Դեն Բիլզերյանը՝ Հանրապետության հրապարակում (27 օգոստոսի 2018թ.). Երևան

Հունաստանի ծովափից մինչև Արցախի լեռներ. որտե՞ղ են հանգստացել հայ աստղերը. լուսանկարներ

474
(Թարմացված է 06:18 06.09.2018)
Աշխարհասփյուռ հայտնի հայերը, այդ թվում նաև Հայաստանից, տարբեր վայրերում են անցկացրել իրենց ամառային արձակուրդը՝ հունական ափերի մինչև Արցախի լեռները. տեսնենք, թե աստղերին ավելի շատ որտեղ է դուր եկել։

ԵՐԵՎԱՆ, 5 սեպտեմբերի—Sputnik. Հայկական շոուբիզնեսի աստղերն ու աշխարհահռչակ հայերը Instagram–ում ներկայացրել են տպավորություններն ու լուսանկարներ են հրապարակել։ Հետաքրքիր է, որ բոլորը տարբեր ուղղություններ են ընտրել. հայաստանցի աստղերը նախընտրում էին արտասահմանյան հանգիստը` Մալդիվներից մինչև Հունաստան, իսկ սփյուռքահայերը հակառակը նախընտրել են Սևանը, արցախյան լեռներն ու տեղական խորովածը։

Sputnik Արմենիան ներկայացնում է հայ աստղերի սիրելի հանգստյան վայրերի լավագույն տասնյակը։

Ալեքսիս Օհանյան

Ամերիկահայ գործարար Ալեքսիս Օհանյանը հանգստի համար ընտրել է Հայաստանը։ Նա պատմական հայրենիք էր եկել հունիսի 27–ին ու շատ բան է հասցրել անել։ «Մեծ սաղավարտի» 23–ակի հաղթող Սերենա Ուիլյամսի ամուսինը առաջին անգամ չէր Հայաստանում, սակայն այս անգամ նրան այստեղ մեծ ծրագիր էր ակնկալում, ընդհուպ մինչև ՀՀ վարչապետ Նիկոլ Փաշինյանի հետ հանդիպումը։

Ալեքսիսը շրջել էր հանրապետությունով հին «Երազ» մեքենայով, ընկերների հետ ճաշկերույթ էր կազմակերպել, գաթա ու բաստուրմա էր համտեսել։ Նա նաև ԹՈՒՄՈ ստեղծարար տեխնոլոգիաների կենտրոն էր այցելել, զբոսնել է  Հայաստանի մայրաքաղաքով։

 

Դեն Բիլզերյան

Պոկերի արքա, միլիոնատեր Դեն Բիլզերյանը Հայաստան է այցելել մասնավոր ինքնաթիռով օգոստոսի 27–ին։ Նրա հայաստանյան այցը բավականին աղմուկ հանեց ինչպես պատմական հայրենիքում, այնպես էլ Ադրբեջանում։ Հմայիչ Դենը հայկական անձնագիր է ստացել և ՀՀ ԶՈՒ–ում հաշվառման է կանգնել։

A post shared by Dan Bilzerian (@danbilzerian) on Aug 28, 2018 at 8:38am PDT

Ընդ որում` նա Սևանում ճաշել է ՀՀ երկրորդ նախագահ Ռոբերտ Քոչարյանի որդու` Լևոնի հետ, նաև ընթրել է  օլիգարխ Սամվել Ալեքսանյանի ռեստորանում։  Ճանապարհորդության ընթացքում նրան ուղեկցում էր միայն մեկ գեղեցկուհի` սևահեր Սայլեն Մեդեյրոսը։ Նա նաև Արցախ է այցելել, որտեղ կրակել է տեղի զորավարժարաններից մեկում։ Ավելի ուշ Բաքուն մեղադրել է նրան Ադրբեջանի «օկուպացված տարածներ» ապօրինի այցելելու մեջ։

 

Արամե

Ի տարբերություն արտասահմանում ծնված հայորդիների, երգիչ Արամեն նախընտրել է  հանգիստը Դուբայում։

A post shared by arameofficial (@arameofficial) on Jun 24, 2018 at 12:38pm PDT

Նա իր կնոջ հետ հանգստացել է Դուբայի Արմավենի կղզու վրա։ 2017 թվականին Արամեն արժանացել է ՀՀ վաստակավոր արտիստի կոչման։ Նրա երգերը մեծ տարածում ունեն ինչպես Հայաստանում, այնպես էլ արտասահմանում։

 

Արփի Գաբրիելյան

Արփի Գաբրիելյանը ամենամեծ պահանջարկ ունեցող երիտասարդ դերասանուհի, հաղորդավարուհի ու երգչուհիներից մեկն է։ Առեղծվածային հայացքով 29–ամյա աղջիկը մշտապես հայտնվում է հայկական շոուբիզնեսի  ամենագեղեցիկ ու ամենացանկալի աղջիկների ցանկում։ Աղջիկն աշխատում է տարբեր ուղղություններով, ֆիլմերում է նկարահանվում, երգեր է ձայնագրում, նոր բարձունքներ է գրավում։ Արփիի ռոմանտիկ կերպարը ստիպում է տղամարդկանց սրտատրոփ հետևել նրան։ Աղջիկն իր առաջին տեսահոլովակը թողարկել է 2015 թվականին։

I fell in love with Prague 💙

A post shared by Arpi Gabrielyan (@arpigabriela) on Aug 16, 2018 at 9:06am PDT

Այս ամառ Արփին նախընտրել է հանգստանալ Չեխիայում։

 

Անահիտ Սիմոնյան

Հայաստանից՝ «Եվրատեսիլ–2007»-ի մասնակից Հայկոյի կինը՝ երգչուհի, հայտնի դիզայներ Անահիտ Սիմոնյանն ամուսնու հետ Հունաստանում է հանգստացել։ Նա հունական առողջարանից թեժ լուսանկար է տեղադրել Instagram սոցիալական կայքում։ Անահիտը ծնվել ու մեծացել է Սուրգուտ քաղաքում։

Տասը տարեկանից ելույթ է ունեցել «Ջեմ» վոկալ ստուդիայում։ Մասնակցել է երգի տարբեր մրցույթների։ 2004 թվականին Երևան է տեղափոխվել ու ընդունվել է Երևանի երգի պետական թատրոն։ 2006 թվականին նկարահանված իր առաջին «Հայաստան» տեսահոլովակը նա հայրենիքին է նվիրել։ 2010 թվականին հունիսի 11–ին Անահիտն ու Հայկոն Երևանում ամուսնացել են։ 2011 թվականին նրանք ունեցան որդի, որի անունն Արման դրեցին։

 

Նազենի Հովհաննիսյան

Հաղորդավարուհի ու դերասանուհի Նազենի Հովհաննիսյանը այս տարի  իր հանգիստն անցկացրել է իտալական Ջարդինի-Նաքսոսում։

Հովհաննիսյանը շատ ակտիվ է Instagram–ում ու Facebook–ում։ Նա միշտ հետաքրքիր լուսանկարներ է հրապարակում, փիլիսոփայական գրառումներ է անում, հետաքրքիր պատմություններ է պատմում։ Հովհաննիսյանը ծնվել է 1982 թվականին Կրասնոդարում։ Նազենին մի քանի ամսական էր, երբ  ընտանիքը Հայաստան տեղափոխվեց։ Երևանում նա ավարտել է  Թատերական ինստիտուտը։

 

Եվա Ռիվաս

Հայտնի ռուսաստանահայ երգչուհի, «Եվրատեսիլ 2010»–ի Հայաստանի ներկայացուցիչ Եվա Ռիվասը նույնպես հանգստացել է Իտալիայում, բայց՝  Պորտո Չերվո հանգստավայրում։ Լողափնյա հանգստի համար նա ընտրել է վառ կարմիր լողազգեստ։ Անցած տարի Ռիվասն ամառային հանգիստն անցկացրել է Մոնակոյում։

Ռիվասի իսկական անունը Վալերիա Ալեքսանդրի Ռեշետնիկովա–Ծատուրյան է։ Եվայի բեմական կեղծանունը նրա հորական կողմից նախատատի անունը և ազգանունն է, որը ծագումով հույն է։

 

Վարդա

Հայտնի երգչուհի, դերասանուհի և pole-dance–ի աշխարհի չեմպիոն Վարդան (Վարդանուշ Մարտիրոսյան) ամառային արձակուրդները մոր հետ անցկացրել է Իսպանիայում։

Հանգստի համար նա ընտրել է տարբեր լողազգեստներ։ Անցած տարի նա նույնպես հանգստացել է Իսպանիայում և Պորտուգալիայում։ Երևում է` աղջիկը հաստատակամ է հանգստի վայր ընտրելու հարցում։ Վարդանուշը ծնվել է 1985թ–ի մարտի 3–ին Կրիվոյ Ռոգում, բազմազավակ ընտանիքում։ Վարդան երկու բարձրագույն կրթություն է ստացել. էստրադայի և զանգվածային տոների ռեժիսոր է և ֆիզիկական դաստիարակության մենեջեր, մարզիչ։

 

Սոֆի Մխեյան

Հայտնի երգչուհի Սոֆի Մխեյանի հրապարակած լուսանկարներից կարելի է եզրակացնել, որ նա հանգստանում է Մալդիվներում։

A post shared by Sofi Mkheyan (@sofimkheyan) on Jul 24, 2018 at 2:24am PDT

Աղջիկը դրա համար ընտրել է հետաքրքիր երկնագույն, կապտակարմրավուն լողազգեստ։ Դատելով Instagram–ի լուսանկարներից` Մխեյանը ակտիվ ամառ է անցկացրել, նա հաճախում է մարզասրահ և հետևում իր արտաքին տեսքին։ Մխեյանը ծնվել է 1984 թ–ին Երևանում։ Նա համերգներով ելույթ է ունենում Հայաստանում և արտասահմանում, լինում է տարբեր հեռուստանախագծերի հյուր։

 

Իվետա Մուկուչյան

Հայտնի երգչուհի Իվետա Մուկուչյանը հանգստի համար ընտրել է Իսպանիան։

Մուկուչյանը ծնվել է 1986թ–ին Երևանում։ Ընտանիքի հետ նա տեղափոխվել է Գերմանիա և այնտեղ ապրել 1992-2009թթ–ին։ Ավելի ուշ վերադարձել է հայրենիք և զբաղվել վոկալային կարիերայով։ Իվետան մասնակցել է «Եվրատեսիլ 2016» երգի միջազգային մրցույթին։ Հայ գեղեցկուհին մրցույթում զբաղեցրել է 7–րդ տեղը, բայց դա չի խանգարել նրան նվաճել աշխարհի տարբեր երկրների հանդիսատեսների սրտերը։

 

474
թեգերը:
Դեն Բիլզերյան, Ալեքսիս Օհանյան, Հայաստան
Ըստ թեմայի
Դեն Բիլզերյանն Արցախում ցուցադրել է կրակելու հմտությունները. տեսանյութ, լուսանկարներ
Դեն Բիլզերյանի հայրը խոստացել է վերադառնալ պատմական հայրենիք` Հայաստան ու Արցախ
Ալեքսիս Օհանյանը Հայաստանում է. ինչպես է միլիոնատերն օրն անցկացրել պատմական հայրենիքում
Հայկական դրոշի գույները «պատել» են Կալիֆոռնիան․Ալեքսիս Օհանյանը նոր լուսանկար է հրապարակել
Դավիթ Անանյան. արխիվային լուսանկար

Ինչո՞ւ հեռացավ Դավիթ Անանյանը, և ինչո՞ւ է լռում Փաշինյանը

387
(Թարմացված է 00:50 05.06.2020)
Անանյանի անսպասելի հեռացումը կապում են ծխախոտի մաքսանենգության լուրերի հետ։ Գուցե նա չի ցանկացել, որ այդ լուրերն իր հետ որևէ կերպ առնչություն ունենան։ Սակայն սա ամենևին էլ միակ բանը չէ, ինչ կարելի է հիշել Անանյանի մասին։

ԵՐԵՎԱՆ, 4 հունիսի –Sputnik, Արամ Գարեգինյան. ՀՀ ՊԵԿ–ի ղեկավարի պաշտոնից Դավիթ Անանյանի հրաժարականը շատերի համար անսպասելի էր։ «Գլխավոր հարկային ծառայողը» որևէ պարզաբանում չի տվել, իսկ ՀՀ վարչապետ Նիկոլ Փաշինյանը, որը երբեք չի հապաղում արտահայտվելիս, նման կարևոր հարցին դեռ չի արձագանքել։

Անանյանի հետ միշտ հնարավոր է եղել երկխոսություն վարել, նա ունակ է լսել ուրիշի կարծիքը, նույնիսկ եթե համաձայն չէ նրա հետ։ Sputnik Արմենիայի հետ զրույցում նման կարծիք հայտնեց «Հարկ վճարողների պաշտպանություն» ՀԿ նախագահ, տնտեսագետ Փայլակ Թադևոսյանը։ Անանյանի հետ նա մշտապես հարցեր է քննարկելիս եղել, քանի որ ՊԵԿ–ին առընթեր հանրային խորհրդի անդամ է։

«Մեր քննարկումները ձևական չեն եղել։ Երբ ես որևէ հարց եմ առաջ քաշել, նույնիսկ անհարմար, կամ կապված բիզնեսի և հարկայինի աշխատանքի հետ, նրա հետ միշտ հնարավոր է եղել քննարկել այդ ամենն ըստ էության», – հավելեց նա։

Ինչ վերաբերում է նրա հեռանալու հավանական պատճառներին, ապա շատերը դրանք տեսնում են, սակայն էթիկայից ելնելով` նախընտրում են ոչինչ չասել։ Ասում են` թող նախ խոսի ինքը` Անանյանը։

Նրա հետ շփված մարդիկ նշում են, որ եթե հրաժարականի պատճառը վերջերս տեղի ունեցած «ծխախոտային սկանդալն» է, ապա նա իսկապես կարող էր դրա համար հեռանալ։ Անանյանը սկզբունքային մարդ է, ասեկոսեներ իր մեջքի հետևից չի հանդուրժի։ Հավանաբար նա պարզապես չի ցանկացել, որ այդ լուրերը որևէ կերպ կապեն իր անվան հետ (քանի որ որպես ՊԵԿ–ի ղեկավար, նա համակարգում էր և՛ հարկայինը, և՛ մաքսայինը)։

Այսպես են ասում ոչ միայն նոր իշխանության կողմնակիցները։ Ընդհանրապես Հայաստանում տնտեսագետներն ու ֆինանսիստները միմյանց գնահատում են ոչ թե որպես «հներ» կամ «նորեր», այլ որպես մասնագետներ։ Իրենց համար, օրինակ, Վարդան Արամյանը կամ Վաչե Գաբրիելյանը նախևառաջ բարձրակարգ մասնագետներ են և հետո միայն անցած իշխանությունների օրոք աշխատած նախարարներ (առավել ևս, որ այն ժամանակվա իշխանությունների քաղաքական «բարիկադներում» իրենք երբեք էլ չեն եղել)։

Նույնը Դավիթ Անանյանի հետ է։ Նրա դեպքում «նախկինների» և «ներկաների» բաժանումը նույնպես պայմանական է` այդ թվում նաև այն պատճառով, որ նախկին իշխանությունների օրոք նա ֆինանսների փոխնախարար էր։ Այստեղ նրան «բերել էր» նույն Վարդան Արամյանը։ Երբ Կարեն Կարապետյանի (ՀՀ նախկին վարչապետ) օրոք նա գլխավորեց Ֆինանսների նախարարությունը, անմիջապես Անանյանին բերեց իր տեղակալ նշանակեց։ Անձնական զրույցներում Արամյանն այդ փաստը մեծ հաջողություն էր անվանում` համոզել և պետական ծառայության բերել պրոֆեսիոնալի, որը մասնավոր ընկերությունում մի քանի անգամ ավել էր վաստակում (նույնիսկ պարգևավճարները հաշվի առնելով, որոնք նրան սկսեցին վճարել պետական հատվածում)։

Կարեն Կարապետյանի օրոք Անանյանը պատասխանատու էր հարկային օրենսդրության մշակման համար, իսկ Փաշինյանի կառավարության օրոք ՊԵԿ–ում հուսալի թիկունք ստեղծեց նոր իշխանությունների համար։ Վարչապետը բազմիցս ասել է (և ոչ անհիմն), որ նոր իշխանությունը կատարում է կենսաթոշակառուներին և բժիշկներին, զինծառայողներին և փրկարարներին ուղղված խոստումները։ Սակայն աշխատավարձերն ու կենսաթոշակները բարձրացնելու համար միայն քաղաքական կամքը բավարար չէ։

Պետբյուջեի կատարողականն ավելացել է, բայց Անանյանը խորհուրդ է տալիս այլ հարցի շուրջ մտածել

Երբ 2019 թվականին առաջին անգամ հնչեց, որ բյուջեի եկամուտները միանգամից 25%–ով աճել են, քչերը դրան ուշադրություն դարձրին։ Իսկ դա նշանակում էր, որ հարկային տեսուչները ստվերից դուրս են բերել այնպիսի «տուզերի», ինչպիսիք են Սամվել Ալեքսանյանն իր «Երևան սիթի» սուպերմարկետների ցանցով և Գագիկ Ծառուկյանը` իրեն պատկանող գազալցակայաններով։ Եթե հարկային ծառայությունը գոնե փոքր ինչ սխալվեր նրանց պարտավորությունների հաշվարկներում, եթե նրանց ավել գեթ մեկ հազար դոլար վերագրեր, նրանց փորձառու (և բարձր վարձատրվող) իրավաբաններն ու մենեջերները հայցեր կներկայացնեին դատարաններ, իսկ նախկին իշխանությունները կխոսեին անցանկալի գործարարների «հարկային տեռորի» մասին։

Ո՛չ մեկը, ո՛չ մյուսը տեղի չեն ունեցել։ Հարկայինի աշխատանքը, ինչպես լավ բժիշկի աշխատանքը, պարզապես չնկատեցին։ Եվ երբ սկսեցին աճել աշխատավարձերը և կենսաթոշակները, ոչ ոք չհիշեց` որտեղից և ինչպես այդ ամենի համար գումար գտնվեց։

Ճիշտ նույն կերպ` առանց բարձրագոչ հայտարարությունների, ՊԵԿ–ը սկսեց նոր հարկեր գանձել առցանց տոտալիզատորներից և խաղատներից։ Նախկինում նրանք ֆիքսված տուրք էին վճարում։ Եվ կարևոր չէ, որ իրենց շրջանառությունը մշտապես աճում էր և գնալով ավելի շատ մարդիկ էին սկսում խաղադրույքներ կատարել` նրանք գրեթե նույն հարկն էին վճարում։

Եվ ահա 2020 թվականից Փաշինյանի կառավարությունը սկսեց խաղատներից եկամտահարկ գանձել։ Պարզ ասած` որքան խաղատներում մարդիկ ավելի շատ գումարներ թողնեն, այնքան նրանք շատ հարկ պետք է վճարեն։ Հեշտ է ասելը, իսկ ինչպե՞ս ստուգել, թե որքան խաղադրույք է ընդունել առցանց խաղատունը, առավել ևս, եթե նրա սերվերներն արտերկրում են գտնվում։

Այդ հարցին Անանյանն իր «ֆիրմային» ժպիտով պատասխանեց. «Ձեր թույլտվությամբ` չեմ բացահայտի մեր գործողությունների ամբողջ համակարգը։ Բայց մի անհանգստացեք, կտեսնենք։ Այն էլ ինչպես կտեսնենք»։

ՊԵԿ աշխատակիցը պիտի այնքան վաստակի, որ կոռուպցիայի մասին չմտածի. Անանյան

Եվ նա գիտեր` ինչ էր ասում։ 2020 թվականի առաջին կիսամյակում ոլորտի խոշոր հարկատու «Դիջիթեյն» ընկերությունը (TotoGaming տոտալիզատորի կառավարիչ) կրկնակի շատ է հարկ վճարել, քան 2019 թվականի նույն եռամսյակի ընթացքում, իսկ «Վիվարո բեթինգ» ու «Վիվարո գրուպ» ընկերությունները (մեկ այլ խոշոր խաղային հոլդինգի կառավարողներ)` մեկ երրորդով ավել։ Եվ եթե այսօր ճգնաժամից տուժածներին չեն ասում «դիմացե՛ք, ամեն ինչ լավ կլինի» (ինչպես դա անում էին իշխանությունները 2008-2009 թվականներին), այլ թող որ փոքր, բայց օգնություն են տրամադրում, դա ինչպես կառավարության ձեռքբերումն է ընդհանրապես, այնպես էլ ՊԵԿ–ինը` մասնավորապես։

Անկախ նրանից` ծխախոտի մաքսանենգություն եղել է, թե ոչ, Անանյանի իրավահաջորդը ոչ միայն պետք է պարզի դա, այլև նույնքան հստակ բյուջե գումար բերի։ Այսօր, վիրուսի պայմաններում, սա անհրաժեշտ է` ինչպես երբեք։

Բեռների առաքման նորագույն տարբերակ. Անանյանը խոսել է մաքսային հսկողության թվայնացման մասին

387
թեգերը:
Հրաժարական, Պետական եկամուտների կոմիտե (ՊԵԿ), Դավիթ Անանյան
Ըստ թեմայի
Կառավարությունը պատրաստ է ավտոմեքենաների ներկրման կրճատմանը. Անանյանն ասաց` ինչպես
ՀԿ-ների հաշվետվողականությունն ու «բարի թագավորի» վարկածը. Անանյանը նախագիծ ներկայացրեց
Հարկերի չեղարկում կամ ներում չի լինի, բայց... Անանյանը ոչինչ չի բացառում
Ախտահանում են ԱԺ նիստերի դահլիճը. արխիվային լուսանկար

Ազգային ժողովը պատրաստ է հեռավար նիստերի և քննարկումների․ լուսանկարներ

77
(Թարմացված է 22:31 04.06.2020)
Ավելի վաղ ԱԺ մի քանի պատգամավորներ կորոնավիրուսի թեստ էին հանձնել, սակայն նրանց մեջ վարակված դեռևս չկա։

ԵՐԵՎԱՆ, 4 հունիսի - Sputnik. Կորոնավիրուսային համավարակով պայմանավորված՝ ԱԺ-ում պատրաստվում են հեռավար աշխատանքի անցնել։ ՀՀ ԱԺ աշխատակազմի ղեկավար Տիգրան Գալստյանը Facebook–ի իր էջում հրապարակել է լուսանկարներ։
«ՀՀ Ազգային ժողովը պատրաստ է հեռավար նիստերի և քննարկումների», - գրել է Գալստյանը։

Լուսանկարներում երևում են մեծ հեռուստաէկրաններ, որոնք տեղադրված են նիստերի և քննարկումների դահլիճներում։

Ավելի վաղ ԱԺ մի քանի պատգամավորներ կորոնավիրուսի թեստ էին հանձնել, սակայն նրանց մեջ վարակված դեռևս չկա։

Հեռավար աշխատանքի պրակտիկան երկրում լայնորեն կիրառվել է կրթական համակարգում, ինչպես նաև մասնավոր ընկերությունների շրջանում։

Կորոնավիուսային իրավիճակով պայմանավորված՝ Հայաստանում մարտի 16-ից արտակարգ դրություն է հայտարարվել, որն արդեն երկու անգամ երկարաձգվել է։ ՀՀ կառավարությունը վերջերս որոշում ընդունեց, որի համաձայն՝ արտակարգ դրությունը կգործի մինչև հունիսի 13-ը։ Երկրում պարտադիր է դիմակ կրելը, սոցիալական հեռավորություն պահելը, ախտանշաններ ունենալու դեպքում բուժկենտրոններ դիմելը։

Հայաստանում կորոնավիրուսով վարակվածների թիվն արդեն հասել է 11 221-ի, առողջացել է 3468 մարդ, շարունակում են բուժվել 7509-ը, վարակվածներից 176–ը մահացել են։

«Անպայման հետևեք ցուցումներին». հայտնի է Արմեն Գրիգորյանի կորոնավիրուսի թեստի պատասխանը

77
թեգերը:
համավարակ, Հայաստան, կորոնավիրուս, ԱԺ
թեմա:
Կորոնավիրուսը Հայաստանում և Արցախում
Ըստ թեմայի
ՀՀ կառավարությունը կարող է անցնել հեռավար աշխատանքի
Հեռավար կրթությունը Հայաստանում կարող է շարունակվել նաև աշնանը
ՌԴ ընկերությունների 25%-ն ուզում է, որ աշխատակիցների մի մասը շարունակի հեռավար աշխատել
Նիկոլ Փաշինյան

Փաշինյանի եթերը հուզել է վրացիներին. 18–ամյա Սանդրոն կոչ է արել օգնել Հայաստանին

410
(Թարմացված է 00:18 05.06.2020)
SARS-CoV-2 –ի հետ կապված` Հայաստանի վարչապետ Նիկոլ Փաշինյանի կոչը Թբիլիսի է հասել։

ԵՐԵՎԱՆ, 4 հունիսի –Sputnik. UWC Dilijan միջազգային քոլեջի շրջանավարտ Սանդրո Չումաշվիլին արձագանքել է երկրում կորոնավիրուսային վարակի հետ կապված տագնապալի իրավիճակի մասին` ՀՀ վարչապետ Նիկոլ Փաշինյանի խոսքին։ Sputnik Արմենիայի թղթակցի հետ զրույցում տղան պատմել է, որ հարևանների վիճակը թեթևացնելու համար ստորագրահավաք է կազմակերպել` կոչ անելով Վրաստանի կառավարությանը օգնել բարեկամական երկրին։ 

ՀՀ վարչապետ Նիկոլ Փաշինյանն այսօր առավոտյան կորոնավիրուսային վարակի հետ կապված իրավիճակը մտահոգիչ էր անվանել։ Երկրում անցած մեկ օրվա ընթացքում ռեկորդային թվով վարակվածներ են բացահայտվել։

«Այսօր լսել եմ ՀՀ վարչապետ Նիկոլ Փաշինյանի ուղերձն այն մասին, որ Հայաստանում անցած մեկ օրվա ընթացքում SARS-CoV-2 կորոնավիրուսային վարակի շուրջ 700 նոր դեպք է գրանցվել։ Վրաստանում կորոնավիրուսի հետ կապված իրավիճակն ավելի լավ է»,–ասել է Սանդրոն։

Նրա խոսքով` դա է առիթ դարձել, որ ինքը ստորագրահավաք կազմակերպի։ Սանդրոն նշել է, որ Վրաստանը կարող է և ինչ–որ առումով` պետք է օգնի եղբայրական Հայաստանին։

Կորոնավիրուսի տարածման դինամիկան Հայաստանում

Սանդրոն 18 տարեկան է, ծնվել և մեծացել է Թբիլիսիում։ Հայաստանը նրան հոգեհարազատ է, քանի որ վերջին երկու տարին սովորել է UWC Dilijan միջազգային քոլեջում։ Այդ քոլեջը նա համարում է տարածաշրջանում լավագույնը։ Սանդրոն այն ավարտել է 2020 թվականի մայիսին և արդեն ընդունվել ԱՄՆ–ի բուհերից մեկի տնտեսագիտության ֆակուլտետը։

«Դրանք իմ կյանքի լավագույն տարիներն էին։ Ես եղել եմ Տաթևում, շատ ընկերներ ունեմ Վանաձորից, ինչպես նաև բազմաթիվ ընկերներ եմ ձեռք բերել աշխարհի տարբեր երկրներից», – պատմել է Սանդրոն։

Այս տարիների ընթացքում բազմաթիվ իրադարձություններ են եղել, սակայն տղայի համար ամենահիշվողը Երևանում Ֆրանկոֆոնիայի գագաթնաժողովին նվիրված համերգն է եղել։

Ավելի վաղ Վրաստանի ԱԳՆ–ն հայտարարել էր կորոնավիրուսի դեմ պայքարում Հայաստանին օգնելու պատրաստակամության մասին։ Նշվում էր, որ համավարակի շրջանում Վրաստանի իշխանությունները մշտական կապի մեջ են հայկական կողմի հետ։

«Մի քանի օր առաջ հեռախոսազրույց է տեղի ունեցել երկու երկրների վարչապետների միջև։ Շփումները շարունակվում են նաև առանձին նախարարների մակարդակով։ Այսօր Վրաստանի և Հայաստանի արտգործնախարարները (Դավիթ Զալկալիանին և Զոհրաբ Մնացականյանը, – խմբ.) տեղեկություն են փոխանակել երկրում տիրող իրավիճակի մասին», – գրված է Վրաստանի ԱԳՆ–ի հայտարարության մեջ։

Մասնավորապես, Զալկալիանին համերաշխություն է հայտնել հայկական կողմին և Վրաստանի իշխանությունների անունից ևս մեկ անգամ պատրաստակամութուն հայտնել աջակցելու COVID-19–ի դեմ պայքարում։

Նշենք, որ հունիսի 4-ի դրությամբ Հայաստանում SARS-CoV-2 կորոնավիրուսի նոր տիպի 11221 դեպք է բացահայտվել, Վրաստանում` 801։

Հայաստանում կորոնավիրուսով վարակվածների թիվը մեկ օրում ավելացել է 515-ով և հասել 10524–ի

410
թեգերը:
Վրաստանի Հանրապետություն, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Փաշինյանը զայրացել է. մի քանի տատիկ, պապիկ կմահանան միջոցառման պատճառով
Ինչ պետք է անի Փաշինյանը, որ հասարակությունը նորից հավատա իրեն
Օրվա կադր. Փաշինյանը ցույց է տվել` ինչպես է վարակակիրների թիվը ռեկորդային դառնում
Հայաստանում ևս 12 մարդ է մահացել կորոնավիրուսից
Համաճարակն ու Հայաստանը․ կորոնավիրուսը արագացնո՞ւմ է քաղաքական գործընթացները