ԵՐԵՎԱՆ, 18 սեպտեմբերի — Sputnik. Comedy Woman-ի «մայր» համարվող Նատալյա Եփրիկյանը զվարճալի պատմության մեջ է հայտնվել։ Այս մասին գրում է teleprogramma-ն։
«Տեղ հասնելուն պես ես նետվեցի այն տղամարդու մոտ, որի ձեռքին «Comedy Club production» գրառմամբ թուղթ կար։ Նա վանկ առ վանկ կարդաց թղթին գրված իմ անունը, ուշադիր նայեց ինձ ու ասաց` ո՜չ»,- ժպտալով պատմել է Եփրիկյանը։
Հետո էլ նրան դիմավորած վարորդը չի ճանաչել Եփրիկյանին, իսկ ավելի ուշ չի հավատացել, որ նրա երակներում հայկական արյուն է հոսում։ Պատճառը, թերևս, հասկանալի է, որովհետև Եփրիկյանն այնքան էլ նման չէ հայի, բացի այդ նա հայերեն չի խոսում։ Նա ծնվել է վրացահայերի ընտանիքում։
Եփրիկյանն ընկերոջ` Կախայի հետ Հայաստան է եկել Վրաստանից։ Բացի նրանից, Երևանում են հավաքվել նաև մի շարք այլ աստղեր` Comedy club-ի հերթական թողարկումը նկարահանելու նպատակով։