ԵՐԵՎԱՆ, 11 օգոստոսի —Sputnik. Ամերիկահայ աստղ Քիմ Քարդաշյանի և նրա երազանքների տղամարդու` հայտնի ռեփեր Քանյե Ուեսթի համատեղ կյանք տանող ուղին երկար ու դժվար է եղել։ Քիմի սիրտը գրավել ցանկացող տղամարդկանց ցանկը ներկայացրել է Cosmo.ru պարբերականը։

© AFP 2020 / ANGELA WEISS

Քարդաշյանի «կլոնը». Քիմի նախկին ընկերոջ հայ կինը կրկնօրինակում է նրան

Թի Ջեյ Ջեքսոն (աֆրոամերիկացի), 1992-1996

Քիմի առաջին տղամարդը եղել է նրա մանկության ընկերը` Տիտո Ջո Ջեքսոնը (կամ TJ), որը փոփ արքա Մայքլ Ջեքսոնի զարմիկն էր (Ջեքսոնի ավագ եղբայր Տիտոյի որդին)։ Երկու տարվա սիրավեպից հետո Քիմը որոշեց ավելի լրջացնել հարաբերությունները և այդ մասին հայտնեց մորը` Քրիս Ջեներին։ Մայրը միշտ վստահելի հարաբերություններ է ունեցել զավակների հետ, և նա օգնեց Քիմին ընտրել հակաբեղմնավորիչ հաբերն ու պատասխանեց սեքսի մասին հարցերին։

Դեյմոն Թոմաս (աֆրոամերիկացի), 2000-2003

Քիմ Քարդաշյանը 19 տարեկանում ամուսնացավ հեռուստապրոդյուսեր Դեյմոն Թոմասի հետ։ Նա հույս ուներ, որ Թոմասը կօգնի ճանաչման հասնել, բայց նրա ընտանեկան կյանքը դժոխքի վերածվեց։ Թոմասը ծեծում էր կնոջը, բարեկամներից հաշվեհարդար լուծելու վախ ներշնչելով` արգելում էր այդ մասին պատմել ընտանիքի անդամներին։ Քիմը ստիպված էր հնազանդվել։ Ամուսինն էր թելադրում Քիմին` ում հետ է պետք շփվել, ինչ հագնել և ուր գնալ։ Քիմն առանց նրա թույլտվության փողոց դուրս գալու իրավունք չուներ։ Միայն 3 տարի անց Քարդաշյանը հանդգնեց փախչել և ամուսնալուծվել։

Ray J (աֆրոամերիկացի), 2003-2006

Քիմ Քարդաշյանը երկար սպասված ճանաչմանը հասավ 2007 թվականին, երբ համացանցում հայտնվեց հայտնի ռեփեր Ray J-ի և նրա սեքսի տեսանյութը։ Տեսագրությունն արվել էր, երբ զույգը դեռ նոր էր սկսել հանդիպել` առաջին ամուսնուց բաժանվելուց անմիջապես հետո։ Քարդաշյանի խոսքով` ժապավենը գողացել էին. նա նույնիսկ դատի էր տվել տեսագրությունը տարածած ընկերությանը։ Սակայն Հոլիվուդում արդեն վաղուց չեն հավատում գողանալու փաստին և համարում են, որ սեքս սկանդալը Քրիս Ջեների հաշվարկած քայլն էր։ Պրոդյուսերը տեսել է, որ դրանից մեկ տարի առաջ Փերիս Հիլթոնի ինտիմ հարաբերությունների տեսագրությունը գովազդվել և արագ տարածվել է համացանցում, և նա դստերը համոզել է աշխարհին ցույց տալ նախկին ամուսնու հետ ինտիմ հարաբերությունների տեսաձայնագրությունը։ Դա հիանալի գովազդ էր այն ժամանակ դեռ նոր մեկնարկող «Քարդաշյանների ընտանիք» շոուի համար։

© AP Photo / Jordan Strauss / Invision / AP

Քիմ Քարդաշյանը մերկացել է ապրանքանիշը գովազդելու համար

Նիկ Լաշե, 2006

Քարդաշյանը շատ էր ուզում լողալ այն ժամանակ մեծ ճանաչում ունեցող Նիկ Լաշեի փառքի ալիքներում։ Նիկը նոր էր բաժանվել երգչուհի Ջեսիքա Սիմփսոնից։ Լաշեն Քիմից բաժանվեց, երբ հասկացավ Քարդաշյանի նպատակը։

Նիկ Քենոն (աֆրոամերիկացի), 2006

Գեղեցկուհու մշտական ստի զոհ դարձավ նաև երգիծաբան Նիկ Քենոնը, որի հետ Քիմը մի քանի ամիս է հանդիպել։

Ռեջի Բուշ (աֆրոամերիկացի), 2007-2009

Քիմի հետ բաժանվելուց 5 տարի անց ֆուտբոլիստ Ռեջի Բուշն ամուսնացավ պարուհի Լիլիթ Ավագյանի հետ։ Քիմ Քարդաշյանի երկրպագուների կարծիքով` 30 տարեկան Լիլիթը Քիմին շատ է նման և փորձում է նրանց պատճենել ամեն ինչում` արտաքին տեսքից մինչև ոճը։

Մայլս Օսթին (աֆրոամերիկացի), 2010

Քիմի ցուցակում հայտնվեց մեկ այլ ֆուտբոլիստ` Մայլս Օսթինը։ Նրանք բաժանվեցին երկուսի խիստ զբաղված լինելու պատճառով։

Գաբրիել Օբրի, 2010

Քիմն ընդամենը մի քանի շաբաթ է անցկացրել դերասանուհի Հոլի Բերիի նախկին ամուսնու` մոդել Գաբրիել Օբրիի հետ։

© AFP 2020 / ANGELA WEISS

Քիմ Քարդաշյանը բաժանորդներին հին ընտանեկան լուսանկար է ցույց տվել

Շենգո Դին, 2010

Դինը Քիմի նախկին թիկնապահն էր։ Նրանք մե՛կ միանում, մե՛կ բաժանվում էին։ Կրքի վերջին պոռթկումը «գրանցվեց» 2010 թվականին, երբ Դինը դարձավ «Քարդաշյանների ընտանիք» շոուի հերոսը։ Նրանց անկողնային տեսարանը ցուցադրվեց ռեալիթի շոուի ժամանակ։ Այո, Քիմը կրկին դիմեց այդ քայլին, բայց այս անգամ ինտիմ մանրամասները չներկայացվեցին. նրանք թույլ տվեցին օպերատորին միայն մի փոքր լուսամուտից հետևել իրենց։ Հատկանշական է, որ դրվագը եթերում հայտնվեց այն ժամանակ, երբ Քիմն արդեն հանդիպում էր իր ապագա ամուսնու հետ։

Քրիս Համֆրիս, 2010-2011

Քիմ Քարդաշյանի և բասկետբոլիստ Քրիս Համֆրիսի ամուսնությունն ավարտվեց շքեղ հարսանիքից 72 օր անց։ Ամուսնալուծության նախաձեռնողը կինն էր։ Քիմը պատճառաբանում էր, որ իրենք «անհաղթահարելի տարաձայնություններ» ունեն։ Համֆրիսին այս փաստը հանկարծակիի էր բերել։ Մի քանի ամիս շարունակ նա Քիմին վերադարձնելու անհաջող փորձեր էր անում, բայց ի վերջո համաձայնեց ամուսնալուծվել և հայտարարեց, որ Քարդաշյան հեռուստաշոուի զոհ է դարձել։ Ամուսնալուծությունը ձևակերպվեց 2013 թվականի ամռանը։ Քարդաշյանն այդ ժամանակ արդեն հղի էր Քանյե Ուեսթից։

Քանյե Ուեսթ (աֆրոամերիկացի). Քարդաշյանի այսօրվա ամուսինը

Առաջին անգամ նրանք հանդիպեցին, երբ Քիմը սիրավեպ ուներ Ray J-ի հետ։ Քանյեն նույնպես ազատ չէր. նա հանդիպում էր երգչուհի Սումեկեի հետ։ Քիմը խոստովանել է. «Այդ ժամանակ մեր միջով ինչ-որ կայծ անցավ»։ Բայց Քիմի և Քանյեի հանդիպումները միշտ «հարմար պահի չէին ստացվում». նրանց երկուսի կյանքում էլ միշտ ինչ-որ մեկը կար։ 2009 թվականին, երբ Քիմը հարաբերություններ ուներ Ռեջի Բուշի հետ, Քիմն ու Քանյեն տրվեցին զգացմունքներին։ Քանյեն այն ժամանակ սիրավեպ ուներ մոդել Էմբեր Ռոուզի հետ, որը վստահեցնում է, թե Քիմն իր բոյֆրենդին անկեղծ լուսանկարներ էր ուղարկում։

Հայտնի չէ, թե ինչու Քիմն ու Քանյեն, բաժանվելով իրենց «սիրելիներից», չսկսեցին հանդիպել։ Ինչպես ասում է Քիմը, նա առաջին քայլը սպասում էր Ուեսթից, բայց նա չզանգահարեց, և Քիմը որոշեց ամուսնանալ Քրիս Համֆրիսի հետ։ Ինչով դա ավարտվեց, մենք արդեն տեղյակ ենք։

Պետք է ասել, որ Քիմի ամուսնության երրորդ փորձը բավականին հաջող էր։ 2013 թվականի հունիսին ծնվեց Քարդաշյանի ու Ուեսթի դուստրը, իսկ մեկ տարի անց նրանք Ֆլորենցիայում շքեղ հարսանիք կազմակերպեցին։ Այսօր ամուսինները երկու դուստր, մեկ որդի և 335 մլն դոլար ունեն։

ԵՐԵՎԱՆ, 5 մարտի – Sputnik. Համապարփակ քննարկումներից և բանակցություններից հետո Հանրային հեռուստաընկերությունը հայտարարում է, որ Հայաստանն այս տարի չի մասնակցի «Եվրատեսիլ» երգի միջազգային մրցույթին:

«Տեղի ունեցած իրադարձությունները, ժամանակի սղությունը և այլ օբյեկտիվ հանգամանքներ անհամադրելի են երգի մրցույթում Հայաստանի պատշաճ ներկայացման հետ»,– նշված է հեռուստաընկերության տարածած հաղորդագրության մեջ, որը հրապարակվել է Facebook–ում:

Հիշեցնենք` «Եվրատեսիլ 2020» երգի մրցույթը չեղարկվեց կորոնավիրուսի համավարակի պատճառով։ Մրցույթը նախատեսված էր Ռոտերդամում մայիսի 12-ին, 14-ին և 16-ին: Եվրոպայի հեռարձակողների միությունը որոշեց չեղարկել այն կորոնավիրուսի համավարակի պատճառով: Հայաստանը պետք է ներկայացներ Աթենա Մանուկյանը։ 

«Եվրատեսիլ 2021» երգի միջազգային մրցույթն այս տարի կանցկացվի նոր ձևաչափով։ Ռոտերդամում անցկացվելիք մրցույթի նոր կանոնները կապված են կորոնավիրուսային իրավիճակի և վարակի տարածման կանխարգելման հետ։  «Եվրատեսիլի» մասնակից երկրների պատվիրակություններին խորհուրդ կտրվի Նիդեռլանդներ մեկնելուց առաջ հինգ օրով ինքնամեկուսանալ։ Իսկ թռիչքից 72 ժամ առաջ կորոնավիրուսն ախտորոշող թեստ հանձնելը և դրա բացասական արդյունքի առկայությունը պարտադիր է։