ԵՐԵՎԱՆ, 2 դեկտեմբերի — Sputnik. Ամերիկահայ հեռուստաաստղ Քիմ Քարդաշյանն իր գեղեցկությամբ և հեղինակությամբ նվաճել է ոչ միայն ամբողջ աշխարհի կանանց, այլ նաև չափանիշ է դարձել գեղեցիկ սեռի ներկայացուցիչների համար։ Ով ուզում է Քիմի նման կազմվածք ունենալ, պառկում է պլաստիկ վիրաբույժի դանակի տակ, մյուսները բավարարվում են շրթունքների ծավալն ավելացնելով և դիմագծերը փոխելով։ Աշխարհում կան Քարդաշյանի բազմաթիվ նմանակներ։ Առաջարկում ենք ծանոթանալ Քիմ Քարդաշյանի կլոնների թոփ 5-ին։

«Քիմը» Էմիրություններից

Գրեթե 100 տոկոսի արդյունքի է հաջողվել հասնել ԱՄԷ-ից հայտնի դիմահարդարներ Սոնյա և Ֆայզա Ալի քույրերին։

Նրանք շատ հայտնի են սոցիալական ցանցերում, միայն Instagram-ում ավելի քան 700 հազար բաժանորդ ունեն։ Աղջիկները շատ նման են ԱՄՆ-ում հայտնի «Քարդաշյանների ընտանիք» ռեալիթի շոուի աստղեր Քիմ Քարդաշյանին և Քայլի Ջեներին։

Քարդաշյանի և Ջեների նմանակը դառնալու համար աղջիկները ստիպված են եղել տանել մի շարք բարդ պլաստիկ վիրահատություններ։ Նրանք նաև նմանակում են քույրերի ոճը և ապրում նրանց կյանքով։

Լիլիթ Բուշ

Քիմ Քարդաշյանը ոճի կուռք է նույնիսկ իր նախկին ընկերների կանանց համար, օրինակ ամերիկյան ֆուտբոլիստ Ռեջի Բուշի կնոջ՝ Լիլիթ Ավագյան Բուշի համար։

Քիմը Ռեջիի հետ հանդիպել է երեք տարի։ Օգտատերերի կարծիքով՝ 31-ամյա Լիլիթ Ավագյանը 38-ամյա Քիմ Քարդաշյաննի կլոնն է։ Թեև Լիլիթ Ավագյանը հիմա կարճ սանրվածք ունի, բայց ամեն դեպքում նրան համարում են Քարդաշյանի նմանակը, քանի որ նախկին պարուհու կազմվածքը և դիմագծերը հիշեցնում են Քարդաշյանին։

Կամիլա Օսման

Ամերիկացի մոդել Կամիլա Օսմանը Քիմի ևս մի նմանակ է։ Սակայն ի տարբերություն մյուսների՝ նա անձամբ ծանոթ է Քարդաշյանի հետ։

Ժամանակին Քայլի Ջեների նախկին սիրեցյալը՝ ռեփեր Tyga-ն, հանդիպել է Կամիլայի հետ։ Նմանությունը նկատել է նաև Քիմը, մի անգամ նա նույնիսկ հրավիրել է Կամիլային նկարահանվել Keeping Up with the Kardashians  ռեալիթի շոուի էպիզոդում։ Կամիլան չի հերքում պլաստիկ վիրահատությունների առկայությունը, նա ասում է, որ չի ձգտել դառնալ Քիմի նմանակը։

Կլաուդիա Սամպեդրո

Քիմի փառքը հասել է մինչև Կուբա։ Կուբացի մոդել Կլաուդիա Սամպեդրոն նույնպես նման է Քիմ Քարդաշյանին, ամեն դեպքում՝ կազմվածքով։

Կլաուդիան ծնվել է Կուբայում, սակայն վեց տարեկանից ապրում է Մայամիում։ Նա երազել է դառնալ մոդել և դա նրան հաջողվել է։ Այժմ նա հիմնականում մասնակցում է ներքնազգեստի և լողազգեստների գովազդներին։ Ի դեպ, աղջիկը հանդիպել է Ռեջի Բուշի՝ Քիմ Քարդաշյանի նախկին ընկերոջ հետ։

Մարիանա Հյուիթ

Բյութի բլոգեր Մարիանա Հյուիթը բառացի ոգեշնչված է Քիմ Քարդաշյանի կերպարով։

Աղջիկը ցանկացել է վերածվել Քիմի պատճենի, դրա համար նա նույնիսկ սովորել է դիմահարդարվել և ճիշտ ռակուրս ընտրել սելֆիի համար, ինչպես Քարդաշյանը։ Հյուիթը ա-լյա Քարդաշյան լուսանկարներ է հրապարակում։ Ի տարբերություն մյուսների՝ աղջիկն առայժմ պլաստիկ վիրահատություն չի ունեցել։

ԵՐԵՎԱՆ, 3 մարտի – Sputnik, Արմենուհի Մխոյան. Մարտի 3-ին` ժամը 11:00-ին, Գյումրիում մեկնարկել է ֆլեշմոբ-քայլերթ՝ ՀՀ վարչապետ Նիկոլ Փաշինյանի հրաժարականի պահանջով: Նախաձեռնության համահեղինակ իրավաբան Կարապետ Պողոսյանը Sputnik Արմենիայի հետ զրույցում հայտնեց, որ ինքն ու դերասան Մկրտիչ Վարդանյանը պատրաստվում են անցնել այն ճանապարհով, որով Փաշինյանը երեք տարի առաջ Գյումրիից եկել է Երևան, հասնել մայրաքաղաք ու խորհրդանշական իրեր փոխանցել ՀՀ վարչապետին։

Պատերազմին մասնակցած եզդիները միացել են Փաշինյանի հրաժարականի պահանջին. Այսեր Իսոյան

Նշենք, որ քայլերթից առաջ Պողոսյանն ու Վարդանյանը խորհրդանշական ակցիա են իրականացրել՝ Նիկոլ Փաշինյանի ուսապարկը խորհրդանշող պայուսակից հանելով իրեր՝ փուչիկ, ծաղրածուի և բժշկական դիմակներ, կախարդական փայտիկ, նոթբուք, ելակ, նուռ, Հայաստանի քարտեզը, Ադրբեջանի նախագահ Իլհամ Ալիևի նկարը։ Նրանք վստահեցրին, որ հենց այս ամենն էր Փաշինյանն իր հետ բերել Երևան։

Ֆլեշմոբի մասնակիցները նշեցին, որ այդ ամենից բացի, իրենք այլ իրեր էլ են տանելու Փաշինյանին` պարան, օճառ, մարզական կոշիկներ, հերոս տղաների շիրիմների լուսանկարը և այլն:

Մի շարք քաղաքացիներ էլ առաջարկել են պայուսակում ավելացնել նաև 2020 թվականին իմքայլականների նախաձեռնված «Սահմանադրական» հանրաքվեի «Այո» քարոզչության բուկլետը, «Հպարտ քաղաքացու անձնագիրը», Շուշիի տան բանալիներ և այլն։

«Հենց նույն ճանապարհով, որով 2018 թվականին Փաշինյանը Գյումրիից շարժվել է Երևան, մենք ենք անցնելու, լինելու ենք նույն բնակավայրերում, փորձելու ենք հասկանալ մարդկանց դիրքորոշումը, լսել նրանց կարծիքները։ Ամենայն հավանականությամբ, արդեն ուրբաթ օրը ճամպրուկը կհասցնենք կառավարություն», - ասաց Կարապետ Պողոսյանը` քաղաքացիներին հորդորելով միանալ իրենց:

Sputnik Արմենիայի տեղեկություններով` նրանք արդեն հասել են Սպիտակ։

Սպիտակի ղեկավարը միանում է Փաշինյանի հրաժարականի պահանջին և աջակցում ԳՇ–ին