Երևանյան շոգին էլ կարելի է նորաձև հագնվել․ 2018-ի ամառվա նորաձևության միտումները
(Թարմացված է 18:42 30.06.2018)
Ամառվա ամենաթեժ շրջանն է։ Մի կողմից չես ուզում հետ մնալ նորաձևությունից, մյուս կողմից էլ պետք է եղանակին համապատասխան հագնվել՝ շոգին դիմանալու համար։Լիլիթ Հարությունյան, Sputnik Արմենիա
Շոգ եղանակին համապատասխան հագնվելու մի քանի կանոն կա։ Նախ պետք է հրաժարվել արհեստական գործվածքներից ու նախապատվությունը տալ բամբակին կամ վուշին։ Հագուստը պետք է լինի ոչ թե նեղ, այլ ազատ։ Ինչ վերաբերում է գույնին, ապա այս հարցում կարծիքները տարբեր են. մինչև վերջերս համարվում էր, որ ամռանը պետք է բացառապես բաց երանգներ ընտրել, բայց Կատալոնիայի համալսարանի գիտնականները մի քանի տարի առաջ հայտարարեցին, որ հագեցած մուգ գույներն ավելի լավ են կլանում ուլտրամանուշակագույն ճառագայթները։
Из личного архива Г.Арояна
Այս տարվա միտումները, մի քանի բացառությամբ, համապատասխանում են թվարկած կանոններին։ Sputnik Արմենիայի թղթակցի հետ զրույցում նորաձևության ոլորտի բլոգեր, «Armenian Brands»-ի ղեկավար, Mashroom բյութի-բլոգի հիմնադիր Մարիաննա Քաբաբյանն ասաց, որ 90-ակաների նորաձև ոճն արդեն մի քանի սեզոն է` չի կորցնում իր արդիականությունը։
«Մի կողմից արդիական է սպորտային ոճը, նաև սպորտային ոճի ու բարձրակրունկ կոշիկների համադրությունը, մյուս կողմից էլ կանացի կերպարները, որոնք ես անվանում եմ Մարի Անտուանետի ոճ։ Դրանք լայն ծալքերով զգեստներ են, որոնք ավելի շատ հիշեցնում են XVIII-XIX դարերի ներքնազգեստը` մեղմ գույներով, ժանյակներով», — ասում է նա ու ավելացնում, որ այդպիսի հագուստը կարելի է համադրել ինչպես սպորտային, այնպես էլ բարձրակրունկ կոշիկների հետ, եթե երեկոյան հասարակական որևէ միջոցառման մասնակցելու առիթ լինի։ Միաժամանակ, Մարիաննայի խոսքով, ամռանը միշտ արդիական են վառ գույները` վարդագույնի ջերմ երանգները, «ֆուկսիան», կանաչը, դեղինը և, իհարկե, տարատեսակ պրինտերը։
«Դիզայներներից շատերն են պրինտեր օգտագործում` կոչ անելով պահպանել բնությունը։ Արդիական են նաև երկրաչափական պրինտերը, պուտերով շրջազգեստները, որոնց շնորհիվ կարելի է շատ կանացի կերպարներ ստեղծել։ Բացի այդ, կարելի է տարբերվել նաև միագույն հագուստով», — ասում է բլոգերը։
Թեև ամառն ասոցացվում է ծովի հետ, Մարիաննան կոչ է անում չմոռանալ, որ Երևանը ծովային քաղաք չէ ու լողափնյա հագուստն այստեղ անտեղի է։ Տեղին չեն նաև ծովային ոճի աքսեսուարները։
Բլոգերն ասում է, որ ավելի ոճային են մեծ աքսեսուարները և չոկերները։ Միաժամանակ պետք է հիշել, որ արևի ազդեցության տակ դրանք կարող են գրգռել մաշկը. ավելի լավ է` ցերեկային ժամերին խուսափել խոշոր զարդերից և դրանք պահել երեկոյի համար։
Կոշիկների դեպքում նորաձև է մյուլին։
«Իսկ արևից կարելի է պաշտպանվել տարբեր գլխարկներով, որոնք այսօր շատ արդիական են։ Դրանք կարելի է համադրել ինչպես կիսաշրջազգեստների, այնպես էլ տաբատների հետ։ Օրինակ, ծղոտե գլխարկների օգնությամբ կարելի է շատ ոճային կերպարներ ստեղծել», — ասում է ա։
Ինչ վերաբերում է տղամարդկանց նորաձևությանը, ապա ոճաբանների կարծիքով, ամենանորաձև գույնը սպիտակն է, որը համադրվում է ցանկացած այլ երանգների հետ։ Շատ տարածված է «միլիթարին», որը առնականություն է հաղորդում կերպարին։
Շոգին հատկապես հարմար են թեթև տաբատներն ու բամբակե վերնաշապիկները։
Մի քիչ կտաքանա. եղանակի տեսություն
(Թարմացված է 14:44 02.03.2021)
Օդերևութաբանները ներկայացրել են առաջիկա օրերի եղանակային կանխատեսումները Հայաստանի և Արցախի համար։ ԵՐԵՎԱՆ, 3 մարտի – Sputnik. Հանրապետության տարածքում մարտի 3-4-ը, 6-ին, 7-ի գիշերը սպասվում է առանց տեղումների եղանակ։
Մարտի 5-ին հարավային շրջաններում, 7-ին կեսօրից հետո շրջանների զգալի մասում սպասվում են տեղումներ, լեռնային և նախալեռնային շրջաններում ձյան տեսքով։
Փաշինյանը հակասում է ինքն իրեն. վարչապետի 2020 և 2021թթ–ի հայտարարությունները. տեսանյութ
Տեղեկությունը հայտնում են ՀՀ ԱԻՆ «Հիդրոմետ» ծառայությունից` հավելելով, որ քամին հարավ-արևմտյան է՝ 5-10 մ/վ արագությամբ:
Օդի ջերմաստիճանը մարտի 2-6-ի ցերեկն աստիճանաբար կբարձրանա 5-6 աստիճանով։
Երևան քաղաքում՝ մարտի 2-ի ցերեկը սպասվում է թույլ ձյուն, 7-ի երեկոյան ժամերին սպասվում անձրև։ Մարտի 3-6-ը, 7-ի գիշերը սպասվում է առանց տեղումների եղանակ։
Գերիների հարցը կքննարկվի ԱԺ դռնփակ նիստում, Ադրբեջանին ուղղված հայտարարություն կընդունվի
Մայրաքաղաքում մարտի 3–ի գիշերը կլինի -1...-3 աստիճան ցուրտ, իսկ ցերեկային ժամերին կգրանցվի 9-11 աստիճան տաքություն։
թեգերը:
թեմա:
Գոհար Ավետիսյանը կատարել է հոր երազանքը. դիմահարդարը հուզիչ տեսանյութ է հրապարակել
(Թարմացված է 19:41 02.03.2021)
Հոր 60-ամյակի կապակցությամբ Գոհար Ավետիսյանը որոշել է անակնկալ մատուցել` նրան թանկարժեք մի նվեր մատուցելով։ԵՐԵՎԱՆ, 2 մարտի - Sputnik. Հայտնի դիմահարդար Գոհար Ավետիսյանը կատարել է հոր երազանքը և 338.500 դոլար արժողությամբ մեքենա նվիրել նրան։ Ավետիսյանն Instagram-ի իր էջում հուզիչ տեսանյութ է հրապարակել այդ մասին։
©
Sputnik / Laura Sarkisyan
«Այս տարի լրանում է հայրիկիս 60-ամյակը։ Նա իր ողջ կյանքում ամեն ինչ արել է, որ մենք ոչ մի բանի կարիք չունենանք։ Միայն 40 տարեկանում է գնել իր առաջին մեքենան։ Ես գիտեի, որ հայրս երազում է թանկարժեք այս մեքենան ունենալ, սակայն նա իրեն թույլ չէր տա այն գնել»,–ասում է Ավետիսյանը։
Նա փակում է հոր աչքերն ու նրան տանում այնտեղ, ուր կայանած է նրա երազանքի մեքենան։ Հայրը շատ է ուրախանում` խոստովանելով, որ նման շքեղություն իրեն թույլ չէր տա։ Դիմահարդարի հայրը, նստելով մեքենայի ղեկին, անգամ հուզվում է։
View this post on Instagram
Ավետիսյանը կոչ է անում ամեն ինչ անել ու շատ վաստակել, որպեսզի ծնողների երազանքներն իրականանան։
©
Sputnik / Владимир Трефилов
Հիշեցնենք`Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ աղջիկն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։
16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիայի տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, նա ստիպված է եղել թողնել ուսումը։
Եթե ինչ-որ բան ամբողջ սրտով ուզում ես, անպայման իրականանում է. Գոհար Ավետիսյան
Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։