ԵՐԵՎԱՆ, 6 նոյեմբերի — Sputnik. Հայտնի շոումեն Գարիկ Մարտիրոսյանի կին Ժաննա Լևինան շարունակում է ուրախացնել երկրպագուներին։
Այս անգամ կատակասեր կինը լուսանկար է հրապարկել Եվրոպայի խոշորագույն առևտրի կենտրոնից` Dubai Mall–ից։ Լուսանկարում Ժաննան երկու հնդիկ կանանց հետ կանգնած է «մարգարիտների հետևից սուզվող ջրվեժը» հայտնի ինստալյացիայի ֆոնին։
«ВИА Гра խմբի նոր կազմը: Մեզ տեսնելով` Մելաձե Կոնստանտին Շոթաևիչը որոշեց գլխի գցվել շոու–բիզնեսի հատակը», – մեկնաբանել է լուսանկարը երգիծաբանի կինը։
Օգտատերերը գնահատել են Լևինայի սև հումորը` հաշվի առնելով իր սև զգեստը, որը հիշեցնում է արաբական կանանց ավանդական զգեստները։ Ժաննայի երկրպագուները խորհուրդ են տվել նրան մտածել երգչուհու կարիերայի մասին, հատկապես, որ նա մտերիմ է երգչուհի Ալսուի հետ։ Մարտիրոսյանի կինը պատասխանել է բաժանորդներին։
«Իմ երեկվա հրապարակումից հետո բազում առաջարկներ եմ ստացել երգել ոչ թե խմբում, այլ մենակատարը լինեմ։ Իսկ ինչու՞ ոչ։ Ես բոլոր տվյալներն ունեմ մեծ բեմում հանդես գալու համար. ես չունեմ ձայն, չունեմ լսողություն ու բնականաբար, չունեմ երաժշտական կրթություն։ Ամենակարևորն ու հիմնարարն այն է, որ ես ունեմ երգելու ահռելի ցանկություն, հենց դա է կարևորը», – գրել է Լևինան։
Նրա խոսքով` ինքն աշխատասեր ու ադեկվատ մարդ է, թեև հասկանում է, որ իր վոկալն այդքան էլ ուժեղ չէ։
View this post on Instagram
«Շատ մարդիկ կան, որ երազում են էստրադայի աստղ դառնալ` չունենալով ձայն ու լսողություն։ Ես կդառնամ նրանց համար լույս թունելի վերջում, օրինակ, որ երազանքներն իրականանում են։ Այո, ես տաղանդավոր մարդկանց շարքում շատ չուզողներ կունենամ, ու դա բնական է, քանի որ ես կդառնամ ավելի լավ, հայտնի, հաջողակ ու հարուստ։ Գնամ այսօր սկավառակ ձայնագրեմ։ Այնպես որ՝ վաղվանից itunes-ում ներբեռնեք 50 սուպերհիթերից իմ ալբոմը», – կատակել է նա։
Երգիծաբանի երկրորդ հրապարակումը նույնպես բազում դրական մեկնաբանություններ ու հազարավոր «հավանություններ» է հավաքել։
