Ռուս սահմանապահները Արարատի բնակիչներին պարգևատրել են սահմանախախտներին բռնելու հարցում նրանց օգնության համար

Ռուս սահմանապահները բնակիչներին պարգևատրել են սահմանախախտ որոնելիս օգնելու համար

862
(Թարմացված է 21:20 09.08.2018)
Արարատի մարզի բնակիչները օգնել են սահմանապահներին ժամանակին հայտնաբերել և ձերբակալել Աֆղանստանի և Բանգլադեշի քաղաքացիներին։

ԵՐԵՎԱՆ, 9 օգոստոսի — Sputnik.  Հայաստանում Ռուսաստանի Անվտանգության դաշնային ծառայության սահմանային վարչությունը պարգևատրել է հայ գյուղացիներին  հայ–թուրքական սահմանախախտներին հայտնաբերելու հարցում ցուցաբերած օգնության համար։

Արարատ քաղաքի վարչակազմում` Արտաշատի սահմանային ջոկատի պետ, գնդապետ Յուրի Ուրվանովը տեղի երեք բնակչի պարգևատրել է «60 տարի սահմանի պահպանման համար» հուշամեդալներով՝ ի նշան երախտագիտության սահմանախախտներին՝  Աֆղանստանի և Բանգլադեշի 5 քաղաքացիներին գտնելու և ձերբակալելու հարցում ցուցաբերած օգնության համար։

Գյուղացիներին, բացի շնորհված մեդալներից, նաև դրամական պարգևներ են տրվել։

Սահմանամերձ մարզի բնակիչները, սահմանի մերձակայքում հողի հետ աշխատելիս, զգոնություն են ցուցաբերել և օգնել սահմանապահներին հայտնաբերել սահմանախախտներին։ Նրանց օգնության շնորհիվ սահմանապահներն ավելի հեշտ և օպերատիվ են կարողացել բռնել հանցագործներին։

Начальник Арташатского погранотряда, полковник Юрий Урванов вручил медали жителям Араратской области за помощь пограничникам
© Sputnik / Asatur Yesayants
Начальник Арташатского погранотряда, полковник Юрий Урванов вручил медали жителям Араратской области за помощь пограничникам

Արարատի քաղաքապետ Հայկ Հայկյանին, որպես համայնքի ներկայացուցիչ, շնորհակալական նամակ է հանձնվել։

Ուրվանովը շնորհակալություն է հայտնել տեղի բնակիչներին օգնության համար` նշելով, որ  սահմանապահները շարունակում են իրականացնել սահմանի հուսալի պաշտպանությունը։

Նրա խոսքով` Արտաշատի սահմանապահ ջոկատի սահմանապահները կես տարվա ընթացքում ավելի քան տասնյակ սահմանախախտ են ձերբակալել, հիմնականում` Աֆղանստանից, ինչպես նաև Բանգլադեշից։

Հիշեցնենք, որ հուլիսի 25-ին ռուս սահմանապահները Աֆղանստանի 5 քաղաքացի էին ձերբակալել, որոնք փորձում էին Թուրքիայից ապօրինի կերպով Հայաստան ներխուժել։ Օգոստոսի 2-ին Թուրքիայի քաղաքացի էր ձերբակալվել, որի մոտ հայտնաբերվել էր բջջային հեռախոս, նրանում առկա պետական սահմանին տեղադրված ինժեներական շինությունների և արգելափակոցների լուսանկարների և տեսագրությունների ֆայլերով։ Եվս մեկ սահմանախախտ էլ (Բանգլադեշի քաղաքացի) ձերբակալվել էր օգոստոսի 7-ին։

862
թեգերը:
Ռուսաստան, Թուրքիա, Հայաստան
Ըստ թեմայի
Կանխել է թուրքերի դիվերսիան ու մահացել. սահմանապահի սխրանքը. լուսանկարներ
Ռուս սահմանապահները հայ-թուրքական սահմանին Թուրքիայի քաղաքացի սահմանախախտի են բռնել
Հայաստան են փորձել մտնել Աֆղանստանի 5 քաղաքացի. նրանց ձերբակալել են ռուս սահմանապահները
Փոխհրաձգություն ադրբեջանա–իրանական սահմանին. սահմանապահ է վիրավորվել
Փաշինյանի ոչ պատահական նշանակումը. ո՞վ է ԱԱԾ սահմանապահ զորքերի նոր հրամանատարը. ԶԼՄ