Հայ դպրոցականները

Հայ դպրոցականները մեդալներ են բերում հայրենիք. պատանի մաթեմատիկոսների հաղթարշավը

186
Հայաստանի բոլոր մասնակիցները մեդալների են արժանացել։

ԵՐԵՎԱՆ, 13 հուլիսի — Sputnik. Ռումինիայի Քլուջ-Նաբոկա քաղաքում «Մաթեմատիկա» առարկայի օլիմպիադային մասնակցած հայ դպրոցականները մեդալներով են վերադառնում հայրենիք։ Այս մասին հայտնում է ՀՀ կրթության և գիտության նախարարության մամուլի ծառայությունը։

Հայաստանի դպրոցականների թիմի բոլոր վեց մասնակիցներն արժանացել են մեդալների՝ երկու արծաթե և չորս բրոնզե:

Արծաթե մեդալի են արժանացել Վահան Մարտիրոսյանն ու Ալեքսանդր Կարալյանը, իսկ բրոնզե մեդալակիր են դարձել Լյովա Փանոսյանը, Գագիկ Մաղաքյանը, Նատալի Մուրադյանն ու Տիգրան Չթչյանը:

Օլիմպիադային մասնակցել են 108 երկրի թիմ՝ 594 մասնակիցներով:

Մաթեմատիկայի օլիմպիադան անցկացվել է հուլիսի 7-13-ը Ռումինիայում։

186
թեգերը:
Հայաստան