ԵՐԵՎԱՆ, 23 նոյեմբերի — Sputnik. Ռուսական շոուի բիզնեսի ներկայացուցիչները՝ երգչուհի Վալերիան և նրա ամուսին Իոսիֆ Պրիգոժինը, տարվել են հայ արտադրողի կոնֆետներով։
«Ձեր տանը քաղցրակերներ կա՞ն, որոնք պատրաստ են մեկ կոնֆետի փոխարեն մի ամբողջ տուփ կոնֆետ ուտել, երբ համեղ է։ Մեզ մոտ էլ կա։ Այն պահը, երբ ընտանիքի հայրը ուրախ է, որ երեխաներն արդեն մեծացել են և ցրվել, տանը հիմա մրցակցություն չկա քաղցրավենիքի համար։ Ահա այսպիսի քաղցր կյանք ունենք։ Իսկ ինչ-որ մեկի մոտ նույնիսկ չափազանց քաղցր է», - գրել է Վալերիան Instagram-ում։
Մեկնաբանություններում նշված է․ «Ուղիղ Հայաստանից»։
Լուսանկարում Վալերիան «դատապարտող» հայացքով նայում է Պրիգոժինին։ Օգտատերերը որսացել են այդ հայացքը։ Բաժանորդներից մեկը գրել է․ «Այնպիսի ատելությամբ է նայում նրան»։ Մյուսը պաշտպանել է Վալերիային․ «Այս ինչ բացասական արտահայտություններ են։ Նախանձո՞ւմ եք։ Վալերիան շատ խելացի է, աշխատասեր, տաղանդավոր»։
Հայկական կոնֆետների մասին ավելի վաղ գրել էին նաև երգչուհի և դերասանուհի Պոլինա Գագարինան ու Քրիստինա Օրբակայտեն։
