Գամփռ

Շնային մարտեր. կենդանիների պաշտպանները կպայքարեն շներին «կռվցնողների» դեմ

74
Ակտիվիստներն անհանգստացած են Երևանում շների բազմաթիվ կռիվների վերաբերյալ ահազանգերից։ Նրանք արդեն մշակում են «Կենդանիների պաշտպանության մասին» օրենքի նախագիծը։

ԵՐԵՎԱՆ, 9 օգոստոսի — Sputnik. Հայաստանի կենդանիների պաշտպանները նոր օրինագիծ են մշակում, ըստ որի կենդանիների հետ դաժան վարվելը քրեորեն պատժելի է դառնում կամ մեծ տուգանքի ենթարկվում։ Այս մասին այսօր մամուլի ասուլիսի ժամանակ ասաց «Դինգո թիմ» ՀԿ հիմնադիր նախագահ Օվսաննա Հովսեփյանը։

Նրա խոսքով` վերիջերս սոցիալական ցանցերում շան կռիվների լուսանկարներ են տարածվում։ Այդ կռիվներին հիմնականում մասնակցում են գամփռերն ու պիտբուլները։

Հովսեփյանը կարծում է, որ շան կռիվները կազմակերպիչների համար շահավետ բիզնես են դարձել, քանի որ հանդիսատեսի մեծ մասը դրույքներ է անում։ Բացի այդ, պատասխանատու մարմինները, տվյալ դեպքում` քաղաքապետարանը, փակում է աչքերն ու պնդում է, որ ոչ թե կռիվ է անցկացվում, այլ ցեղատեսակի փորձարկում։ Կենդանիների պաշտպանը վստահ է, որ նոր օրենքը կլուծի այդ խնդիրն ու կենդանիների կռիվներին վերջ կտրվեն։

«Իրավապահ մարմինները չեն կարող նրանց պատասխանատվության ենթարկել առանց փաստերի, որոնք ցավոք, շատ դժվար է ձեռք բերել», – ընդգծեց նա։

Կենդանիների հետ դաժան վարվելու համար օրենսդրությունը վարչական պատասխանատվություն է նախատեսվում։ Ակտիվիստ Գոհար Մանուշյանի խոսքով ` դա բավական չէ։ Անհրաժեշտ է մեծ տուգանքներ մտցնել, քանի որ գործող տուգանքները հանցագործներին չեն վախեցնում։ Նա մի քանի միջադեպ է ներկայացրել, երբ շներին այրել կամ ծեծել են։

Մանուշյանը կոչ արեց քաղաքացիներին զգոն լինել ու կենդանիների հետ դաժան վարվելու դեպքերին ականատես լինելու դեպքում հայտնել իրենց թիմին կամ լուսանկարել ու տեսագրել մասնակիցներին։ Նրա կարծիքով` միայն այդպես կարելի է գտնել ու պատժել հանցագործներին։

74
Ըստ թեմայի
Մարդու և մյուս կենդանիների զարմանալի ընկերություն
Հայ օգտատերերին զայրացրել է Երևանի «կենդանիների բանտը»
Ռուսաստանը սահմանափակեց Հայաստանից կենդանի թռչունների, ձկների և կենդանիների ներկրումը
Հովհաննիսյան. «Գեներալ Մանվելի վայրի կենդանիների մոտ առկա են հոգեկան բնույթի խնդիրներ»
Անհայտ անձը փորձել է ՀՀ տարածք թափանցել կենդանիների համար նախատեսված սողանցքով