Վլադ Պիսկունով

Մոսկվայում խենթի տեղ կդնեն, իսկ Երևանում` ոչ. ի՞նչն է Հայաստանում գրավել ռուսաստանցի շեֆին

971
Հայկական հյուրընկալությունը, «քարերի սիմֆոնիան» ու ազգային խոհանոցը պարզապես ցնցել են «Մատրյոշկա» ռեստորանի շեֆ խոհարար Վլադ Պիսկունովին։

ԵՐԵՎԱՆ, 7 նոյեմբերի — Sputnik, Լաուրա Սարգսյան. Միայն Երևանի ջազ ակումբում է հնարավոր պատվիրել ավանդական հայկական ուտեստներ` տոլմա կամ ավելուկով ապուր, Մոսկվայում նման բան պարզապես հնարավոր չէ, իսկ այն մարդուն, որը կուզենա նմանատիպ վայրում պելմենի ուտել, խելագարի տեղ կդնեն։

Սա «Մատրյոշկա» ռեստորանի շեֆ խոհարար Վլադ Պիսկունովի դիտարկումն է։

Նա Հայաստան է եկել Yerevan Food Fest փառատոնի շրջանակում, մասնակցել է «չորս ձեռքով ընթրիքին» ու բազում համեղ ուտեստներ պատրաստել հայ շեֆի հետ։

Բլղուր ու քարերի սիմֆոնիա

«Փառատոնն ինձ համար նախևառաջ Հայաստանը տեսնելու, հայկական խոհարարական առանձնահատկություններին ծանոթանալու հնարավորություն էր։ Առաջին անգամ եմ այստեղ, հաճույքով համաձայնեցի մասնակցել փառատոնին», – ասաց Պիսկունովը Sputnik Արմենիայի թղթակցի հետ զրույցում։

Վլադն առաջին անգամ խաշ է կերել Հայաստանում ու շատ է հավանել, թեև նրան նախապես վախեցրել են սխտորով։

Մոսկվացի շեֆը շատ է հավանել բլղուրը և որոշել է ռուսական խոհանոցի ուտեստներ պատրաստելիս անպայման բլղուր օգտագործել։

«Հավանեցի նաև կարմրախայտը։ Ձկան այդ տեսակը Մոսկվայում եփում եմ ծովաբողկի տերևներով։ Այստեղ համտեսեցի ու հասկացա` ինչ որակի պետք է լինի կարմրախայտը, հիմա բարձրացնելու եմ նշաձողը», – ասաց Պիսկունովը։

Նա նաև այցելել է Հայաստանի տեսարժան վայրեր։ Մոսկվացի հյուրին ամենաշատը տպավորել է «Քարերի սիմֆոնիա» բնական հուշարձանը։

Պիսկունովի խոսքով` դա ամենագեղեցիկ բանն է, որ տեսել է Հայաստանում։ Մեր երկրից հեռանալիս նա չի մոռանա նաև հայկական հյուրընկալությունը։

«Հայաստանում առաջին հերթին ցնցում է հյուրընկալությունը։ Այստեղ քեզ բառացիորեն գերում են հյուրընկալությամբ», – ասաց Վլադը։

Հայկական ռեստորանները Ռուսաստանում

Պիսկունովն ասաց, որ ավանդական հայկական ռեստորանները Ռուսաստանում զիջում են վրացականին կամ ռուսականին։

Նա նշեց, որ այսօր Ռուսաստանում վրացական խոհանոցի ռեստորանների բում է, որովհետև վրացիներն իրենց ռեստորանները հարմարեցնում են ռուսաստանցիներին։

«Մոսկվայում հայկական ռեստորանների վիճակը վատ է։ Հայկական ռեստորաններ կան, բայց մի քանի անգամ զիջում են վրացականներին։ Խնդիրն այն է, որ դրանց մեծ մասը հայկական սփյուռքի համար են նախատեսված, իսկ վրացականները` լայն զանգվածների», – պարզաբանեց շեֆ խոհարարը։

Նա ընդգծեց` քանի դեռ հայկական ռեստորանները միայն հայերի համար են, դրանք նույն մակարդակում կմնան։ Պիսկունովը խորհուրդ է տալիս հայկական ռեստորան բացելիս այնպես մատուցել հայկական խոհանոցը, որ մոսկվացիներին էլ դուր գա։

Հիշեցնենք` Yerevan Food Fest–ը Հայաստանում անցկացվեց նոյեմբերի 2–ից 6–ը։ Sputnik Արմենիան փառատոնի տեղեկատվական հովանավորն էր։

971
Աննա Հակոբյանը դուստրերի հետ

Ուրախ առիթով հյուր էինք. Աննա Հակոբյանը լուսանկարներ է հրապարակել «Շիշ բռնողի» հարսանիքից

271
(Թարմացված է 23:18 25.07.2021)
Աննա Հակոբյանի հետ լուսանկարներում դուստրերից երկուսն են։ Ընտանիքի մյուս անդամները չեն երևում։

ԵՐԵՎԱՆ, 25 հուլիսի – Sputnik. ՀՀ վարչապետի ժամանակավոր պաշտոնակատար Նիկոլ Փաշինյանի տիկին Աննա Հակոբյանը Facebook–ի էջում տոնական լուսանկարներ է հրապարակել դուստրերից երկուսի հետ: 

«Երկար ամիսներ անց առաջին անգամ ուրախ առիթով հյուր էինք»,–լուսանկարին կից գրել է Հակոբյանը։

Ամենայն հավանականությամբ`Աննա Հակոբյանը և դուստրերը մասնակցել են իմքայլական պատգամավոր Հայկ Սարգսյանի («Շիշ բռնողի») հարսանյաց հանդեսին:

Հարսանիքի քավորը, ըստ շրջանառվող լուրերի, եղել է Նիկոլ Փաշինյանը:

Հիշեցնենք` ԱԺ «Իմ քայլը» խմբակցության պատգամավոր, «Շիշ բռնող» մականունն ունեցող Հայկ Սարգսյանը երեկ ամուսնացել է։ Նրա հարսնացուն գործարար Հայրապետյան եղբայրներից մեկի թոռնուհին է՝ Օլյա Հայրապետյանը: Հարսանիքը տեղի է ունեցել Երևանի «Դվին» ռեստորանային համալիրում։

«Բա ես պետք է ճոխ անեմ, հո դո՞ւ չէիր անելու». Ծառուկյանը` որդու հարսանիքի մասին

271
թեգերը:
Հայկ Սարգսյան, հարսանիք, Լուսանկար, Աննա Հակոբյան
Ըստ թեմայի
«Հեռախոսը վերցրել եմ և ջնջել հոլովակը». Հայկ Սարգսյանը խոսել է աղմկահարույց միջադեպի մասին
Ո՞վ է Հայկ Սարգսյանի նշանածը․ մանրամասներ
Ոստիկանությունը նյութեր է նախապատրաստում Հայկ Սարգսյանի հրապարակած լուսանկարի փաստով
Արխիվային լուսանկար

COVID-ը բացասաբար է ազդում ինտելեկտի վրա․ հետազոտություն

24
(Թարմացված է 22:52 25.07.2021)
Վարակից հետո վերջնականապես վերականգնվելու գործընթացը կարող է ամիսներ տևել։

ԵՐԵՎԱՆ, 25 հուլիսի – Sputnik․ COVID-19–ը հաղթահարած մարդկանց մոտ կարող է նկատվել ինտելեկտի մակարդակի զգալի նվազում։ Նման եզրակացության են հանգել բրիտանացի գիտնականները, որոնք զբաղվում են մարդկանց ճանաչողական ունակությունների վրա կորոնավիրուսի ազդեցության ուսումնասիրությամբ: Նրանց հետազոտությունը հրապարակվել է The Lancet պարբերականում։

Ընդհանուր առմամբ` փորձարկումներին մասնակցել է ավելի քան 80 հազար մարդ, որոնցից 12 հազարը COVID են տարել: Ինչպես ցույց են տվել հետազոտության արդյունքները, արհեստական շնչառական սարքերին միացված հիվանդների մոտ հետագայում նկատվել է ճանաչողական ունակությունների նվազում:

Մասնագետների խոսքով ՝ ճանաչողական ֆունկցիաները կարող են վերականգնվել ամիսներով։

Պետք է պատվաստվել մինչև համավարակի նոր ալիքի ուժգնացումը. կորոնավիրուսի թվերն աճում են

24
թեգերը:
բժիշկ, հիվանդ, համավարակ, կորոնավիրուս
թեմա:
Կորոնավիրուսը աշխարհում
Ըստ թեմայի
Ինչ պետք է իմանալ «Դելտա» մանրէահիմքի մասին, և երբ Հայաստանը կբախվի COVID-19–ի 4-րդ ալիքին
«Մենք դեֆեկտներ ունենք». ինչու մարդիկ չեն պատվաստում Covid-19-ի դեմ. հարցախույզ Երևանում
Գիտնականն ասել է, թե որքան ժամանակ կպահանջվի COVID-ի առաջացման բնույթը պարզելու համար