Ժաննա Պողոսյան, Sputnik Արմենիա.

«Մարդիկ սեքսի մասին իմացել են 1963 թվականին»,- գրել է անգլիացի բանաստեղծ Ֆիլիպ Լարկինը` նկարագրելով «Բիթլզի» առաջին համերգներն ու աղմկահարույց դատական գործընթացը, որից հետո արգելքը վերացավ, և նոր շունչ ստացավ Դևիդ Լոուրենսի «Լեդի Չաթըրլիի սիրեկանը» էրոտիկ վեպը։ Այն ժամանակ Լարկինը, ըստ էության, Արևմուտքի սեռական հեղափոխության ժամանակագրությունն էր կազմել։

© Sputnik / Asatur Yesayants

Թմրանյութ. բուժման ճանապարհից մինչև կործանման ուղի

Սեռական ազատությունը նաև մի շարք խնդիրների հանգեցրեց. հենց 60-ականներին աշխարհն իմացավ վեներական հիվանդությունների և Chemsex կոչվող երևույթի մասին (սեքս` թմրանյութերի ազդեցության տակ)։ Եվ եթե 60-ականների սերնդի համար սեքսը, ռոքնռոլն ու թմրամիջոցները մեկ ամբողջության անբաժանելի մասն էին կազմում, ապա այսօր այսպես կոչված «քիմիական սեքսը» վտանգավոր է ճանաչվել։

Ամբողջ աշխարհի սեքսոլոգները, նարկոլոգներն ու հոգեբույժները փորձում են հասկանալ` ինչ կարելի է անել, որպեսզի հիվանդը հաղթահարի այդ կախվածությունը։

Թվում է` փոքր Հայաստանում, որտեղ պաշտոնապես 70 տարի սեքս չի եղել, դրան գումարած` ազգային մտածելակերպը, նման խնդիր չէր կարող լինել։ Սակայն վիճակագրությունն այլ բան է պնդում` այսօր ամսվա ընթացքում սեքսոլոգին են դիմում նման կախվածություն ունեցող մոտ 5 տղամարդ։ Բայց չի բացառվում, որ կան նաև մարդիկ, որոնք բժշկի չեն էլ դիմում։

Սեքսոլոգ Անդրանիկ Ղարիբյանը պատմում է, որ խնդիրն ավելի լուրջ է, քան մենք պատկերացնում ենք։ Սեքսոլոգի գործառույթը պարզ է` ախտորոշում է հիվանդությունը, հետո իրեն դիմած անձին ուղարկում է հոգեբույժի, այնուհետև նարկոլոգի մոտ։

Այնուհետև դեղորայքային բուժում է նշանակվում։ Կուրսն ավարտելուց հետո հիվանդը ցանկության դեպքում կարող է դիմել նաև հոգեթերապևտին։

«Հայաստանում ամենաբարդ խնդիրը գաղտնիությունը պահելն է։ Հաճախ հիվանդներն ամաչում են անալիզներ հանձնել իրենց անվան տակ։ Այդ ժամանակ ես նրանց առաջարկում եմ օգտվել իմ անունից, կարևորը, որ հանձնեն։ Դուք պատկերացնել անգամ չեք կարող, թե ամեն օր քանի «Անդրանիկ Ղարիբյան» է անալիզ հանձնում», — ժպտում է սեքսոլոգը։

Թմրանյութերն օգնում են ուժեղացնել սեռական ֆունկցիան և սրում զգայունակությունը սեռական ակտի ժամանակ։ Սակայն քիմիական սեքսի օգուտը ժամանակավոր է։ Շուտով օրգանիզմը սկսում է հյուծվել, և խնդիրները միայն սրվում են։ Այսօր բժշկությունն ամեն ինչ բուժում է, նույնիսկ` իմպոտենցիան։ Սեքսոլոգների դուրս գրած հաբերը երաշխավորում են արդյունքը, և դրանք նույնիսկ ավելի էժան են, քան թմրանյութերից շատերը։

«Հայաստանում քչերն են թանկարժեք թմրանյութեր օգտագործում, ինչն էլ ավելի է բարդացնում իրավիճակը։ Օրինակ` կոկաին օգտագործողները կարող են 30 տարի ապրել, բայց նրանք, ովքեր բենզին են «սրսկվում», առավելագույնը 3 տարվա կյանք կունենան։ Երևանում ամենատարածված թմրանյութը «սփայսն» է», — նշում է Ղարիբյանը։

Shutterstock

Թմրամոլների թվով Երևանն առաջինն է Հայաստանում

Սեքսոլոգին «քիմիական սեքսի» խնդրով առավել հաճախ դիմում են 20-30 տարեկան երիտասարդները, որոնք որոշակի պահի կամ Ռուսաստան են մեկնել գումար աշխատելու, կամ Եվրոպայում են սովորել։

Թեև հազվադեպ, բայց դիմողների մեջ լինում են նաև աղջիկներ, որոնք առանց թմրանյութերի օգտագործման չեն կարողանում զուգընկերոջ հետ հաճույք ստանալ։ Իսկ եթե սեռական ակտի ժամանակ երկուսն էլ «կայֆի տակ» են լինում, այդ դեպքում բուժում պետք է անցնեն երկուսն էլ։

Նշենք, որ քիմիական սեքսի տարածման երկրորդ ալիքը բարձրացավ 2000-ականներին, երբ ինտերնետ կայքերն ու ծանոթություններ առաջարկող հավելվածները սկսեցին ինտենսիվորեն զարգանալ։ Օգտատերերն իրենց անկետաներում նշում էին, որ միայն քիմիական սեքսով են զբաղվում, և դա օգնում էր նրանց համապատասխան զուգընկեր գտնել։ Բրիտանիայում հաշվարկել են` ամբողջ աշխարհում տղամարդկանց ավելի քան 20 տոկոսը կյանքում գոնե մեկ անգամ փորձել են թմրանյութերի ազդեցության տակ սեքսով զբաղվել։

ԵՐԵՎԱՆ, 3 մարտի - Sputnik. Գերիների վերադարձի հումանիտար, կարևորագույն հարցի քաղաքականացումն անընդունելի է։ Այսօր ԱԺ–ում կառավարության հետ հարցուպատասխանի ժամին այս մասին ասաց ՀՀ ԱԳ նախարար Արա Այվազյանը`անդրադառնալով Ադրբեջանի նախագահի այն հայտարարությանը, թե Ադրբեջանը հայ բոլոր գերիներին վերադարձրել է։ Իսկ այդ երկրում մնացած անազատության մեջ գտնվող մյուս անձինք հանցագործներ են` դիվերսանտներ։

Այվազյանը շեշտեց, որ Ալիևի հայտարարության անընդունելիությունն արդեն հաստատվել է նաև տարբեր միջազգային կառույցների կողմից։

«Հավանաբար տեղյակ եք, որ տարբեր երկրների, միջազգային կառույցների ղեկավարներն արդեն ավելացնում են այս հարցով միջազգային ճնշումն Ադրբեջանի վրա։ Վերջինը` երեկ Իտալիայի խորհրդարանը նույնպես ընդունել է բանաձև` կոչ անելով Ադրբեջանին անհապաղ լուծում տալ այս հումանիտար կարևորագույն հարցին»,– ասաց Այվազյանը։

Ագ նախարարը նաև հայտնեց, որ գերիների վերադարձի համար հայկական կողմն օգտագործում է բոլոր խողովակները` հատկապես կարևորելով տարածաշրջանում ՌԴ–ի ունցած կարևոր դերակատարումը։

© Sputnik / Aram Nersesyan

Ի՞նչ է նշանակում գերիներ չկան. Վանեցյանը խոստանում է մի քանի օրում վերադարձնել գերիներին

«Սկսած նախագահ Պուտինի, ԱԳ նախարար Սերգեյ Լավրովի, պաշտպանության նախարար Սերգեյ Շոյգուի միջոցով անմիջական շփումներ են տեղի ունենում այս հարցի ուղղությամբ, և ռուսական կողմը հետևողականորեն բարձրացնում է այդ հարցը Ադրբեջանի ղեկավարության մոտ»,– ասաց Այվազյանը։

Նա նաև հավելեց, որ այդ հարցը հատուկ ընդգծել է ԵԱՀԿ ՄԽ համանախագահների զրույցների մակարդակում։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Անհետ կորածների, գերիների ու վիրավորների թվի մասին պաշտոնական տվյալներ չկան։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը