Ի՞նչ է իրականում տեղի ունենում հայ–վրացական սահմանին. պարզաբանում են փոխադրողները
ԵՐԵՎԱՆ, 27 նոյեմբերի — Sputnik. Հայ–վրացական սահմանի «Բագրատաշեն–Սադախլո» անցակետն աշխատում է սովորական ռեժիմով, առանց խափանումների։ Sputnik Արմենիայի հետ զրույցում այս մասին ասաց Միքայելը`Երևանից Թբիլիսի ուղևորափոխադրումներ իրականացնող ընկերության տնօրենը։
©
Sputnik / Sargis Sargsyan
Ավելի վաղ shamshyan.com–ը տեղեկություն էր տարածել, որ «Բագրատաշենի» անցակետում լարված իրավիճակ է։ Խմբագրությունը բողոքներ էր ստացել, որ քաղաքացիները հայտնվել են «պատանդի» վիճակում, քանի որ աջ ղեկով ավտոմեքենաների սեփականատերերն իրենց ավտոմեքենաները կայանել են չեզոք գոտում, ու քաղաքացիները 2 օր է՝ չեն կարողանում մտնել Հայաստան։
Մինչդեռ Sputnik Արմենիայի զրուցակիցն ասաց, որ իրենց ընկերությունում աշխատող վարորդները պետական սահմանը հատելու խնդիրների չեն բախվել։
«Մեր վարորդներն առանց խոչընդոտների հատել են հայ–վրացական սահմանը և անցակետի աշխատանքում ոչ մի խափանում չեն նկատել», – նշեց Միքայելը։
Sputnik Արմենիան կապ հաստատեց նաև SPAYKA–ի հետ։ Ընկերությունից հաստատեցին, որ հայ–վրացական սահմանի չեզոք գոտում մոտ 200 աջ ղեկով մեքենաներ կան, բայց անցակետն անցնելու խնդիրներ չեն եղել։
Հիշեցնենք` ապրիլի 1–ին ուժի մեջ է մտել աջ ղեկով մեքենաների ներկրման արգելքը։ Ներկրողները պահանջում են վերացնել այդ արգելքը։
Ջերմաստիճանը կբարձրանա. եղանակի տեսություն
(Թարմացված է 16:14 04.03.2021)
Հիդրոօդերևութաբանների կանխատեսումներով` տեղումնառատ օրերը դեռ կշարունակվեն։ ԵՐԵՎԱՆ, 5 մարտի - Sputnik. Հայաստանի Հանրապետության տարածքում այսօր` մարտի 5-ին հարավային շրջաններում, 7-ի կեսօրից հետո, 8-ին, 9-ի գիշերը շրջանների զգալի մասում, 9-ի ցերեկը առանձին շրջաններում սպասվում են տեղումներ, լեռնային և նախալեռնային շրջաններում` ձյան տեսքով։ Մարտի 6-ին, 7-ի գիշերը սպասվում է առանց տեղումների եղանակ։ Տեղեկությունը հայտնում է ՀՀ ԱԻՆ մամուլի ծառայությունը։
Հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:
Օդի ջերմաստիճանը մարտի 5-6-ի ցերեկն աստիճանաբար կբարձրանա 2-4 աստիճանով, 8-ի ցերեկը նույնքան կնվազի։
Երևան քաղաքում մարտի 5-6-ը, 7-ի գիշերը, 9-ի ցերեկը սպասվում է առանց տեղումների եղանակ, 7-ի երեկոյան ժամերին, 8-ին, 9-ի գիշերը սպասվում են տեղումներ:
«Հորս արև, ես հայերեն չեմ խոսում», կամ 22-ամյա իրաքցի Ալաայի առօրյան Երևանում
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։