Ալեքսեյ Նաումենկո. ռուսական 102-րդ ռազմակայանի հրամանատարի տեղակալ

«Զինվորականները միմյանց կես խոսքից հասկանում են». գնդապետը զորավարժությունների մասին

136
Հայաստանում ռուսական բազայի հրամանատարությունը բազմիցս ականատես է եղել` ինչպես են երկու պետությունների զինծառայողները փոխադարձ օգնություն ցուցաբերում։

ԵՐԵՎԱՆ, 6 նոյեմբերի — Sputnik, Աշոտ Սաֆարյան. Զինվորական ու ռազմա–տեխնիկական համագործակցությունը Ռուսաստանի հետ էլ ավելի կարևոր է դառնում Հայաստանի շուրջ աճող լարվածության ֆոնին։

Այդ համագործակցության առանցքային  ձևաչափերից է զորքերի միավորված խմբավորումը։

Հոկտեմբերին Հայաստանի տարածքում լայնածավալ զորավարժություններ տեղի ունեցան, որոնց մասնակցեցին մոտ մեկուկես հազար զինվորական, մի քանի տասնյակ միավոր ավիացիոն ու զրահատեխնիկա, հրետանային միջոցներ ու համազարկային կրակի հրթիռային համակարգ (ՀԿՌՀ)։

Գնահատելով զորավարժությունների արդյունքները` ռուսական 102-րդ ռազմակայանի հրամանատարի տեղակալ գնդապետ Ալեքսեյ Նաումենկոն Sputnik Արմենիայի հետ զրույցում նշեց, որ այդ մարզումները ցուցադրեցին Հայաստանի ու Ռուսաստանի զինված ուժերի աշխատանքի կոորդինացիայի ու կարգավորվածության բարձր մակարդակը։

Նա ավելացրեց, որ զորավարժությունների ժամանակ առանձնահատուկ ուշադրություն է դարձվել տարբեր զորատեսակների փոխներգործությանը, հետախուզության ու թիրախների հայտնաբերման  ժամանակակից անօդաչու սարքերի կիրառմանը։

«Հայաստանի պաշտպանության նախարարությունն ու ՀՀ ԶՈւ գլխավոր շտաբի ղեկավարությունը բարձր գնահատեց ստորաբաժանումների գործողությունները։ Երկու կողմն էլ ստորաբաժանումների համատեղ կառավարման անգին փորձ են ձեռք բերել», – ասաց Նաումենկոն։

Նրա կարծիքով`ռուսական բանակի ու ՀՀ Զինված ուժերի համատեղ գործողությունները ուսումնամարտական խնդիրների իրականացման ժամանակ բարձր արդյունք են ցույց տալիս։

2019 թվականի հետագա համագործակցությունն ապահովելու նպատակով նաև նախատեսվում է նման մակարդակի ու ծավալի զորավարժություններ անցկացնել։

Նաումենկոն վստահ է, որ հաղթանակի հաջողությունը կախված է ոչ միայն զինծառայողների պրոֆեսիոնալ մակարդակից ու սպառազինության ժամանակակից նմուշներից, այլև անձնակազմի հոգեբանական վիճակից։

  • ՀՀ և ՌԴ ԶՈւ համատեղ զորամիավորման տակտիկական զորավարժությունը (12-ը հոկտեմբերի 2018 թ.)
    ՀՀ և ՌԴ ԶՈւ համատեղ զորամիավորման տակտիկական զորավարժությունը (12-ը հոկտեմբերի 2018 թ.)
    © Photo : Press office of the ministry of Defence of the RA
  • ՀՀ և ՌԴ ԶՈւ համատեղ զորամիավորման տակտիկական զորավարժությունը (12-ը հոկտեմբերի 2018 թ.)
    ՀՀ և ՌԴ ԶՈւ համատեղ զորամիավորման տակտիկական զորավարժությունը (12-ը հոկտեմբերի 2018 թ.)
    © Photo : Press office of the ministry of Defence of the RA
  • ՀՀ և ՌԴ ԶՈւ համատեղ զորամիավորման տակտիկական զորավարժությունը (12-ը հոկտեմբերի 2018 թ.)
    ՀՀ և ՌԴ ԶՈւ համատեղ զորամիավորման տակտիկական զորավարժությունը (12-ը հոկտեմբերի 2018 թ.)
    © Photo : Press office of the ministry of Defence of the RA
  • ՀՀ և ՌԴ ԶՈւ համատեղ զորամիավորման տակտիկական զորավարժությունը (12-ը հոկտեմբերի 2018 թ.)
    ՀՀ և ՌԴ ԶՈւ համատեղ զորամիավորման տակտիկական զորավարժությունը (12-ը հոկտեմբերի 2018 թ.)
    © Photo : Press office of the ministry of Defence of the RA
  • ՀՀ և ՌԴ ԶՈւ համատեղ զորամիավորման տակտիկական զորավարժությունը (12-ը հոկտեմբերի 2018 թ.)
    ՀՀ և ՌԴ ԶՈւ համատեղ զորամիավորման տակտիկական զորավարժությունը (12-ը հոկտեմբերի 2018 թ.)
    © Photo : Press office of the ministry of Defence of the RA
  • ՀՀ և ՌԴ ԶՈւ համատեղ զորամիավորման տակտիկական զորավարժությունը (12-ը հոկտեմբերի 2018 թ.)
    ՀՀ և ՌԴ ԶՈւ համատեղ զորամիավորման տակտիկական զորավարժությունը (12-ը հոկտեմբերի 2018 թ.)
    © Photo : Press office of the ministry of Defence of the RA
1 / 6
© Photo : Press office of the ministry of Defence of the RA
ՀՀ և ՌԴ ԶՈւ համատեղ զորամիավորման տակտիկական զորավարժությունը (12-ը հոկտեմբերի 2018 թ.)

«Զորավարժությունների բոլոր փուլերում անձնակազմը կատարում էր ամենաբարդ խնդիրները, մարտականին առավելագույնս մոտեցված պայմաններում։ Մենք բազմիցս ականատես ենք եղել` ինչպես են երկու պետությունների զինծառայողները փոխադարձ օգնություն ցուցաբերում։  Նրանց միջև ամբողջական փոխըմբռնում է, լեզվական խոչընդոտ չկա։ Տղաները, կարելի է ասել կես խոսքից,  հասկանում են միմյանց», – նշեց մեր զրուցակիցը։

102-րդ ռուսական բազան, որի ստորաբաժանումները մտնում են միավորված խմբավորման մեջ,  տեղակայված է Գյումրիում։

Պատասխանելով հարցին` ինչ հարաբերություններ են ձևավորվել տեղի բնակիչների ու բազայի զինծառայողների միջև, Նաումենկոն ասաց, որ ռուս զինծառայողները զգում են իրենց հանդեպ ջերմ ու ընկերական վերաբերմունք, թեև, անկասկած, ինչ–որ արտակարգ իրավիճակներ ու միջադեպեր են լինում։

«Յուրաքանչյուր մարդ ունի իր բնավորությունն  ու դաստիարակության մակարդակը։ Թյուրիմացություններ են լինում, սակայն Գյումրու իշխանությունն ու զորքերի հրամանատարությունը շատ արագ է  արձագանքում: Նույնը կարելի է ասել ուժային կառույցների, ոստիկանության մարմինների մասին։ Հակամարտություններ չեն լինում, որոշ աննշան տարաձայնություններ են լինում», – ասաց Նաումեկնկոն։

Նշենք, միջադեպերից մեկը տեղի է ունեցել այս տարի Փանիկ գյուղում, որտեղ ռուսական ստորաբաժանողները զորավարժություններ էին անցկացնում։ Գյուղացիների տան մոտ հնչած կրակոցները մեծ աղմուկ էին արել ու իրարանցում առաջացրել։

Նաումենկոյի խոսքով` բացթողում կար ու ինչ–որ իմաստով կարելի է ասել, որ կատարողները չափից շատ «ջանք էին թափել», բայց միջադեպ բավական արագ հարթվեց։

136
թեգերը:
ՀՀ Պաշտպանության նախարարություն (ՊՆ), Ռուսաստան, Հայաստան
Ըստ թեմայի
Փանիկում տեղի ունեցածը ֆորսմաժորային իրավիճակի արդյունք է. տարվում է քննություն
Փանիկում տեղի ունեցածը սադրանք է. Փաշինյան
Մի կաթիլ մեղր չդառնա. Աշոտյանը սխալ է համարում Փանիկի դեպքերի մասին Փաշինյանի դիտարկումը
Շարմազանով. «102–րդ ռազմաբազան Հայաստանի անվտանգության կարևորագույն բաղադրիչներից է»
Ռուս գնդապետն ափսոսանքն է հայտնել Փանիկում տեղի ունեցած միջադեպի կապակցությամբ
Պաշտոնատար անձինք տեղյակ են եղել, որ Փանիկում միջոցառում է անցկացվելու. Ելկանով
Ի՞նչ են «թաքցնում» Գյումրիում տեղակայված ռուսական ռազմաբազայում
Սխալ կար և՛ հայկական, և՛ ռուսական կողմից. Տոնոյանը` Փանիկի միջադեպի մասին
Նախարարը, հրամանատարը, զինվորականները և փանիկցիները` մեկ վրանի տակ. ի՞նչն է նրանց միավորել
Ինչո՞ւ էր Նիկոլայ ցարը Գյումրի եկել, կամ այրված եկեղեցու երկար պատմությունը
Սևան

Այս տարի ջրահեղձման 16 դեպք է գրանցվել. ԱԻՆ-ը ուժեղացնում է հսկողությունը. տեսանյութ

6
(Թարմացված է 18:46 13.08.2020)
Նախարարությունը հորդորում է՝ նախքան ջուրը մտնելը հիշե՛ք, որ բացի Սևանից Հայաստանում մյուս ջրային տարածքները լողալու համար չեն:

ԵՐԵՎԱՆ, 13 օգոստոսի — Sputnik. 2020 թ.-ի մինչև օգոստոսի 12-ը ջրահեղձման 16 դեպք է գրանցվել, որից 4-ը՝ Սևանում: Տեղեկությունը հայտնում են ՀՀ ԱԻՆ մամուլի ծառայությունից և հավելում, որ նախարար Ֆելիքս Ցոլակյանի հանձնարարականով Փրկարար ծառայության Գեղարքունիքի մարզային փրկարարական վարչության հատուկ ջրափրկարարական ջոկատը հուլիսի 17-ից ուժեղացված ծառայություն է իրականացնում:

«Հանգստյան սեզոնն անվտանգ անցկացնելու համար Սևանի 3 հանրային լողափերում տեղադրված են հենակետեր, տեխնիկական ու փրկարարական ուժերը բերված են պատրաստվածության բարձր աստիճանի: Իրականացվում է 24-ժամյա ծառայություն»,–ասված է հաղորդագրության մեջ:

Կենտրոնական կայանը սպասարկում է Ճգնաժամային կառավարման ազգային կենտրոնի ահազանգերը՝ կապված հանրապետության այլ ջրային վայրերի հետ:

«2019 թ.-ին հանրապետությունում ջրահեղձման 15 դեպք է գրանցվել, որից 5-ը՝ Սևանում: Ընդհանուր՝ 13 զոհ, 3 տուժած, որոնցից 2 զոհ, 3 տուժած՝ Սևանում: 2020 թ.-ի մինչև օգոստոսի 12-ը ջրահեղձման 16 դեպք է գրանցվել, որից 4-ը՝ Սևանում: Ընդհանուր՝ 13 զոհ, 4 տուժած, որոնցից 4 զոհ և 1 տուժած՝ Սևանում»,–ասված է հաղորդագրության մեջ:

ԱԻՆ փրկարարների կողմից հսկվող տարածքներում ջրահեղձման դեպքեր չեն գրանցվել: Լողասեզոնի բացումից մինչև օրս ջրափրկարարները փրկել են 9 քաղաքացու:

ԱԻՆ-ը հորդորում է՝ նախքան ջուրը մտնելը հիշե՛ք, որ բացի Սևանից Հայաստանում մյուս ջրային տարածքները լողալու համար չեն:

Ոչ սովորական գերեզմանատուն Սևանի ափին, կամ ինչ է պատմում հուդայական խորհրդանիշը

6
թեգերը:
ջրահեղձ, ՀՀ արտակարգ իրավիճակների նախարարություն (ԱԻՆ), Սևանա լիճ
Ըստ թեմայի
Սևանա լճի վիճակը շատ վատ չէ, բայց լավ էլ չէ. «ծաղկման» գործընթացն այս տարի շուտ կավարտվի
Սևանի ափերին քանդման ենթակա 3800 շինություն կա. նախարարը տեղում ծանոթացել է լճի խնդիրներին
Ջրահեղձման երկու դեպք 1 օրում.փրկարարները Սևանա լճից դուրս են բերել 30-ամյա քաղաքացու դին
Հրավառություն

Հրավառությունների հարցը կլուծվի՞․Ավինյանը զբաղվում է քաղաքացիներին անհանգստացնող հարցով

16
(Թարմացված է 18:09 13.08.2020)
Բացառությամբ որոշ տոնական օրերին նախորդող ժամանակաշրջանի, հրավառություն ապահովող ապրանքների վաճառքը երկրում սահմանափակ կլինի։

ԵՐԵՎԱՆ, 13 օգոստոսի - Sputnik. Հրավառությունների համար օգտագործվող արտադրանքի ներկրումը և վաճառքը կսահմանափակվի։ Տեղեկությունը գրել է փոխվարչապետ Տիգրան Ավինյանը Facebook-ի իր էջում։

«Ցանկանում եմ նշել, որ համապատասխան գերատեսչությունների հանձնարարվել է նաև քննարկել ու ներկայացնել իրավական ակտերի առաջարկություններ, որոնց միջոցով Հայաստանի Հանրապետության տարածքում հրավառությունների կազմակերպման համար օգտագործվող արտադրանքի ներմուծումն ու վաճառքը հնարավորինս կսահմանափակվի՝ բացառությամբ որոշ տոնական օրերին նախորդող ժամանակաշրջանի», - գրել է փոխվարչապետը։

Նա հիշեցրել է, որ օրեր առաջ համապատասխան գերատեսչություններին հանձնարարել է ուժեղացնել հսկողությունը գիշերային ժամերին հրավառությունների, ՃԵԿ կանոնները չարամտորեն խախտողների, մեքենաների ազդանշանային համակարգերի կիրառման հարցերում։

Նշենք, որ ըստ Հայաստանի վարչական իրավախախտումների օրենսգրքի՝ ժամը 23:00-ից մինչև 07:00-ը լռությունը խախտելը, այսինքն` բարձրաձայն երգելը, երաժշտական գործիքներ նվագելը, ձայնային ազդանշաններ տալը առաջացնում են նախազգուշացում, իսկ հրագործական արտադրատեսակներ օգտագործելն առաջացնում է տուգանքի նշանակում` 100 հազար դրամի չափով։

16
թեգերը:
Հայաստան, Երևան, հրավառություն, Տիգրան Ավինյան
Ըստ թեմայի
Ոստիկանությունը 3 ամսում կվերադարձնի քաղաքացիներից գանձած տուգանքները
Տուգանքը նույնիսկ գյումրեցիներին է ստիպել կարգապահ դառնալ
Դիմակ չկրելու համար տուգանքներն առայժմ չեն բարձրանա. նախագիծը հանվեց