Դեդ Հասանի և Յապոնչիկի մահը. պատվիրված և չբացահայտված ամենաաղմկահարույց սպանությունները
(Թարմացված է 23:37 19.08.2018)
Պատվիրված սպանությունները միշտ էլ մարտահրավեր են ցանկացած պետության իրավապահ համակարգին, սակայն այդ սպանությունները հաճախ չբացահայտված են մնում։ԵՐԵՎԱՆ, 19 օգոստոսի — Sputnik. Ուղիղ 20 տարի առաջ` 1998 թվականի օգոստոսի 19-ին, վարձու մարդասպանը Եկատերինբուրգում սպանեց Աֆղանստանի վետերանների միության մարզային բաժանմունքի նախագահ Վլադիմիր Լեբեդևին։ Մարտական գործողությունների մասնակցի` այսպես կոչված աֆղանական շարժման ոչ ֆորմալ առաջնորդի հաշվեհարդարը զայրացրեց հասարակությանը։ Մարդիկ պահանջեցին գտնել և պատժել հանցագործներին, բայց նույնիսկ 2 տասնամյակ անց, այդ սպանությունը չբացահայտվեց։ ՌԻԱ Նովոստին պատմում է ամենաաղմկահարույց սպանությունների մասին, որոնք իրականացվել են պատվերով և մինչև այսօր էլ չեն բացահայտվել։
Տիմոֆեևի սպանությունը
1994 թվականի սեպտեմբերի 13-ին Մոսկվայի կենտրոնում սպանեցին Օրեխովսկի հանցավոր խմբավորման պարագլխին` Սիլվեստր մականունով Սերգեյ Տիմոֆեևին։ Մարդասպանը նրա ավտոմեքենային պայթուցիկ սարք էր ամրացրել, որը գործեց այն պահին, երբ քրեական հեղինակությունն ավտոմեքենա նստեց։
Իրավապահ մարմինների աշխատակիցներն անմիջապես հասկացան, որ սպանությունն իրականացրել են մեկ այլ հանցավոր խմբի ներկայացուցիչները, բայց գործի քննությունը փակուղի մտավ. Տիմոֆեևը չափից շատ թշնամիներ ուներ։ Նրա մահը լրջորեն խարխլեց «օրեխովսկիների» դիրքերը։ Հանցագործության պատվիրատուներն ու կատարողները մինչ օրս հայտնի չեն։
Ռուզլյաևի սպանությունը
Տոլյատիի քրեական հեղինակություն Դիմա Բոլշոյը (իսկական անունը` Դմիտրի Ռուզլյաև) մահացել է 1998 թվականի ապրիլի 24-ին։ Ավտոմեքենան, որում նրանից բացի, գտնվում էին վարորդն ու երկու թիկնապահները, վարձու մարդասպանները գնդակոծեցին Կալաշնիկով ինքնաձիգներից Կազմակերպված հանցագործությունների դեմ պայքարի վարչության շենքից քիչ հեռու։ Հարձակումն իրականացրած անձանցից մեկին բռնեցին «Ցենտուրիոն» մասնավոր անվտանգության ընկերության աշխատակիցները, որոնք պատահաբար մոտակայքում էին գտնվում։
Ձերբակալվածին տարան ոստիկանության մոտակա բաժին, բայց նա «չծակվեց»։ Իրավապահներին հայտնեց, որ պարզապես քայլում էր փողոցում, կրակոցի ձայներ լսեց, վախեցավ և այդ պատճառով փախավ։ Ռուզլյաևի սպանության պատվիրատուն այդպես էլ անհայտ մնաց։ Վարկածներից մեկի համաձայն` հաշվեհարդարի պատճառը ԱվտոՎԱԶ-ի ստվերային վերահսկման համար մղվող պայքարն էր։
©
CC BY-SA 3.0 IGO / ShinePhantom / Могила Дмитрия Рузляева, одного из криминальных авторитетов Тольятти, убитого в 1998 году. Баныкинское кладбище, Тольятти, Россия
Դմիտրի Ռուզլյաևի գերեզմանը
Իվանկովի սպանությունը
Յապոնչիկ մականունով քրեական հեղինակություն Վյաչեսլավ Իվանկովի դեմ մահափորձը կատարվեց 2009 թվականի հուլիսի 28-ին։ Մարդասպանը կրակ բացեց այն պահին, երբ Իվանկովը դուրս եկավ ռեստորանից։ Հրազենային բազմաթիվ վնասվածքներ ստացած Յապոնչիկին հիվանդանոց տեղափոխեցին և անմիջապես վիրահատեցին։ Մի քանի ամիս շարունակ նա մնաց կոմայի մեջ և մահացավ սեպտեմբերի կեսերին` այդպես էլ գիտակցության չգալով։
Քրեական աշխարհում Յապոնչիկը նշանակալի կերպար էր համարվում։ Նա մեծ ազդեցություն ուներ նաև երկրի սահմաններից դուրս։ Վարկածներից մեկի համաձայն` Իվանկովը ազդեցությունների ոլորտների վերաբաշխման հետ կապված վիճաբանությունների զոհ դարձավ։ Մոտ տասը տարի անց չի հաջողվել պարզել ո՛չ սպանության պատվիրատուի, ո՛չ էլ կատարողի ինքնությունը։
©
Sputnik / Кирилл Каллиников / Газета "Время новостей"
Վյաչեսլավ Իվանկով
Վագինի սպանությունը
Այսպես կոչված կենտրոնայինների խմբավորման առաջնորդ Օլեգ Վագինին գնդակահարել են Եկատերինբուրգում 1992 թվականի հոկտեմբերի 26-ին։ Երբ նա մի քանի թիկնապահների ուղեկցությամբ դուրս էր գալիս տնից, բակում կայանած «Մոսկվիչից» դուրս եկան երկու զինված հանցագործներ և կրակ բացեցին։ Վագինը փորձեց վազել և հասնել հարևան շքամուտքին, սակայն այնտեղ նրան երրորդ վարձու մարդասպանն էր սպասում, որը գնդակահարեց քրեական հանցագործին։ Մահացան նաև բոլոր թիկնապահները։
Ամենայն հավանականությամբ, Վագինի նկատմամբ հաշվեհարդար տեսան մրցակից խմբավորման ներկայացուցիչները։ Սակայն հայտնի չէ, թե կոնկրետ ով։ Հետաքրքիր է, որ սպանությունը տեղի ունեցավ այն տանը, որտեղ բնակվում էին Սվերդլովի մարզպետը, ինչպես նաև ՆԳՆ և դատախազության բարձրաստիճան պաշտոնյաները։
Ուսոյանի սպանությունը
Երկրի ամենաազդեցիկ հանցավոր հեղինակություններից մեկին` Դեդ Հասան մականունով Ասլան Ուսոյանին, սպանեցին Մոսկվայում 2013 թվականի հունվարի 16-ին։ Օրենքով գողն առավոտյան գնաց ռեստորան, և ներս մտնելու պահին դիպուկահարը կրակեց նրա ճակատին։ Քրեական հեղինակության թիկնապահները, չսպասելով շտապօգնությանը, նրան մոտակա հիվանդանոց տեղափոխեցին, որտեղ էլ նա մահացավ։
Իրավապահները պարզեցին, որ մարդասպանը թաքնվում էր շենքի մուտքի դիմաց, բայց տաք հետքերով նրան ձերբակալել չհաջողվեց։ Իսկ մի քանի տարի անց հետաքննությունն ընդհանրապես կասեցրին։ Հանցագործության պատվիրատուն և կատարողը մինչ օրս չեն հայտնաբերվել, թեև գործը չի փակվել։ Առանցքային վարկածներից մեկի համաձայն` Դեդ Հասանի սպանությունը կապված է քրեական աշխարհում առաջատար լինելու պայքարի հետ։
©
CC BY-SA 4.0 / Dmitry Rozhkov / Хованское кладбище. Хованское кладбище. Могила Усояна (Деда Хасана) (cropped and resized)
Դեդ Հասան մականունով Ասլան Ուսոյանի գերեզմանը
«Անցնելու ենք Փաշինյանի ճանապարհով». Գյումրիից քայլերթով գալիս են Երևան. տեսանյութ
(Թարմացված է 15:50 03.03.2021)
Քայլերթի մասնակիցները Նիկոլ Փաշինյանին խորհդանշական ճամպրուկ են բերում։ Պատրաստավում են մարտի 5-ին հասնել Երևան։ԵՐԵՎԱՆ, 3 մարտի – Sputnik, Արմենուհի Մխոյան. Մարտի 3-ին` ժամը 11:00-ին, Գյումրիում մեկնարկել է ֆլեշմոբ-քայլերթ՝ ՀՀ վարչապետ Նիկոլ Փաշինյանի հրաժարականի պահանջով: Նախաձեռնության համահեղինակ իրավաբան Կարապետ Պողոսյանը Sputnik Արմենիայի հետ զրույցում հայտնեց, որ ինքն ու դերասան Մկրտիչ Վարդանյանը պատրաստվում են անցնել այն ճանապարհով, որով Փաշինյանը երեք տարի առաջ Գյումրիից եկել է Երևան, հասնել մայրաքաղաք ու խորհրդանշական իրեր փոխանցել ՀՀ վարչապետին։
Պատերազմին մասնակցած եզդիները միացել են Փաշինյանի հրաժարականի պահանջին. Այսեր Իսոյան
Նշենք, որ քայլերթից առաջ Պողոսյանն ու Վարդանյանը խորհրդանշական ակցիա են իրականացրել՝ Նիկոլ Փաշինյանի ուսապարկը խորհրդանշող պայուսակից հանելով իրեր՝ փուչիկ, ծաղրածուի և բժշկական դիմակներ, կախարդական փայտիկ, նոթբուք, ելակ, նուռ, Հայաստանի քարտեզը, Ադրբեջանի նախագահ Իլհամ Ալիևի նկարը։ Նրանք վստահեցրին, որ հենց այս ամենն էր Փաշինյանն իր հետ բերել Երևան։
Ֆլեշմոբի մասնակիցները նշեցին, որ այդ ամենից բացի, իրենք այլ իրեր էլ են տանելու Փաշինյանին` պարան, օճառ, մարզական կոշիկներ, հերոս տղաների շիրիմների լուսանկարը և այլն:
Մի շարք քաղաքացիներ էլ առաջարկել են պայուսակում ավելացնել նաև 2020 թվականին իմքայլականների նախաձեռնված «Սահմանադրական» հանրաքվեի «Այո» քարոզչության բուկլետը, «Հպարտ քաղաքացու անձնագիրը», Շուշիի տան բանալիներ և այլն։
«Հենց նույն ճանապարհով, որով 2018 թվականին Փաշինյանը Գյումրիից շարժվել է Երևան, մենք ենք անցնելու, լինելու ենք նույն բնակավայրերում, փորձելու ենք հասկանալ մարդկանց դիրքորոշումը, լսել նրանց կարծիքները։ Ամենայն հավանականությամբ, արդեն ուրբաթ օրը ճամպրուկը կհասցնենք կառավարություն», - ասաց Կարապետ Պողոսյանը` քաղաքացիներին հորդորելով միանալ իրենց:
Sputnik Արմենիայի տեղեկություններով` նրանք արդեն հասել են Սպիտակ։
Սպիտակի ղեկավարը միանում է Փաշինյանի հրաժարականի պահանջին և աջակցում ԳՇ–ին
Մահացել է համաշխարհային ճանաչում ունեցող թավջութակահար Մեդեա Աբրահամյանը
(Թարմացված է 14:57 03.03.2021)
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:
Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում, Կանադայում, Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։
Մեդեա Աբրահամյանն արժանացել է բազմաթիվ մրցանակների, դրանք են`
- Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
- Հայաստանի երիտասարդության առաջին փառատոնի դափնեկիր (առաջին մրցանակ), 1957
- Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
- ՀԽՍՀ վաստակավոր արտիստ, 1963
- Բուլղարիայի Ռուսե քաղաքի պատվավոր քաղաքացի, 1968
- ՀԽՍՀ պետական մրցանակ, 1973
- ՀԽՍՀ ժողովրդական արտիստ, 1980
- Երևանի Կոմիտասի անվան պետական կոնսերվատորիայի պրոֆեսոր, 1983
- ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
- Հայ արվեստի ասպետ, 2007
- «Հայրենիքին մատուցած ծառայությունների համար» 1-ին աստիճանի մեդալ, 2012
- ՀՀ վարչապետի ոսկե հուշամեդալ, 2016
- «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
- Հայաստանի երաժշտական ընկերության «Կոմիտաս» հուշամեդալ, 2018
1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։
Պուտինը, Լավրովն ու Շոյգուն գերիների հարցում հետևողական են. ՀՀ ԱԳ նախարար
(Թարմացված է 17:15 03.03.2021)
ՀՀ ԱԳ նախարարը նաև հավելեց, որ հարցը հատուկ ընդգծել է ԵԱՀԿ ՄԽ համանախագահների զրույցների մակարդակում։ԵՐԵՎԱՆ, 3 մարտի - Sputnik. Գերիների վերադարձի հումանիտար, կարևորագույն հարցի քաղաքականացումն անընդունելի է։ Այսօր ԱԺ–ում կառավարության հետ հարցուպատասխանի ժամին այս մասին ասաց ՀՀ ԱԳ նախարար Արա Այվազյանը`անդրադառնալով Ադրբեջանի նախագահի այն հայտարարությանը, թե Ադրբեջանը հայ բոլոր գերիներին վերադարձրել է։ Իսկ այդ երկրում մնացած անազատության մեջ գտնվող մյուս անձինք հանցագործներ են` դիվերսանտներ։
Այվազյանը շեշտեց, որ Ալիևի հայտարարության անընդունելիությունն արդեն հաստատվել է նաև տարբեր միջազգային կառույցների կողմից։
«Հավանաբար տեղյակ եք, որ տարբեր երկրների, միջազգային կառույցների ղեկավարներն արդեն ավելացնում են այս հարցով միջազգային ճնշումն Ադրբեջանի վրա։ Վերջինը` երեկ Իտալիայի խորհրդարանը նույնպես ընդունել է բանաձև` կոչ անելով Ադրբեջանին անհապաղ լուծում տալ այս հումանիտար կարևորագույն հարցին»,– ասաց Այվազյանը։
Ագ նախարարը նաև հայտնեց, որ գերիների վերադարձի համար հայկական կողմն օգտագործում է բոլոր խողովակները` հատկապես կարևորելով տարածաշրջանում ՌԴ–ի ունցած կարևոր դերակատարումը։
©
Sputnik / Aram Nersesyan
«Սկսած նախագահ Պուտինի, ԱԳ նախարար Սերգեյ Լավրովի, պաշտպանության նախարար Սերգեյ Շոյգուի միջոցով անմիջական շփումներ են տեղի ունենում այս հարցի ուղղությամբ, և ռուսական կողմը հետևողականորեն բարձրացնում է այդ հարցը Ադրբեջանի ղեկավարության մոտ»,– ասաց Այվազյանը։
Նա նաև հավելեց, որ այդ հարցը հատուկ ընդգծել է ԵԱՀԿ ՄԽ համանախագահների զրույցների մակարդակում։
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։
Անհետ կորածների, գերիների ու վիրավորների թվի մասին պաշտոնական տվյալներ չկան։
Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը