Շոգից պաշտպանվելու համար մնում է ջուր գտնել. երևանցիները բողոքում են «Վեոլիա Ջրից»
(Թարմացված է 14:21 30.06.2018)
Երևանցիները դժգոհում են` օրվա ամենաշոգ ժամերին զրկված են խմելու ջրից։ «Վեոլիա Ջուրը» խորհուրդ է տալիս զանգել թեժ համարով։ԵՐԵՎԱՆ, 30 հունիսի — Sputnik. Հայաստանում մոլեգնող շոգից պաշտպանվելու համար մասնագետների հիմնական խորհուրդը սառը ջուրն է։ Sputnik Արմենիայի ընթերցողների համար, սակայն, այս խորհուրդը վրդովմունքի առիթ է դարձել։ Նրանք պնդում են, որ ամռան շոգին ժամերով, երբեմն նույնիսկ ամբողջ օրերով զրկված են լինում ջրամատակարարումից։
©
Sputnik / Asatur Yesayants
Մարիա Միսկարյանը պնդում է, որ իրենց թաղամասում օրվա ամենաշոգ ժամերին արդեն մի քանի օր է, ինչ ջրամատակարարումը դադարեցվում է։
Աննա Հովսեփյանն էլ նշում է, որ Սայաթ-Նովա փողոցում ջրամատակարարումը դադարեցվել է` առանց բնակիչներին նախապես այդ մասին իրազեկելու։ Նույն բողոքն են ներկայացնում նաև Էրեբունի համայնքի և Արշակունյաց պողոտայի բնակիչները։
Դե իսկ Արաբկիրի որոշ հատվածներում, ըստ մեր ընթերցողների, արդեն շուրջ 1 շաբաթ ջուր պարբերաբար չի լինում։
«Վեոլիա Ջուր» ընկերությունում բնակիչներին խորհուրդ են տալիս նման դեպքերում զանգահարել 1-85 հեռախոսահամարով` պարզելու համար, թե ինչն է ջրամատակարարման դադարեցման պատճառն ու երբ այն կվերականգնվի։
«Երբ ջուրը կտրվում է ժամերով, օրերով զանգահարում ենք այդ հեռախոսահամարով, մշտապես այդ համարը չի աշխատում»,- ասում է բնակիչը` «Վեոլիա Ջուր» ընկերությանը խորհուրդ տալով երբեմն լսել 1-85 համարին արված զանգերի ձայնագրություններն ու գնալ դրանցում նշված բողոքների հետքերով։
Երևանցիների խոսքով, եթե նույնիսկ հաջողվում է ի վերջո կապ հաստատել օպերատորի հետ, միակ պատասխանը վթարն է, ինչին իրենք չեն հավատում։
«Ինչպե՞ս կարող է երկու օրը մեկ, նույն ժամին, նույն տեղում վթար լինել»,- ասում է մեր զրուցակիցը։
«Վեոլիա Ջուր» ընկերության մամուլի պատասխանատու Մուրադ Մուրադյանը ևս մեր հարցին ի պատասխան դժգոհ սպառողներին խորհուրդ տվեց զանգահարել նույն հեռախոսահամարով։ Իսկ երբ մենք փոխանցեցեինք մեր ընթերցողների դժգոհությունն ու բողոքները` նշելով նաև նրանց հասցեները, ասաց. «Ես լրատվամիջոցներով եմ զբաղվում, ոչ բողոքներով։ Բայց քանի որ դուք ինձ զանգել եք, ես կարող եմ ձեր ընթերցողների վրդովմունքը փոխանցել սպասարկման պատասխանատուին»։
2017 թվականի հունվարի 1-ից «Վեոլիա Ջուր» ընկերությունը Հայաստանի Հանրապետության խմելու ջրամատակարարման և ջրահեռացման համակարգերի միակ միասնական օպերատորն է։ Պայմանագիրը ՀՀ կառավարության հետ կնքվել 15 տարի ժամկետով։
Մինչ այդ «Վեոլիա Ջուրը» միայն Երևան քաղաքի օպերատորն էր։
Հայաստանում գործող «Վեոլիա Ջուր» ընկերության սեփականատերը ֆրանսիական «Վեոլիա» ընկերությունն է։
Մի քիչ կտաքանա. եղանակի տեսություն
(Թարմացված է 14:44 02.03.2021)
Օդերևութաբանները ներկայացրել են առաջիկա օրերի եղանակային կանխատեսումները Հայաստանի և Արցախի համար։ ԵՐԵՎԱՆ, 3 մարտի – Sputnik. Հանրապետության տարածքում մարտի 3-4-ը, 6-ին, 7-ի գիշերը սպասվում է առանց տեղումների եղանակ։
Մարտի 5-ին հարավային շրջաններում, 7-ին կեսօրից հետո շրջանների զգալի մասում սպասվում են տեղումներ, լեռնային և նախալեռնային շրջաններում ձյան տեսքով։
Փաշինյանը հակասում է ինքն իրեն. վարչապետի 2020 և 2021թթ–ի հայտարարությունները. տեսանյութ
Տեղեկությունը հայտնում են ՀՀ ԱԻՆ «Հիդրոմետ» ծառայությունից` հավելելով, որ քամին հարավ-արևմտյան է՝ 5-10 մ/վ արագությամբ:
Օդի ջերմաստիճանը մարտի 2-6-ի ցերեկն աստիճանաբար կբարձրանա 5-6 աստիճանով։
Երևան քաղաքում՝ մարտի 2-ի ցերեկը սպասվում է թույլ ձյուն, 7-ի երեկոյան ժամերին սպասվում անձրև։ Մարտի 3-6-ը, 7-ի գիշերը սպասվում է առանց տեղումների եղանակ։
Գերիների հարցը կքննարկվի ԱԺ դռնփակ նիստում, Ադրբեջանին ուղղված հայտարարություն կընդունվի
Մայրաքաղաքում մարտի 3–ի գիշերը կլինի -1...-3 աստիճան ցուրտ, իսկ ցերեկային ժամերին կգրանցվի 9-11 աստիճան տաքություն։
թեգերը:
թեմա:
Գոհար Ավետիսյանը կատարել է հոր երազանքը. դիմահարդարը հուզիչ տեսանյութ է հրապարակել
(Թարմացված է 19:41 02.03.2021)
Հոր 60-ամյակի կապակցությամբ Գոհար Ավետիսյանը որոշել է անակնկալ մատուցել` նրան թանկարժեք մի նվեր մատուցելով։ԵՐԵՎԱՆ, 2 մարտի - Sputnik. Հայտնի դիմահարդար Գոհար Ավետիսյանը կատարել է հոր երազանքը և 338.500 դոլար արժողությամբ մեքենա նվիրել նրան։ Ավետիսյանն Instagram-ի իր էջում հուզիչ տեսանյութ է հրապարակել այդ մասին։
©
Sputnik / Laura Sarkisyan
«Այս տարի լրանում է հայրիկիս 60-ամյակը։ Նա իր ողջ կյանքում ամեն ինչ արել է, որ մենք ոչ մի բանի կարիք չունենանք։ Միայն 40 տարեկանում է գնել իր առաջին մեքենան։ Ես գիտեի, որ հայրս երազում է թանկարժեք այս մեքենան ունենալ, սակայն նա իրեն թույլ չէր տա այն գնել»,–ասում է Ավետիսյանը։
Նա փակում է հոր աչքերն ու նրան տանում այնտեղ, ուր կայանած է նրա երազանքի մեքենան։ Հայրը շատ է ուրախանում` խոստովանելով, որ նման շքեղություն իրեն թույլ չէր տա։ Դիմահարդարի հայրը, նստելով մեքենայի ղեկին, անգամ հուզվում է։
View this post on Instagram
Ավետիսյանը կոչ է անում ամեն ինչ անել ու շատ վաստակել, որպեսզի ծնողների երազանքներն իրականանան։
©
Sputnik / Владимир Трефилов
Հիշեցնենք`Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ աղջիկն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։
16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիայի տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, նա ստիպված է եղել թողնել ուսումը։
Եթե ինչ-որ բան ամբողջ սրտով ուզում ես, անպայման իրականանում է. Գոհար Ավետիսյան
Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։