ԵՐԵՎԱՆ, 17 հոկտեմբերի — Sputnik. Աշխարհահռչակ ամերիկահայ աստղ. 37–ամյա Քիմ Քարդաշյանը, որն իր 41–ամյա ամուսնու՝ Քանյե Ուեսթի հետ ճանապարհորդում էր Աֆրիկայում, ահավոր կարոտում էր երեխաներին` 5–ամյա Նորթին, 2–ամյա Սեյնթին ու 9 ամսական Չիկագոյին։
Երեխաներին թողել էին տանը` Լոս Անջելեսում։ Սակայն Քիմ Քարդաշյանը միևնույնն է Instagram–ի իր էջում հրապարակում է երեխաների լուսանկարները։
Այդ նոր լուսանկարներից մեկն անհասկանալի պատճառներով դուր չի եկել իր բաժանորդներին. լուսանկարում Քիմը պատկերված է Չիկագոյին գրկած ու Սեյնթի ձեռքը բռնած։ Երկու տարեկան Սեյթի բերանը ծծակ կա։
«Կարոտում եմ փոքրիկներիս», – գրել է Քիմը։
Սակայն համացանցի օգատատերերը կա՛մ նախանձից, կա՛մ վատություն անելու համար լրջորեն մտահոգվել են այն փաստով, որ այդ տարիքի երեխաների համար ծծակն արդեն անթույլատրելի է։
«Ինչու՞ Սեյնթի բերանում ծծակ կա», – գրել էին վրդովված մայրերը։
Այդ մեկնաբանությունները հունից հանել են Քիմին, որը խախտելով իր սովորությունը, վիճաբանություն է սկսել քննադատողների հետ ու ասել է, որ դա կոնֆետ է։ Հետո նույնիսկ ավելացրել է դա նկարի նկարագրության մեջ։
«P.S մամշեյմերներ, սա ծծակ չէ։ Նա կոնֆետ է ուտում». – գրել է Քարդաշյանը։
Բայց այստեղ այլ վիճաբանություն սկսեց. օգտատերերը մեղադրում էին, որ քաղցրավենիքը երեխաների համար այդքան էլ օգտակար չէ ու չի կարելի փոքրիկներին այդքան քաղցր տալ։
Դրանից հետո Քարդաշյանը որոշել է դադարեցնել վիրտուալ մարտն ու էլ չի պատասխանել իր բաժանորդներին։