Երևան

Տրանսպորտն ավելի վատն է միայն Սոմալիում. քաղաքապետի թեկնածուների դատարկ խոստումները

157
Տրանսպորտային կոլապսը բոլոր առումներով ժամանակակից Երևանի համար խարազան է դարձել: Այս խնդրի լուծումը պատրաստ են առաջնահերթ կարգով լուծել նախընտրական պայքարի մեջ մտած բոլոր դաշինքներն ու ուժերն` առանց բացառության:

ԵՐԵՎԱՆ, 12 սեպտեմբերի — Sputnik. Հասարակական տրանսպորտը վերահսկող միասնական ցանցի ստեղծումը, ավտոպարկի թարմացումը, ավելի հարմարավետ և պրակտիկ մեքենաների ներդրումը և այս կամ այն գծատերերից ազատվելը Երևանում քաղաքային իշխանությունների առաջնահերթ խնդիրը պետք է լինի: Այս  մասին մամուլի ասուլիսի ժամանակ ասաց Հայաստանի բեռնափոխադրողների միության նախագահ Հրանտ Եղիազարյանը:

Տրանսպորտային համակարգի արդիականացումն Ավագանու ընտրություններին մասնակցող բոլոր 12 քաղաքական ուժերի նախընտրական ծրագրերի առանցքային կետերից մեկն է: Սակայն Եղիազարյանին այդ փաստը չի տպավորում, քանի որ թեկնածուներից նա մանրակրկիտ առաջարկներ է սպասում քաղաքի համար ռազմավարական նշանակություն ունեցող այդ խնդրի լուծման հարցում:

«Քաղաքապետի պաշտոնին հավակնող թեկնածուների ծրագրերն ուսումնասիրելուց հետո այնպիսի տպավորություն է ստեղծվում, որ բոլոր քաղաքական ուժերը միմյանցից արտագրել են տեքստը և այդքան էլ հասկանալի չէ, թե ինչպես և հատկապես ինչ միջոցներով է ապագա քաղաքապետը մտադիր ձևափոխել ոլորտը», — ասաց Եղիազարյանը:

Նա տարօրինակ է համարում որոշ թեկնածուների կողմից մետրոյի նոր կայարաններ բացելու մտադրությունը: Նրա խոսքով՝ ով էլ ընտրվի քաղաքապետի պաշտոնում, պետք է գիտակցի նման հայտարարությունների ողջ պատասխանատվությունը և պատասխան տա նախընտրական ժամանակահատվածում խոստացած, սակայն  չիրականացրած բոլոր խոստումների համար:

«Իսկ երևանցիները պահանջելու են, մի անգամ մենք արդեն զգացել ենք ժողովրդի միասնականության ուժը թավշյա հեղափոխության ժամանակ», — ասաց Եղիազարյանը:

Նա ընդգծեց, որ Երևանը սպասարկող տրանսպորտային ցանցը ողբալի վիճակում է, երթուղիներ են փակվում: Այսպես, օրինակ, մինչև 2018 թվականի վերջ պետք է մի քանի տասնյակ երթուղիներ փակվեն, ընդ որում, ոչ միայն անշահութաբեր լինելու, այլև զուտ տեխնիկական պատճառով: Հին մեքենաները շահագործելն անհնար է դառնում, իսկ նորեր գնելը փոխադրողների համար ձեռնտու չէ, բացի այդ քաղաքապետարանում տրանսպորտային համակարգի արդիականացման նախագծի հետ կապված խառնաշփոթ է տիրում:

«Սպառողների խորհրդատվության կենտրոն» ՀԿ նախագահ Կարեն Չիլինգարյանն իր հերթին նշեց, որ տրանսպորտային համակարգի նման անմխիթար վիճակ կարող է միայն Սոմալիում լինել: Նրա խոսքով՝ տրանսպորտային խնդիրն առաջացել է դեռ 90-ականների սկզբից:

«Գծատերեր հայտնվեցին, գազելներ բերեցին, որոնք ի սկզբանե նախատեսված էին ապրանքներ, ոչ թե մարդկանց տեղափոխելու համար, և այսօր մենք ունենք այն, ինչ ունենք», — ասաց Չիլինգարյանը:

Նա օրինակ բերեց հարևան Վրաստանը, որտեղ հասարակական տրանսպորտը սկսեցին արդիականացնել 2006 թվականից: Մեր հարևանները ոչ միայն որակյալ և հարմարավետ տրանսպարտային միջոցներ ունեն, այլև մետրոպոլիտենն է ընդգրկում քաղաքի ամբողջ տարածքը: Ինչպես նաև հասարակական տրանսպորտի վերահսկման միասնական համակարգ է ներդրված և այլն: Բացի այդ ներդրված է վճարման միասնական ավտոմատացված համակարգ՝ էլեկտրոնային քարտերի միջոցով:

Չիլինգարյանը դատարկ և անհիմն է համարում նաև մետրոյի նոր ճյուղերի բացման մասին խոստումները, քանի որ միայն մեկ կայարանը 100 մլն դոլար կարժենա:

«Վարորդի ընկեր» ՀԿ նախագահ Տիգրան Քեյանն իր հերթին նշեց առավոտյան և երեկոյան ժամերին առաջացող անվերջ խցանումների պատճառը:

«Միևնույն երթուղում մի քանի ավտոբուս է աշխատում, տարբեր գծերի երթուղայիններ: Երթուղիները ծանրաբեռնված են, վարորդները փորձում են առաջ անցնել`միմյանցից ուղևոր խլելու համար: Արդյունքում այդ ամենն անարդյունավետ է աշխատում և չի համապատասխանում քաղաքային տրանսպորտի պահանջներին», — ասաց Քեյանը:

Հիշեցնենք, որ 2017 թվականի օգոստոսին Երևանի քաղաքապետարանը ամպագոռգոռ խոստումներ էր տալիս հասարակական տրանսպորտի արդիականացման մասին: Լոնդոնի և աշխարհի մյուս երկրների փորձի ուսումնասիրման հիման վրա համակարգ էր մշակված: Կիսաքանդ գազելներին փոխարինելու պետք է գային միջին չափսեր ունեցող և մեծ ու հարմարավետ ավտոբուսները: Բարեփոխումները պետք է վերաբերվեին նաև վարորդներին. նախատեսվում էր «դրես կոդ» սահմանել: Բոլոր սոցիալական խմբերի համար՝ դպրոցականներից մինչև թոշակառուներ, պետք է գործեր զեղչային համակարգ, իսկ ավտոբուսները հարմրացվեին նաև հաշմանդամություն ունեցողներին: Նման համակարգ պետք է գործեր 2018 թվականի վերջից:

157
թեգերը:
Երևանի ավագանու ընտրություններ
Ըստ թեմայի
Շղթայական ու ողբերգական ավտովթար-վրաերթ Երևանում. բախվել են 6 տրանսպորտային միջոց, կա զոհ
Երևանը կզարմացնի իր տրանսպորտային համակարգով. ինչպիսի՞ «փորձություններ» են սպասում երևանցիներին
Հայաստանն իրանցիների առջև կբացի տրանսպորտային «դռները». կարելի է մրցել Ադրբեջանի հետ
Տեղափոխություն հայկական ձևով. ինչ է սպառնում Երևանի նոր տրանսպորտային համակարգին
Գյուղի ճամփան դժվար է, երկար... Հայաստանում տրանսպորտային ցանց են մշակում գյուղերի համար
Երեխա

Մասիսի բնակչուհին 1–ամյա որդուն 500 000 դրամով վաճառել է. հարուցվել է քրգործ

135
(Թարմացված է 19:25 14.08.2020)
Մեկ տարեկան տղայի գնորդը ճանաչել է երեխայի հայրությունը, վերցրել են նրա ազգանունով նոր ծննդյան վկայական։

ԵՐԵՎԱՆ, 14 օգոստոսի — Sputnik. Դատախազությունը տեղեկացնում է, որ Արարատի մարզում մեկամյա երեխայի առուվաճառքի դեպք է բացահայտվել. հարուցվել է քրեական գործ։

«Ոստիկանության Մասիսի  բաժնում օպերատիվ տվյալներ են ստացվել, որ  2020թ. մայիսին Մասիսի բնակչուհին իր մեկամյա երեխային վաճառել է: Իրականացված աշխատանքի արդյունքում այս տարվա մայիսի 13-ին Մասիսի բնակչուհին հաղորդում է տվել, որ իր որդուն 500 000  դրամ  դիմաց վաճառել է Երևանում բնակվող ամուսիններին։ Վերջիններս մաս-մաս վճարել են ընդամենը 300 000 դրամ»,–նշված է հաղորդագրության մեջ։

Պարզվել է` նշված կինը 2019թ. ապրիլին ծննդաբերել է տղա երեխա: Վերջինս Երևանի բնակիչ հանդիսացող ամուսինների հետ նախապես համաձայնության գալով իր մեկամյա որդուն 500 000 դրամի դիմաց նրանց վաճառելու շուրջ՝ 2020թ. մայիսի 5-ին գնացել է Մասիսի ՔԿԱԳ տարածքային բաժին։ Այնտեղ գնորդը  ճանաչել է երեխայի հայրությունը և ստացել է վերջինիս ազգանունով երեխայի՝ նոր ծննդյան պետական վկայականը։

Օրեր անց գնորդ ամուսիները հարազատների հետ գնացել են երեխայի կենսաբանական մոր տուն, որտեղ երեխայի առքի համար նախատեսված պայմանավորված 500 000 դրամից վճարել են 200 000 դրամ  գումար, մնացած մասը՝ 300 000 դրամը, պայմանավորվել են վճարել հետագայում։ Նրանք երեխային տարել են իրենց հետ, իսկ հաջորդ ամիսներին վճարել ևս 50 000 դրամ։

Նորածին վաճառելու նոր փորձ է եղել. ինչքա՞ն է «գնահատվում» Հայաստանում երեխան

Հարուցվել է քրեական գործ՝ ՀՀ քրեական օրենսգրքի 168-րդ հոդվածի 1-ին մասով, այն է` խնամքը ստանձնելու նպատակով երեխայի առքը կամ ստանձնողի խնամքին հանձնելու նպատակով երեխայի վաճառքը։ Նախաքննություն կատարելու համար քրեական գործն ուղարկվել է ՀՀ քննչական կոմիտեի Մասիսի քննչական բաժին:

Միջոցներ են ձեռնարկվում դեպքի լիարժեք հանգամանքները պարզելու ուղղությամբ:

Հիշեցնենք, որ վերջին օրերին նորածնի վաճառքի դեպքեր էին գրանցվել Արարատի մարզում։ Ավելին` հուլիսի 29-ին զարհուրելի դեպք էր տեղի ունեցել Երևանում. կինը ծննդաբերել է, հետո երեխային փաթեթավորելով պոլիէթիլենային տոպրակի մեջ՝ նետել աղբարկղը։

135
թեգերը:
Մասիս, Քրեական գործ, ՀՀ դատախազություն, վաճառք, երեխա
Ըստ թեմայի
Երկու երեխայի վաճառք կազմակերպելու կասկածանքով ձերբակալված կա. ՔԿ
Ոստիկանները երեխայի վաճառքի դեպք են բացահայտել
Ավտոբուս, արխիվային լուսանկար

Ժամանակավոր կասեցվել է մի շարք երթուղայինների գործունեությունը

69
Երթուղայինների աշխատանքները վերահսկելու համար ստուգայցերի ժամանակ պարզվել է, որ մի շարք երթուղայիններ երթևեկել են գերբեռնված։

ԵՐԵՎԱՆ, 14 օգոստոսի - Sputnik. ՀՀ կառավարությունը տեղեկացնում է, որ ժամանակավոր կասեցվել են մի շարք երթուղայինների գործունեությունը` հակահամաճարակային կանոնները չպահպանելու համար։

«Օգոստոսի 14-ին, ՀՀ պարետի որոշմամբ 24 ժամով կասեցվել է կանոնավոր ուղևորափոխադրում իրականացնող N 8, N 57, N 44, N 42, N 39 համարի երթուղիները սպասարկող թվով 18 տրանսպորտային միջոցի գործունեություն։ Դրանք պարբերաբար երթևեկել են գերբեռնված»,– նշված է հաղորդագրության մեջ։

Կասեցման աշխատանքներին զուգահեռ, շարունակվել է ուժեղացված վերահսկողություն իրականացվել Երևանի Կենտրոն վարչական շրջան մուտք գործող հանրային տրանսպորտի նկատմամբ։ Բաղրամյան պողոտայում, Աբովյանի պուրակի հարակից կանգառներում, Ծովակալ Իսակովի պողոտայի ողջ երկայնքով իրականացված վերահսկողական աշխատանքների արդյունքում մարդատար տաքսի ավտոմոբիլներով ուղևորափոխադրում իրականացնող տրանսպորտային միջոցներում խախտումներ չեն հայտնաբերվել։ Իսկ կանոնավոր երթուղիներում ուղևորափոխադրում իրականացնող տրանսպորտային միջոցներում հայտնաբերվել են սահմանված քանակից ավելի ուղևորների նստեցումով փոխադրում իրականացնելու դեպքեր։

Վարորդները չեն վախենում կորոնավիրուսից․ նրանց ավելի շատ անհանգստացնում է եկամուտի պակասը

Արձանագրված խախտումների դեպքերով կազմվել են արձանագրություններ։

ՀՀ քաղաքաշինության, տեխնիկական և հրդեհային անվտանգության տեսչական մարմնի մասնագետները մշտադիտարկումների և վերահսկողության հետ իրականացրել են բացատրական և իրազեկման աշխատանքներ։

69
թեգերը:
պարետ, ուղևոր, վարորդ, երթուղային, երթուղի, Երևան, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Երթուղայինների վարորդներն աջակցություն են պահանջում. ինչ են ասում քաղաքապետարանից
Երևանում միկրոավտոբուսային երթուղիներից ևս մեկի սպասարկումը կդադարեցվի
Բողոքի ակցիա Երևանում. երթուղայինների վարորդները չգիտեն՝ ինչպես տունը պահեն
Երթուղայինների վարորդներն առանձին աջակցություն չեն ստանա. նախարար

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

0
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

0
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ