Որքան վատն է մամուլի քարտուղարը, այնքան շատ են ֆեյքերը. ինչպես պայքարել սուտ լուրերի դեմ
(Թարմացված է 17:02 22.11.2018)
Հայաստանում ֆեյք նորությունների արտադրությունը գրեթե դրված է «արդյունաբերական» ռելսերի վրա։ Հանրապետությունում գոյություն ունեն հատուկ խմբեր և թիմեր, որոնք մասնագիտացած են դրանում։ԵՐԵՎԱՆ, 22 նոյեմբերի — Sputnik. Հայաստանի տեղեկատվական դաշտը բառացիորեն ողողված է կեղծ նորություններով, որոնք ակտիվորեն տարածվում են սոցիալական ցանցերում ֆեյք պրոֆիլների և ցածրորակ լրատվական մեկօրյա կայքերի միջոցով։
Չափազանց բարդ է պայքարել կեղծ նորությունների դեմ, քաղաքացիների գիտակցականության մակարդակը, լավը վատից տարբերելու նրանց ընդունակությունը հեռու է բավարար լինելուց։ Իրավիճակը երբեմն հասնում է անհեթեթության. նորմալ ԶԼՄ–ները և նրանց հրապարակումներն ուղղակի կորչում են կեղծ հրապարակումների և ֆեյք աղբյուրների մեջ։
©
Sputnik / Asatur Yesayants
Անվտանգության հարցերով փորձագետ Սամվել Մարտիրոսյանի խոսքով` Հայաստանում ֆեյք նորությունների արտադրությունը գրեթե դրված է «արդյունաբերական» ռելսերի վրա։ Հանրապետությունում գոյություն ունեն հատուկ խմբեր և թիմեր, որոնք մասնագիտացած են դրանում։ Այդ մասին նա ասաց այսօր մամուլի ասուլիսի ժամանակ։
Թեպետ նույն Facebook–ը կանոնավոր կերպով մաքրում է իր տիրույթը կեղծ պրոֆիլներից, ամեն անգամ հայտնվում են նոր էջեր։ Հիմա Facebook–ի արգելափակումից խուսափելու նպատակով ֆեյք նորությունների հեղինակները գնում են իրական մարդկանց չօգտագործվող պրոֆիլները և դրանց օգնությամբ անում իրենց սև գործը։ Ընդ որում, նախապատվություն են տալիս հին պրոֆիլներին, որոնք բացվել են մինչև 2014-2015թթ.–ները։
Այս իրավիճակն ավելի լարվում է ներքաղաքական ցնցումներից։ Վերջին ամիսների իրադարձությունները միայն բարձրացրել են հայկական ԶԼՄ–ների քաղաքականացվածության մակարդակը։ Եվ որպես հետևանք` հաճախ ԶԼՄ–ները զլանում են տեղեկությունը ստուգել առնվազն երկու պաշտոնական աղբյուրներից։ Առավել ևս, եթե այս կամ այն չստուգված տեղեկությունը համահունչ է տվյալ պարբերականի քաղաքական նախապատվություններին, ապա այն իսկույն տարածվում է այդ կողմնակալ պարբերականի միջոցով։
«Հայ հասարակությունն առայժմ չի սովորել տարբերել ֆեյք նորությունն իրականից։ Մարդիկ ամեն տեսակ հիմարություն կարդում են, սեղմում յուրաքանչյուր աղմկահարույց վերնագրի վրա, որը տեսնում են Facebook–ում։ Եվ յուրաքանչյուր «քլիք» նպաստում է այդ նորության հետագա տարածմանը։ Նման նորությունները պետք է անտեսել, պետք է բողոքել սոցցանցի ղեկավարությանը։ Միայն այդպես կարելի է ինչ-որ կերպ պայքարել կեղծ տեղեկությունների հոսքի հետ», – ասաց Մարտիրոսյանը։
Փորձագետը կանխատեսում է կեղծ նորությունների հոսքի ավելացում` նախընտրական քարոզարշավի ընթացքում։
Մարտիրոսյանի խոսքով` ֆեյքերի տարածման ևս մի գործոն է պետհաստատությունների ոչ արդյունավետ և ոչ օպերատիվ աշխատանքը։ Գաղտնիք չէ, որ լրագրողները հաճախ բողոքում են մամուլի քարտուղարների անհասանելիությունից, վերջինները միշտ չէ, որ ժամանակին են տալիս ստույգ տեղեկություն։ Որպես կանոն` այդ դատարկ տարածությունը լրացնում են բամբասանքները և հերյուրանքները։
Կան նաև թեժ թեմաներ, որոնք կեղծ նորությունների կայուն աղբյուր են ծառայում. դա ղարաբաղյան հակամարտությունն է և ԼԳԲՏ համայնքը։
թեգերը:
442 նոր դեպք, 7 մահ` մեկ օրում. կորոնավիրուսային հիվանդության ընթացքը Հայաստանում
(Թարմացված է 10:47 05.03.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:ԵՐԵՎԱՆ, 5 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 442–ով և դարձել 173 749։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։
Այս պահին փաստացի բուժում է ստանում 5249 մարդ, կատարվել է 744863 թեստավորում, առողջացել են վարակվածներից 164463-ը։ Գրանցվել է մահվան 3215 դեպք (+7)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և հասել 822-ի։
Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։
Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։
Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։
2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։
Գիտնականներն ասել են, թե մարդկությունը քանի տարի է կորցրել կորոնավիրուսի պատճառով
Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։
«Շուտով Հայաստանի կողմից կգնաս»․ Կիրկորովը «Եվրատեսիլի» մասնակցություն է խոստանում Դավային
(Թարմացված է 10:42 05.03.2021)
«Եվրատեսիլ 2020» երգի մրցույթը չեղարկվեց կորոնավիրուսի համավարակի պատճառով։ Մրցույթը նախատեսված էր Ռոտերդամում` մայիսի 12-ին, 14-ին և 16-ին:ԵՐԵՎԱՆ, 5 մարտի – Sputnik. Ռուսական էստրադայի արքա Ֆիլիպ Կիրկորովը երաժիշտ ու բլոգեր Դավիթ Մանուկյանին (Դավա) խոստանում է, որ նա կմասնակցի «Եվրատեսիլ» երգի մրցույթին։ Տեղեկությունը հայտնում է StarHit-ը:
Կիրկորովը Մանուկյանին դա ասել է Sugar երգի մոսկովյան շնորհանդեսի ժամանակ։ Այս կատարմամբ Նատալյա Գորդիենկոն «Եվրատեսիլում» ներկայացնելու է Մոլդովան: Կիրկորովը երգի հեղինակներից և պրոդյուսերներից է։
«Նատալյան «Եվրատեսիլի» աստղն է։ Իսկ շուտով դու՝ Դավիթ, կգնաս Հայաստանի կողմից», - ասել է Կիրկորովը Մանուկյանին, որը նույնպես հրավիրված էր շնորհանդեսին։
Սկզբում Դավան Կիրկորովի խոսքերը որպես կատակ է ընդունել, սակայն ավելի ուշ խոստովանել է, որ պատրաստ է քննարկել առաջարկը:
««Եվրատեսի՞լ» ենք գնում։ Հաջորդ տարին մերն է։ Չեմ կարող մերժել փոփ-արքային», - ասել է Դավան։
Հիշեցնենք` «Եվրատեսիլ 2020» երգի մրցույթը չեղարկվեց կորոնավիրուսի համավարակի պատճառով։ Մրցույթը նախատեսված էր Ռոտերդամում` մայիսի 12-ին, 14-ին և 16-ին: Եվրոպայի հեռարձակողների միությունը որոշեց չեղարկել այն` կորոնավիրուսի համավարակի պատճառով:
Ավելի ուշ Հայաստանի Հանրային հեռուստաընկերությունը Facebook-ի պաշտոնական էջում հայտնեց, որ 2021թ. Եվրատեսիլի անցկացման և Հայաստանի պատվիրակի մասնակցության վերաբերյալ տեղեկություն դեռ չկա․ պարզ չէ՝ Հայաստանը «Եվրատեսիլ 2021»-ին Աթենա Մանուկյա՞նը կներկայացնի, թե՞ նոր մասնակից կընտրեն, բայց մի բան հստակ է՝ «Եվրատեսիլ 2021»-ին երկիրը պետք է ներկայանա նոր երգով։