ԵՐԵՎԱՆ, 20 հոկտեմբերի — Sputnik. Հանրահայտ հեռուստաաստղ Քիմ Քարդաշյանը «մամշեյմերների» հերթական կոշտ քննադատությանն է արժանացել։ Քիմն այսպես է անվանում իր այն բաժանորդներին, որոնք ներկայանում են խիստ բարոյական արժեքներ ունեցող մայրերի դերում։
Նշենք, որ ավելի վաղ Քարդաշյանը Instagram-ում հրապարակել էր հերթական կիսամերկ լուսանկարը մետաքսե սպիտակեղենի վրա։ Նման լուսանկարներ հաճախ են հայտնվում հեռուստաաստղի սոցցանցային էջերում, բայց այդ լուսանկարները ոչ բոլոր երկրպագուներին են դուր գալիս։
Օգտատերերի կարծիքով՝ Քիմը չափազանց անկեղծ է։ Գրառմանը հաջորդող մեկնաբանություններում անընդհատ հիշեցնում են, որ նա երեք երեխա ունի, որոնք վաղ թե ուշ կտեսնեն այդ ամոթալի կադրերը և չեն ների այդ «խայտառակությունը»։
Հիշեցնենք, որ ավելի վաղ օգտատերերին դուր չէր եկել Քիմի անմեղ լուսանկարը երեխաների հետ։ Լուսանկարում Քիմը Չիկագոյի և Սեյնթի հետ էր, և 2 տարեկան Սեյնթի բերանում ծծակ էր երևում։
«Կարոտում եմ փոքրիկներիս», — գրել էր նա լուսանկարի տակ։
Բայց օգտատերերին լրջորեն անհանգստացրել էր, որ երեխան այդ տարիքում դեռ չի բաժանվել ծծակից։ Վրդովված մայրիկները մի շարք մեկնաբանություններ էին գրել, որոնք հունից հանել էին Քիմին։
Նա սկսել էր բանավիճել մեկնաբանություններ գրողների հետ` վստահեցնելով, որ դա կոնֆետ է, իսկ հետո լուսանկարի նկարագրության մեջ ավելացրել էր. «P.S. Մամշեյմերներ, սա ծծակ չէ։ Նա կոնֆետ է ուտում»։
Դրանից հետո Քարդաշյանին սկսել են հանդիմանել, որ քաղցրավենիք չի կարելի տալ երեխաներին։
«Դա ավելի վատ է։ Ի՞նչ կլինի նրա ատամների հետ», — քննադատել են բաժանորդները։
Ի վերջո, Քարդաշյանը որոշել է վերջակետ դնել նախապես պարտված վիրտուալ մարտին և այլևս չի պատասխանում օգտատերերին։
