ԵՐԵՎԱՆ, 27 նոյեմբերի — Sputnik. Շիրակի մարզում առկա է  չպայթած զինամթերքի խնդիր: Ուսումնասիրությունները ցույց են տվել, որ խնդիրը առկա է դեռ ԽՍՀՄ ժամանակաշրջանից: Չպայթած  զինամթերքի  պայթյունի հետևանքով զոհեր  գրանցվել են ինչպես խորհրդային տարիներին, այնպես էլ մեր  օրերում:

«Հումանիտար ականազերծման և փորձագիտական կենտրոնը» պլանավորել է իրականացնել 102–րդ ռազմաբազայի հարակից տարածքների ականազերծում, և մինչ այդ աշխատանքների մեկնարկը, քանի որ այդ համայնքների բնակիչները մուտք ունեն տվյալ տարածքներ, անցկացվելու է ականային վտանգի իրազեկում, որի ընթացքում կկարևորվի հատկապես երեխաների ծանոթացումը ականային վտանգի կանոններին:

Նախաձեռնությունը «Հումանիտար ականազերծման և փորձագիտական կենտրոն» ՊՈԱԿ-ինն է, որին  միացել է նաև  102-րդ ռազմաբազան: Նախաձեռնությունն իրականացվում է Հայաստանում ՌԴ դեսպանատան և Շիրակի մարզպետարանի աջակցությամբ: Սա  համատեղ իրականացվող նմանատիպ առաջին ծրագիրն է:

Մինչ ռազմաբազայի «Կամխուդ» հրաձգարանին հարակից  6 համայնքների՝ Վահրամաբերդ, Մարմաշեն, Կապս, Հովհունի, Մայիսյան և Առափի, դպրոցներում «Հումանիտար ականազերծման և փորձագիտական կենտրոնի» մասնագետները հանդիպումներ կունենան  դպրոցականների հետ՝ ներանց ներկայացնելով չպայթած զինամթերք պարունակող տարածքների վտանգը և կանցկացվեն պրակտիկ պարապմունքներ, Վահրամաբերդի  մշակույթի տանը  նոյեմբերի 27-ին նախաձեռնող խումբը հանդիպեց հարակից գյուղերի բնակիչների հետ:

Հանդիպմանը ներկա էին ՌԴ 102-րդ ռազմաբազայի հրամանատարի տեղակալ, գնդապետ Ալեքսեյ Նաումենկոն, ՌԴ դեսպանատան կցորդի օգնական Սերգեյ Պլոտնիկովը և Հումանիտար ականազերծման և փորձագիտական կենտրոնի տնօրեն Ռուբեն Առաքելյանը:

«Շիրակում կա խնդիրը, քանի որ  Շիրակում կա  ռազմաբազա և բազային  հարակից տարածքում կա 6 գյուղ: Մենք որոշեցին ականային վնասազերծման դասընթացներ անցկացնել այդ համայնքների համար և ՌԴ դեսպանատան հետ պայմանավորվածություններ են ձեռք բերվել, որպեսզի ռազմաբազայի զորավարժանքների տարածքների մոտ գտնվող համայնքներում ռազմաբազայի ներկայացուցիչների մասնակցությամբ համատեղ ականային վտանգի իրազեկման դասընթացներ իրականացվեն»,-նշեց  «Հումանիտար ականազերծման և փորձագիտական կենտրոն» ՊՈԱԿ-ի ականից տուժած անձանց գծով ավագ մասնագետ Գայանե Սիմոնյանը:

Նա հավելեց, որ ռուսական ռազմաբազան իրենք չեն դիտարկում որպես ականապատված տարածք, այլ որպես աղտոտված տարածք, թեև ուսումնավարժանքների ժամանակ կարող են դրվել ականներ, կարող է նաև լինել չպայթած զինամթերք: Օգտվելով առիթից, բնակիչները  ռազմաբազայի հրամանատարի տեղակալին հարցրեցին հրաձգարանի տարածքում ուսումնասիրվածներից հետո մնացած չպայթած զինամթերքի մասին:

Գնդապետ Նաումենկոն փաստեց՝  այդ տարածքները ռազմաբազան վարձակալում է ՀՀ ՊՆ-ից:

«Կամխուդ զորավարժարանը գործում է դեռ խորհրդային տարիներից: Սա ՀՀ ՊՆ-ին  պատկանող տարածք է և ՌԴ  ԶՈւ-ն  վարձակալում է այս տարածքը և մենք այստեղ վարժանքներ ենք  անցկացնում: Այս տարածքները փակ են և քաղաքացիների մուտքն այս տարածք արգելված է: Կան արգելող ցուցանակներ 2 լեզուներով: Այնպես որ սա հրաձգարանի տարածք  է և ուսումնական վարժանքների ընթացքում, տեխնիկապես, հնարավոր  է, որ լինի չպայթած զինամթերք: Յուրաքանչյուր վարժանքից հետո մենք  կատարում ենք տարածքի մաքրում: Այնպես որ անհրաժեշտ է ոչ միայն արգելել անսուններին այս տարածքում արածացնելը, այլ նաև մարդկանց մուտքը»,-իր խոսքում նշեց հրամանատարի տեղակալը:

Սակայն նա փաստեց, որ կան քաղաքացիներ, որ ամեն դեպքում, տարբեր պատճառներով՝ մնացած զինամթերքի, մետաղի հավաքման կամ տարածքում անասունն արածացնելու համար, անցնում են տարածք՝ ինչը շատ վտանգավոր է:

Գնդապետը կրկին խորհուրդ տվեց մեծահասակներին՝ արգելել երեխաներին անցնել այդ տարածքները, որպեսզի չվտանգվի նրանց կյանքը:

Համայնքի  անդամները  ներկայացրեցին նաև ցանքատարածություններով տանկերի  շարժը բացառելու ու հատուկ երթուղի մշակելու հարցը: Ռազմաբազայի պատասխանատուն վստահեցրեց՝ մինչ Կամխուդ  տանկերի շարժի երթուղին այսուհետ կքննարկվեն համայնքների ղեկավարների հետ: Խոստում եղավ նաև այսուհետ չպայթած զինամթերքը պայթեցնել փոքր քանակներով, քանի որ մեծ քանակի պայթեցման դեպքում տուժում է հարակից Կապսի դպրոցը:

ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:

«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։

Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։

Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։