Արայիկ Հարությունյան

Գժտության համազգեստ. հայ առևտրականները դժգոհ են կրթության նախարարի որոշումից

140
(Թարմացված է 14:10 03.09.2018)
Նախարարը հայտարարել է, որ դպրոցում սև ու սպիտակ հանգնելն այլևս պարտադիր չէ, ինչից հետո, ըստ առևտրականների, վաճառքի ծավալները նվազել են։

ԵՐԵՎԱՆ, 3 սեպտեմբերի — Sputnik. Հայաստանի կրթության և գիտության նախարար Արայիկ Հարությունյանը կրկին խոսեց դպրոցներում սև-սպիտակ համազգեստ հագնելու մասին։

Երկուշաբթի առավոտյան կառավարության շենքի մոտ հավաքվել էին նախարարի որոշումից դժգոհող առևտրականները։ Նրանց խոսքով` Հարությունյանի հայտարարությունից հետո սև ու սպիտակ հագուստը չի վաճառվել։

Այդ պահին կառավարության շենքից դուրս եկավ հենց Հարությունյանը և ասաց, որ ընդամենը պաշտպանել է աշակերտների իրավունքները։

«Ես ընդամենն ասել եմ, որ պետք չէ պարտադրել երեխաներին սև տաբատ և սպիտակ վերնաշապիկ հագնել։ Եթե դպրոցականներն ուզում են հագնել, ոչ ոք չի արգելում։ Արգելվում է սև ու սպիտակ հագնելու պարտադրանքը», — ասաց նախարարը։

Նրա խոսքով` խոսքը վերաբերում է հագուստի և համազգեստի ընտրության իրավունքին։ Տարիներ շարունակ ծնողներին պարտադրել են, իսկ հիմա այդ կարգն այլևս չի գործում։

140
թեգերը:
Արայիկ Հարությունյան, Հայաստան
Ըստ թեմայի
Կրթության նախարարը խոսեց դպրոցականներին սև ու սպիտակ հագցնել–չհագցնելու մասին
Բախշյան. «Ես մի քիչ համաձայն չեմ նախարարի հետ»
Կրթության նախարարը դիմել է դպրոցականների ծնողներին
«Ես որևէ մեկին չեմ կարող նվաստացնել». նախարարը պատասխանեց իր հասցեին հնչած մեղադրանքներին
Զվարճալի դեպք. կրթության նախարարը դպրոցի տնօրենի համար «քննություն» կազմակերպեց