահի գովազդ

Եվ, իհարկե այդ կարգախոսը չէին կարող չօգտագործել մարկետոլոգները։ Հանրապետականների կարգախոսը հիմքում բազում գովազդային պաստառներ հայտնվեցին` սկսած առողջ ապրելակերպից մինչև մազեր «կրակելու» գովազդ։

Սակայն ընտրությունների արդյունքները ցույց տվեցին, որ ՀՀԿ–ին ձայները դրանից չավելացան, բայց հանրապետականների գովազդով զբաղվող մարդիկ, ինչ խոսք, հարգանքի են արժանի։

Реклама услуг фитнес тренера
© Photo : Facebook
Ֆիթնես մարզչի ծառայությունների գովազդ

Մեմեր են հայտնվել նաև նախորդ իշխանության սխալների մասին։ Դրանք բացահայտորեն ակնարկում են, որ հանրապետականներն ընկել են իրենց փորած փոսը։ Դրա համար հիմք է հանդիսացել այն, որ նոր Ընտրական օրենսգրքի դեպքում ՀՀԿ–ն կարող էր խորհրդարան անցնել 2% ձայներով։ Իսկ նախորդ 5% –անոց շեմի դեպքում արտահերթ ընտրություններում 4,70% հավաքած կուսակցությունը Ազգային ժողով չանցավ։

Ֆրանկլին Գոնսալես

Քարոզարշավը հիշվել է նաև Ֆրանկլինով, բայց ոչ Ռուզվելտ։ Պարզապես այդ կեղծանվան տակ էր թաքնվում Նարեկ Սարգսյանը։ Բանն այն է, որ դեկտեմբերի 7–ին Հայաստանի իրավապահ մարմիններն ու Ինտերպոլի ազգային բյուրոն Պրահայում հայտնաբերել էին Սերժ Սարգսյանի` խուզարկության մեջ գտնվող զարմիկին։ Ալեքսանդր Սարգսյանի որդին` Նարեկը, ձերբակալման պահին Գվատեմալայի քաղաքացու անձնագիր էր ներկայացրել` Ֆրանկլին Գոնսալես անունով։

Դե, հասկանում եք` համացանցի օգտատերերը հումորով են համեմել այդ միջադեպը։ Արդյունքում, սոցցանցերի օգտատերերը մի քանի օր ստեղծագործում էին երևակայելի Ֆրանկլինի շուրջ։

Անգամ կիրառվեց ՀՀԿ–ի կարգախոսը, այն ձևափոխվեց «Եթե մտահոգ ես, ընտրիր Ֆրանկլին Գոնսալեսին» կարգախոսի։

Գաղտնալսում

Նախընտրական քարոզարշավի ընթացքում սոցցանցերում ակտիվորեն քննարկվում էր նաև ԱԱԾ տնօրեն Արթուր Վանեցյանի երկրորդ գաղտնալսման փաստը, ընդ որում` այս անգամ իր մեկնաբանություն էր արել նաև վարչապետի պաշտոնակատար Նիկոլ Փաշինյանը։ Օգտատերերը հարմարեցրել էին հին մեմերը նոր իրողություններին։ Գաղտնալսման հրապարակումից հետո համացանցային ստեղծագործության նոր գոհար է հայտնվել. «Եթե մտահոգ ես, գաղտնալսիր»։

Ի դեպ` ինչպես և առաջին անգամ, հասարակական կարծիքի «ազդարարները» տեղի ունեցածը կապում էին ՀՀ երկրորդ նախագահ Ռոբերտ Քոչարյանի հետ։

Կլասիկ

Հանրային հեռուստատեսությամբ ընտրությանը մասնակցող 11 քաղաքական ուժերի առաջնորդների պատմական բանավեճը կարող էր այլ բաներով հիշվել, եթե չլիներ ԲՀԿ ղեկավար Գագիկ Ծառուկյանի մտքի գոհարը։ Մարդիկ մինչև հիմա չեն կարողանում մոռանալ «Լուսավոր Հայաստանի» առաջնորդ Էդմոն Մարուքյանին Ծառուկյանի ասած արտահայտությունը։ Բանավեճի ընթացքում Մարուքյանն ասաց, որ նա կլասիկ պատգամավոր է, ինչին Ծառուկյանը պատասխանեց. «Ես քո կլասիկ ցավը տանեմ»։

Դա դարձավ ևս մեկ մեմ ու թևավոր արտահայտություն, մարդիկ մինչ այժմ տպավորության տակ են ու հաճախ են մեջբերում Ծառուկյանին։ Մարուքյանին սկսեցին բնորոշել Classic բառով։

Մենուա Հարությունյան

ՀՀԿ վարկանիշային թեկնածու Մենուա Հարությունյանը սոցցանցերում առանձնահատուկ ուշադրության արժանացավ այն բանից հետո, երբ ձիով շրջեց Կապանում, որտեղ նա առաջադրվել էր ռեյտինգային համակարգով։

Հարությունյանն առաջարկել էր Կապանի ճանապարհային ոստիկանության աշխատակիցներին ծառայությունն իրականացնեն ձիերով։ Նա սոցցանցերում լուսանկար էր հրապարակել, որից հետո կատակասերների թիրախ դարձել։ Այս թեմայով մեկնաբանությունների ու մեմերի իսկական «հեղեղ» եղավ։

Առավել տարածում է գտել այն լուսանկարը, որտեղ Մենուայի ձին գլուխը շրջած խնդրում է չլուսանկարել իրեն։ Լուսանկարի վրա գրված է. «Ապե նենց նկարի դեմքս չերևա»։

631
թեգերը:
Ազգային ժողովի ընտրություններ, Հայաստան
Ըստ թեմայի
Առանց լուրջ խախտումների. եվրոպացի դիտորդները գնահատել են ԱԺ ընտրությունները
Կիսաընդդիմություն. ո՞վ կլինի Փաշինյանի օպոնենտը
Խորհրդարանական ընտրությունները մրցունակ էին. Վաշինգտոնը շնորհավորել է Երևանին
 Премьер-министр Никол Пашинян покидает на онлайн брифинг по коронавирусу (2 июня 2020). Еревaн

Կառավարությունը քննարկում է մի քանի սցենար. սահմանափակումների հարցը դրանց շարքում է

32
(Թարմացված է 19:49 04.06.2020)
Նիկոլ Փաշինյանը չբացառեց հանրապետությունում համատարած սահմանափակումներ կիրառելու տարբերակը։

ԵՐԵՎԱՆ, 4 հունիսի - Sputnik. Կառավարությունը քննարկում է մի քանի սցենարներ` կորոնավիրուսով պայմանավորված հետագա քայլերի ուղղությամբ։ Այս մասին պարետատան նիստից հետո ճեպազրույցի ժամանակ ասաց ՀՀ վարչապետ Նիկոլ Փաշինյանը։

Փաշինյանն, ի դեպ, օրերս ասել էր, որ եթե վարակի տարածման տեմպերը չնվազեն, հնարավոր է՝ անցնեն համատարած սահմանափակումների` դրանք ուղեկցելով պարետային ժամով։ Հարցին, թե հնարավո՞ր է` այդ քայլին էլ դիմեն` Փաշինյանը պատասխանեց, որ հարցը քննարկում են։

«Քննարկում ենք մի քանի սցենարներ, ինչպես նաև դրանց հնարավոր տնտեսական բեռն ու հետևանքները։ Որոշումներ կկայացնենք հենց այս համատեքստում։ Քննարկում ենք նաև այն հարցը, որ գուցե տնտեսապես սահմանափակումներին գնալու բեռը լինի անտանելի և մենք ստիպված լինենք այլ ճանապարհներ գտնել»,– ընդգծեց վարչապետը։

Բժիշկների համար տնային բուժման ուղեցույց կհրապարակվի․ մի՛ զբաղվեք ինքնաբուժությամբ

Նրա խոսքով` հետագա անելիքները կորոշվեն` հիմա քննարկվող սցենարներից մեկով։

Նշենք, Հայաստանում կորոնավիրուսով վարակվածների թիվն արդեն հասել է 11 221-ի, առողջացել է 3468 մարդ, շարունակում են բուժվել 7509-ը, վարակվածներից 176–ը մահացել են։

Կորոնավիրուսից 33-ամյա պացիենտ է մահացել. ծանր վիճակում գտնվողների թիվն ավելացել է

 

32
թեգերը:
Նիկոլ Փաշինյան, Արտակարգ դրություն, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
ՀՀ–ում կորոնավիրուսից մահացածներից մեկը 44 տարեկան կին է. նոր տվյալներ
Գևորգ Կոստանյանը կորոնավիրուսով է վարակվել
Կորոնավիրուսն ուսումնասիրել է պետք. Մյասնիկովը` վրացական կարանտինի և Փաշինյանի մասին
Արցախում կորոնավիրուսով վարակվածների թիվը կրկին ավելացել է
Լիլիթ Մուսեյան

«Խնդրում եմ՝ վերադարձրեք մեզ մեր ընտանիքներին»․ հուզված բժշկուհին դիմեց քաղաքացիներին

41
(Թարմացված է 19:32 04.06.2020)
Բժշկուհու կարծիքով՝ կորոնավիրուսով վարակվածների մեծ թիվը խոսում է ժողովրդի ոչ միայն անզգուշության և անփութության, այլև ըմբոստության մասին։

ԵՐԵՎԱՆ, 4 մայիսի Sputnik. Արտաշատի բժշկական կենտրոնի կլինիկական աշխատանքների ժամանակավոր ղեկավար, ռեանիմատոլոգ Լիլիթ Մուսեյանը այսօր պարետատան նիստից հետո Հայաստանի վարչապետ Նիկոլ Փաշինյանի գլխավորած ճեպազրույցում հուզիչ խոսքով դիմեց ՀՀ քաղաքացիներին։

«Ես հայտնվել եմ Արտաշատի ԲԿ-ում ինֆեկցիոն հիվանդանոցում վերապրոֆիլավորվելու շնորհիվ։ Եկել եմ Արտաշատ և թողել Երևանում թե ընտանիքս, թե աշխատանքս։ Մենք բժիշկներով ջանք չենք խնայում, որ ձեզ վերադարձնենք ձեր ընտանիքներին։ Խնդրում եմ՝ դուք էլ մեզ վերադարձրեք մեր ընտանիքներին»,- դողացող ձայնով ասաց Մուսեյանը։

Բժշկուհու կարծիքով՝ կորոնավիրուսով վարակվածների մեծ թիվը խոսում է ժողովրդի ոչ միայն անզգուշության և անփութության, այլև ըմբոստության մասին։

«Այս կանոնները պարետատան կանոնները չեն, բոլորիս կանոններն են։ Կորոնավիրուսը առողջապահական համակարգի խնդիրը չէ, բոլորիս խնդիրն է։ Կա մի կարգախոս՝ իմ դիմակը փրկում է քեզ, իսկ քոնը՝ ինձ»,- նշեց Մուսեյանը։

Փաշինյանն ու ընտանիքի անդամները մանրամասն բժշկական հետազոտություն են անցել

Նա հավաստիացրեց, որ բուժաշխատողները ոչ մի դեպքում հետ չեն քաշվի իրենց պատրաստակամությունից առ կյանքեր փրկելուն, սակայն հանրությունը նույնպես պետք է պատասխանատվություն զգա բուժաշխատողների և հանրության հանդեպ։

Նշենք, Հայաստանում կորոնավիրուսով վարակվածների թիվն արդեն հասել է 11 221-ի, առողջացել է 3468 մարդ, շարունակում են բուժվել 7509-ը, վարակվածներից 176–ը մահացել են։

41
թեգերը:
համավարակ, Երևան, Արտաշատ, բժշկություն, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Շաքարային դիաբետ ու սրտանոթային խնդիրներ ունեցող 68-ամյա բժիշկը բուժվել է կորոնավիրուսից
Կորոնավիրուսն ուսումնասիրել է պետք. Մյասնիկովը` վրացական կարանտինի և Փաշինյանի մասին
ՀՀ–ում կորոնավիրուսից մահացածներից մեկը 44 տարեկան կին է. նոր տվյալներ
Արցախում կորոնավիրուսով վարակվածների թիվը կրկին ավելացել է
 Շտապօգնություն

Ծիծեռնակաբերդում 30-ամյա տղամարդուն գտել են ծառից կախված վիճակում

0
(Թարմացված է 20:37 04.06.2020)
Նշանակվել է դատաբժշկական փորձաքննություն, որը կպարզի ողբերգական դեպքի հանգամանքները։

ԵՐԵՎԱՆ, 4 հունիսի– Sputnik. Երևանի Ծիծեռնակաբերդի անտառում ծառից կախված 30-ամյա տղամարդու դի է հայտնաբերվել։ Տեղեկությունը հայտնում է Shamshyan.com կայքը։

Համաձայն կայքի տեղեկությունների՝ ողբերգական դեպքի մասին ԱԻՆ-ը տեղեկացել է 18:55-ին։ Դեպքի վայր ժամանած ոստիկաններ ու փրկիչները տեղում հայտնաբերել են տղամարդու՝ արդեն անշնչացած դին։ Տղամարդը կախված էր անտառի ծառերից մեկից՝ Հայոց ցեղասպանության հուշահամալիրի մոտակայքում գտնվող ցայտաղբյուրների մոտ։

Կորոնավիրուսից 33-ամյա պացիենտ է մահացել. ծանր վիճակում գտնվողների թիվն ավելացել է

Նշանակվել է դատաբժշկական փորձաքննություն, որը կպարզի դեպքի հանգամանքները։

0
թեգերը:
Դիակ, տղամարդ, Ծիծեռնակաբերդ, ինքնասպանություն, Երևան
թեմա:
Վթար, պատահար, սպանություն, գողություն
Ըստ թեմայի
«Խնդրում եմ՝ վերադարձրեք մեզ մեր ընտանիքներին»․ հուզված բժշկուհին դիմեց քաղաքացիներին
«Անպայման հետևեք ցուցումներին». հայտնի է Արմեն Գրիգորյանի կորոնավիրուսի թեստի պատասխանը