Լողազգեստների աստղային մենամարտ. վառ լողազգեստներով կրքոտ հայուհիների լավագույն հնգյակը
(Թարմացված է 10:10 19.08.2018)
Հայ աղջիկը և՛ կերակուր կպատրաստի, և՛ աստղ կդառնա, և՛ իր հմայքը կցուցադրի լողազգեստով։ Դիտեք Sputnik Արմենիայի ներկայացրած հոդվածում, թե ինչպես են հայուհիներն անցկացնում իրենց արձակուրդը։ԵՐԵՎԱՆ, 19 օգոստոսի —Sputnik. Հայուհիները գեղեցիկ են և՛ եվրոպական զգեստներով, և՛ ազգային տարազով, և՛ լողազգեստներով։ Հայկական էստրադայի գրեթե բոլոր աստղերը և նրանք, ում երակներում հայի արյուն է հոսում, այս ամառ որոշել են մի լավ հանգստանալ և ցուցադրել իրենց բարեմասնությունները, ինչպես նաև նորաձև լողազգեստները։
Sputnik Արմենիան առանձնացրել է լողազգեստներով հայուհիների լավագույն հնգյակին։
Նազենի Հովհաննիսյան
Հայտնի դերասանուհի և հեռուստահաղորդավարուհի Նազենի Հովհաննիսյանը հանգիստն անցկացնում է Իտալիայի Ջարդինի Նաքսոս հանգստավայրում։ Լողափնյա հանգստի համար նա վարդագույն լողազգեստ է ընտրել, որն ընդգծում է նրա բարեմասնությունները։
Հովհաննիսյանը բավական ակտիվ է ինչպես Instagram-ում, այնպես էլ Facebook-ում, նա մշտապես հետաքրքիր լուսանկարներ է հրապարակում, խոհափիլիսոփայական գրառումներ կատարում և գրավիչ պատմություններ պատմում։
Եվա Ռիվաս
Ռուսաստանաբնակ հայտնի հայ երգչուհի, «Եվրատեսիլ 2010» երգի մրցույթում Հայաստանը ներկայացրած Եվա Ռիվասը հանգստանում է Իտալիայի մեկ այլ զբոսավայրում` Պորտո Չերվոյում։ Լողափնյա հանգստի համար նա ընտրել է վառ կարմիր լողազգեստ, և հիանալի տեսք ունի։
Եվա Ռիվասի իսկական անունը Վալերիա Ռեշետնիկովա-Ծատուրյան է։ Եվան բեմական կեղծանուն է ընտրել հորական նախատատի ազգանունը, որի արմատներով հունական արյուն է հոսում։
Վարդա
Դեռ պարզ չէ, թե որտեղ է իր հանգիստն անցկացնում հայտնի երգչուհի, դերասանուհի և pole-dance-ի աշխարհի չեմպիոն Վարդան (Վարդանուշ Մարտիրոսյան)։ Սոցցանցում հրապարակած գրառումներից, լուսանկարներից ու տեսաձայնագրություններից կարելի է ենթադրել, որ նա իսկապես վայելում է իր արձակուրդը։ Իր լողափնյա հանգստի համար նա տարբեր գույների մի քանի լողազգեստ է ընտրել։
Վարդան ծնվել է 1985 թվականի մարտի 3-ին Կրիվոյ Ռոգում, բազմազավակ ընտանիքում։ Երկու բարձրագույն կրթություն է ստացել (էստրադայի և զանգվածային տոների բեմադրիչ և ֆիզիկական դաստիարակության մենեջեր, մարզիչ)։
Սոֆի Մխեյան
Հայտնի հայուհու հրապարակած լուսանկարներից կարելի է դատել, որ նա հանգիստն անցկացնում է Մալդիվյան կղզիներում։ Երգչուհին կապտա-մանուշակագույն լողազգեստ է ընտրել։
Մխեյանը ծնվել է 1984 թվականին Երևանում։ Համերգներ է ունենում Հայաստանում և Հայաստանից դուրս, հաճախ տարբեր հեռուստանախագծերի հյուր է լինում։
Իվետա Մուկուչյան
Հայտնի երգչուհի Իվետա Մուկուչյանը հանգստանալու համար նախընտրել է Իսպանիան։ Լողազգեստն ընդգծում է նրա գայթակղիչ բարեմասնությունները։
Մուկուչյանը ծնվել է 1986 թվականին Երևանում։ Ընտանիքի հետ տեղափոխվել է Գերմանիա, որտեղ ապրել է 1992-2009 թվականներին։ Ավելի ուշ վերադարձել է հայրենիք և սկսել է զբաղվել երգչուհու կարիերայով։ Իվետան մասնակցել է «Եվրատեսիլ 2016» երգի միջազգային մրցույթին։
«Անցնելու ենք Փաշինյանի ճանապարհով». Գյումրիից քայլերթով գալիս են Երևան. տեսանյութ
(Թարմացված է 15:50 03.03.2021)
Քայլերթի մասնակիցները Նիկոլ Փաշինյանին խորհդանշական ճամպրուկ են բերում։ Պատրաստավում են մարտի 5-ին հասնել Երևան։ԵՐԵՎԱՆ, 3 մարտի – Sputnik, Արմենուհի Մխոյան. Մարտի 3-ին` ժամը 11:00-ին, Գյումրիում մեկնարկել է ֆլեշմոբ-քայլերթ՝ ՀՀ վարչապետ Նիկոլ Փաշինյանի հրաժարականի պահանջով: Նախաձեռնության համահեղինակ իրավաբան Կարապետ Պողոսյանը Sputnik Արմենիայի հետ զրույցում հայտնեց, որ ինքն ու դերասան Մկրտիչ Վարդանյանը պատրաստվում են անցնել այն ճանապարհով, որով Փաշինյանը երեք տարի առաջ Գյումրիից եկել է Երևան, հասնել մայրաքաղաք ու խորհրդանշական իրեր փոխանցել ՀՀ վարչապետին։
Պատերազմին մասնակցած եզդիները միացել են Փաշինյանի հրաժարականի պահանջին. Այսեր Իսոյան
Նշենք, որ քայլերթից առաջ Պողոսյանն ու Վարդանյանը խորհրդանշական ակցիա են իրականացրել՝ Նիկոլ Փաշինյանի ուսապարկը խորհրդանշող պայուսակից հանելով իրեր՝ փուչիկ, ծաղրածուի և բժշկական դիմակներ, կախարդական փայտիկ, նոթբուք, ելակ, նուռ, Հայաստանի քարտեզը, Ադրբեջանի նախագահ Իլհամ Ալիևի նկարը։ Նրանք վստահեցրին, որ հենց այս ամենն էր Փաշինյանն իր հետ բերել Երևան։
Ֆլեշմոբի մասնակիցները նշեցին, որ այդ ամենից բացի, իրենք այլ իրեր էլ են տանելու Փաշինյանին` պարան, օճառ, մարզական կոշիկներ, հերոս տղաների շիրիմների լուսանկարը և այլն:
Մի շարք քաղաքացիներ էլ առաջարկել են պայուսակում ավելացնել նաև 2020 թվականին իմքայլականների նախաձեռնված «Սահմանադրական» հանրաքվեի «Այո» քարոզչության բուկլետը, «Հպարտ քաղաքացու անձնագիրը», Շուշիի տան բանալիներ և այլն։
«Հենց նույն ճանապարհով, որով 2018 թվականին Փաշինյանը Գյումրիից շարժվել է Երևան, մենք ենք անցնելու, լինելու ենք նույն բնակավայրերում, փորձելու ենք հասկանալ մարդկանց դիրքորոշումը, լսել նրանց կարծիքները։ Ամենայն հավանականությամբ, արդեն ուրբաթ օրը ճամպրուկը կհասցնենք կառավարություն», - ասաց Կարապետ Պողոսյանը` քաղաքացիներին հորդորելով միանալ իրենց:
Sputnik Արմենիայի տեղեկություններով` նրանք արդեն հասել են Սպիտակ։
Սպիտակի ղեկավարը միանում է Փաշինյանի հրաժարականի պահանջին և աջակցում ԳՇ–ին
Մահացել է համաշխարհային ճանաչում ունեցող թավջութակահար Մեդեա Աբրահամյանը
(Թարմացված է 14:57 03.03.2021)
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:
Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում, Կանադայում, Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։
Մեդեա Աբրահամյանն արժանացել է բազմաթիվ մրցանակների, դրանք են`
- Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
- Հայաստանի երիտասարդության առաջին փառատոնի դափնեկիր (առաջին մրցանակ), 1957
- Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
- ՀԽՍՀ վաստակավոր արտիստ, 1963
- Բուլղարիայի Ռուսե քաղաքի պատվավոր քաղաքացի, 1968
- ՀԽՍՀ պետական մրցանակ, 1973
- ՀԽՍՀ ժողովրդական արտիստ, 1980
- Երևանի Կոմիտասի անվան պետական կոնսերվատորիայի պրոֆեսոր, 1983
- ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
- Հայ արվեստի ասպետ, 2007
- «Հայրենիքին մատուցած ծառայությունների համար» 1-ին աստիճանի մեդալ, 2012
- ՀՀ վարչապետի ոսկե հուշամեդալ, 2016
- «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
- Հայաստանի երաժշտական ընկերության «Կոմիտաս» հուշամեդալ, 2018
1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։
Պուտինը, Լավրովն ու Շոյգուն գերիների հարցում հետևողական են. ՀՀ ԱԳ նախարար
(Թարմացված է 17:13 03.03.2021)
ՀՀ ԱԳ նախարարը նաև հավելեց, որ հարցը հատուկ ընդգծել է ԵԱՀԿ ՄԽ համանախագահների զրույցների մակարդակում։ԵՐԵՎԱՆ, 3 մարտի - Sputnik. Գերիների վերադարձի հումանիտար, կարևորագույն հարցի քաղաքականացումն անընդունելի է։ Այսօր ԱԺ–ում կառավարության հետ հարցուպատասխանի ժամին այս մասին ասաց ՀՀ ԱԳ նախարար Արա Այվազյանը`անդրադառնալով Ադրբեջանի նախագահի այն հայտարարությանը, թե Ադրբեջանը հայ բոլոր գերիներին վերադարձրել է։ Իսկ այդ երկրում մնացած անազատության մեջ գտնվող մյուս անձինք հանցագործներ են` դիվերսանտներ։
Այվազյանը շեշտեց, որ Ալիևի հայտարարության անընդունելիությունն արդեն հաստատվել է նաև տարբեր միջազգային կառույցների կողմից։
«Հավանաբար տեղյակ եք, որ տարբեր երկրների, միջազգային կառույցների ղեկավարներն արդեն ավելացնում են այս հարցով միջազգային ճնշումն Ադրբեջանի վրա։ Վերջինը` երեկ Իտալիայի խորհրդարանը նույնպես ընդունել է բանաձև` կոչ անելով Ադրբեջանին անհապաղ լուծում տալ այս հումանիտար կարևորագույն հարցին»,– ասաց Այվազյանը։
Ագ նախարարը նաև հայտնեց, որ գերիների վերադարձի համար հայկական կողմն օգտագործում է բոլոր խողովակները` հատկապես կարևորելով տարածաշրջանում ՌԴ–ի ունցած կարևոր դերակատարումը։
«Սկսած նախագահ Պուտինի, ԱԳ նախարար Սերգեյ Լավրովի, պաշտպանության նախարար Սերգեյ Շոյգուի միջոցով անմիջական շփումներ են տեղի ունենում այս հարցի ուղղությամբ, և ռուսական կողմը հետևողականորեն բարձրացնում է այդ հարցը Ադրբեջանի ղեկավարության մոտ»,– ասաց Այվազյանը։
Նա նաև հավելեց, որ այդ հարցը հատուկ ընդգծել է ԵԱՀԿ ՄԽ համանախագահների զրույցների մակարդակում։