ԵՐԵՎԱՆ, 17 օգոստոսի — Sputnik. Ժաննա Լևինան` հայտնի երգիծաբան և հաղորդավար Գարիկ Մարտիրոսյանի կինը, մի լուսանկար է հրապարակել, որում նա հիանալի տեսք ունի, և պատմել, թե ինչպես պետք է ճիշտ օգտվել must have-ից։ Լևինան համապատասխան գրառում է արել Instagram-ի սթորիզում։
«Դուք հաճախ եք հարցնում ինձ, ոմանք` հետաքրքրությամբ, ոմանք` զայրույթով. «Որքա՞ն իրեր ունեք։ Ձեր զգեստապահարանը ռետինե՞ չէ»։ Որքա՞ն գումար եք ծախսում հագուստի վրա»։ Եվ այլն, և այլն։ Պատասխանում եմ հուզող հարցերին։ Աղջիկներ, գնեք ոչ միայն նորաոճ, այլ նաև նորաձևությունից դուրս հագուստ, որը խնամքով հագնելու դեպքում միշտ լավ տեսք կունենա», — գրել է Լևինան։
Նա նշել է, որ ինքն արդեն «մեծ աղջիկ» է, իսկ Instagram-ում ընդամենը երկու տարի է գրանցված և դեռ զգեստներ ունի, որոնք բաժանորդները չեն տեսել։
«Եվ հիշեք` իմ էջը շորերի մասին չէ։ Ուղղակի ես չեմ ուզում լուսանկարվել առանց հագուստի, բայց գրառումներ անել ուզում եմ։ Հ. Գ. Սովորեք կրել must have այնպես, որ բոլորը հարցնեն` որտեղի՞ց ես նման գեղեցկություն գտել», — գրել է Լևինան։
Գրառումը բուռն քննարկումներ է առաջացրել համացանցում։ 18 ժամվա ընթացքում այն 22 հազար «հավանության» է արժանացել։
«Դուք ինձ դուր եք գալիս։ Միշտ այնքան տարբեր եք», — գրել է gucashaki-ն։
«Հումորի հիանալի զգացում ունեք», — գրել է zeynab_aminova-ն։
Մյուսները խորհուրդ են տվել Լևինային չարդարանել և չխաբել, քանի որ նրա հագուստը միշտ նորաձև է և թրենդային։
Գարիկ Մարտիրոսյանը ռուսական շոու բիզնեսի ներկայացուցիչ է, երգիծաբան, հեռուստահաղորդավար, Comedy Club-ի գեղարվեստական ղեկավար և պրոդյուսեր։ 1993-2002 թթ. նա «Նոր հայեր» ՈւՀԱ-ի թիմի անդամներից է եղել։
Գարիկն իր ապագա կնոջ հետ ծանոթացել է 1997 թվականին Սոչիում ՈՒՀԱ-ի փառատոնի ժամանակ: Նրանք սկսել են հանդիպել 1998 թվականին: Զույգը երկու երեխա ունի` դուստր և որդի: