ԵՐԵՎԱՆ, 19 օգոստոսի — Sputnik. Գեղասահորդուհի Եվգենյա Մեդվեդևա-Բաբասյանը Instagram-ի իր էջում լուսանկար է հրապարակել և ներկայացել նոր սանրվածքով` ուղիղ մազեր և ճակատով մեկ տարածվող մազափունջ։

«Հետ դեպի 2005 թվական։ Ճշտում. նման սանրվածք 6 տարեկանում եմ ունեցել», — գրել է մարզիկը։

Լուսանկարը հավանել են բազմաթիվ բաժանորդներ, նրանք միաձայն պնդել են. «So cute! Super cute!»։ Հաճոյախոսությունների պակաս չի գրանցվել. «Հիանալի է։ Հաջողություն քեզ, Ժենյա», «Զարմանալի աչքեր ունեք, հայացքն էլ շատ արտահայտիչ և խորաթափանց է», «Կարծես կատվի ձագուկ լինես», «Ժենյա, դու պարզապես տիեզերք ես։ Շատ է սազում», «Հիասքանչ ես։ Գրան-Պրի ենք սպասում։ Հաջողություն մաղթում»։

Սակայն օգտատերերից մի քանիսին դուր չի եկել աղջկա նոր սանրվածքը. «Նոր եմ արթնացել… Չեմ հասկանում… Կամ գուցե ե՞ս դեռ չեմ արթնացել։ Ժենյան մազափնջո՞վ։ Կսմթեք ինձ», «Կկարոտեմ նախկին սանրվածքը։ Մյուս կողմից` նորությունը նույնպես լավ է»։

© Sputnik / Asatur Yesayants

«Կրակոտ էր»․ Եվգենյա Մեդվեդևա–Բաբասյանը ցույց է տվել այն, ինչից աշխարհում միայն ինքն ունի

Ոմանք հիշել են վերջերս մարզիկի և երկրպագուների միջև տեղի ունեցած կոնֆլիկտը և մեկնաբանություն գրել, ինչը դուր չի եկել մի շարք երկրպագուների։ Օգտատերերի միջև վիճաբանություն է ծագել, և մարզիկի քննադատներից մեկին երկրպագուները պարզապես դուռն են մատնացույց արել. «Անկեղծ, ավելի լավ է, չքվես այստեղից»։

Նշենք, որ 2018 թվականի մայիսին Եվգենյա Մեդվեդևան լքել էր իր մարզիչ Էթերի Տուտբերիձեին և տեղափոխվել Կանադա` կանադացի մասնագետ Բրայան Օրսերի ղեկավարության տակ աշխատելու։ Այս հանգամանքն այդքան էլ դուր չէր եկել նրա ռուս երկրպագուներին, և նրան նույնիսկ մեղադրել էին դավաճանության մեջ։ Դրանից հետո Մեդվեդևան սոցցանցերում հայտնել էր, որ ճանաչում է իր իսկական երկրպագուներին և երախտապարտ է նրանց աջակցության համար, քանի որ միշտ իր կողքին են` ի տարբերություն որոշ երկրպագուների, որոնք պատրաստ են «օդում փոխվել»։

Այս կապակցությամբ Եվգենյայի նոր լուսանկարի տակ երկրպագուները նշել էին. «Կեցցես, Ժենյա։ Այնքան ջանասիրաբար պատասխանում ես շատերին, ովքեր գրում են քեզ։ Դա կարևոր է երկրպագուներիդ համար, նման պահվածքը նրանց երջանկացնում է։ Ապրես։ Իսկ սանրվածքդ, իսկապես սազում է քեզ»։

Հիշեցնենք, որ Փհենչհանում կայացած օլիմպիադայում Մեդվեդևան երկու արծաթե մեդալ էր նվաճել` մենասահքում ոսկին զիջելով մեկ այլ ռուս գեղասահորդուհի Ալինա Զագիտովային։ Նա նաև աշխարհի առաջնության կրկնակի հաղթող է։ Այժմ գեղասահորդուհին նոր խաղաշրջանին է պատրաստվում։

ԵՐԵՎԱՆ, 3 մարտի - Sputnik. Գերիների վերադարձի հումանիտար, կարևորագույն հարցի քաղաքականացումն անընդունելի է։ Այսօր ԱԺ–ում կառավարության հետ հարցուպատասխանի ժամին այս մասին ասաց ՀՀ ԱԳ նախարար Արա Այվազյանը`անդրադառնալով Ադրբեջանի նախագահի այն հայտարարությանը, թե Ադրբեջանը հայ բոլոր գերիներին վերադարձրել է։ Իսկ այդ երկրում մնացած անազատության մեջ գտնվող մյուս անձինք հանցագործներ են` դիվերսանտներ։

Այվազյանը շեշտեց, որ Ալիևի հայտարարության անընդունելիությունն արդեն հաստատվել է նաև տարբեր միջազգային կառույցների կողմից։

«Հավանաբար տեղյակ եք, որ տարբեր երկրների, միջազգային կառույցների ղեկավարներն արդեն ավելացնում են այս հարցով միջազգային ճնշումն Ադրբեջանի վրա։ Վերջինը` երեկ Իտալիայի խորհրդարանը նույնպես ընդունել է բանաձև` կոչ անելով Ադրբեջանին անհապաղ լուծում տալ այս հումանիտար կարևորագույն հարցին»,– ասաց Այվազյանը։

Ագ նախարարը նաև հայտնեց, որ գերիների վերադարձի համար հայկական կողմն օգտագործում է բոլոր խողովակները` հատկապես կարևորելով տարածաշրջանում ՌԴ–ի ունցած կարևոր դերակատարումը։

«Սկսած նախագահ Պուտինի, ԱԳ նախարար Սերգեյ Լավրովի, պաշտպանության նախարար Սերգեյ Շոյգուի միջոցով անմիջական շփումներ են տեղի ունենում այս հարցի ուղղությամբ, և ռուսական կողմը հետևողականորեն բարձրացնում է այդ հարցը Ադրբեջանի ղեկավարության մոտ»,– ասաց Այվազյանը։

Նա նաև հավելեց, որ այդ հարցը հատուկ ընդգծել է ԵԱՀԿ ՄԽ համանախագահների զրույցների մակարդակում։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Անհետ կորածների, գերիների ու վիրավորների թվի մասին պաշտոնական տվյալներ չկան։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը