Ֆիտոլայթ

«Արև» բույսերի համար. հայ գյուտարարի հայտնագործությունը կարող է օգնել ֆերմերներին

263
Երիտասարդ գիտնական Գևորգ Հովհաննիսյանը չորս տարի տքնել է ու ստեղծել բույսերի աճն արագացնող լուսակալը։ «Ֆիտոլայթ» կոչվող սարքը գրեթե պատրաստ է, մնում է կատարելագործել։

Ժաննա Պողոսյան, Sputnik Արմենիա

Գևորգ Հովհաննիսյանը ծնվել է Հայաստանի հյուսիսում` Արթիկում, և մանկուց զգացել է արևի ջերմության պակասը։ Երբ հանրապետության մյուս մարզերում մարդիկ գումար էին վաստակում գյուղատնտեսությամբ, մասնավորապես բուսաբուծությամբ զբաղվելով, Շիրակի բնակիչները կարող էին հույս դնել լավագույն դեպքում ջերմոցների վրա։ Ու այսպես ծնվեց Գևորգ Հովհաննիսյանի` սեփական արև ստեղծելու երազանքը։

Նա ավելի քան չորս տարի աշխատել է իր հայտնագործության վրա, և ահա նոր սարքը պատրաստ է։ Լամպը կոչել են «Ֆիտոլայթ»` հին հունարեն «ֆիտո» բառից, որը թարգմանաբար նշանակում է «բույս»։

«Մեր լամպերի տակ բույսերն ավելի արագ կաճեն ոչ միայն ջերմոցներում, այլև մութ տարածքներում։ Ֆիտոլայթի մեջ տեղադրված են հատուկ չիպեր` լուսադիոդներ, որոնք 12 տարբեր գույն են արտացոլում։ Բույսը լամպից «վերցնում» է այն գույները, որոնք հարկավոր են աճի համար, այսինքն ֆոտոսինթեզ է տեղի ունենում», — ասում է գյուտարարը։

Տասներկու գույների միաձուլումը վերածվում է վառ մանուշակագույն երանգի, որը, սակայն, որևէ կապ չունի ուլտրամանուշակագույնի հետ։

29 տարեկան Գևորգն իսկական գիտնական է, նա խոսում է փաստերի ու եզրույթների լեզվով, բայց նրա խոսքում, միևնույնն է, հայտնվում են բառեր, որոնք բացահայտում են նրա «ծնողական» սերը Ֆիտոլայթի հանդեպ։

  • «Ֆիտոլայթի» տակ աճած բույսերը
    «Ֆիտոլայթի» տակ աճած բույսերը
    © Photo : provided by G.Hovhannisyan
  • «Ֆիտոլայթի» տակ աճած բույսերը
    «Ֆիտոլայթի» տակ աճած բույսերը
    © Photo : provided by G.Hovhannisyan
  • Ֆիտոլայթ
    Ֆիտոլայթ
    © Photo : provided by G.Hovhannisyan
1 / 3
© Photo : provided by G.Hovhannisyan
«Ֆիտոլայթի» տակ աճած բույսերը

Սարքը հայտնագործելուց առաջ Գևորգը հիմնականում զբաղվել է սովորական լամպերով. հավաքել է, նորոգել դրանք։ Մինչև հիմա էլ աշխատում է Երևանի Ֆիզիկայի ինստիտուտում։

«Դեռ վաղ է ասել` Ֆիտոլայթը փոխեց կյանքս, թե ոչ, բայց ես ու իմ թիմը հույս ունենք, որ լամպերը շատ մարդկանց կյանք կփոխի», — ժպիտով ասում է նա։

Գևորգն ամենաառաջին փորձերն արել է սովորական սամիթի վրա, հետո տեխնոլոգիան ստուգել է այլ բույսերի ու բանջարեղենի վրա։ Վերջնական նպատակին հասել է 2016 թվականին, երբ կարտոֆիլը լույսի ազդեցության տակ սկսել է գրեթե 40%-ով արագ աճել։

Գևորգը սարքի ապագայի հետ կապված բազում նախագծեր ունի։ Փորձերը դեռ շարունակվում են. նա ուզում է հզորացնել լամպը։ Գևորգի թիմը մտածում է դիոդներ արտադրելու մասին, որովհետև Հայաստանում ոչ ոք չի արտադրում, ու նրանք ստիպված պատվիրում են Չինաստանից։

«Եթե կարողանայինք սեփական դիոդները ստեղծել, մեր կյանքը շատ կհեշտանար», — կարծում է երիտասարդ գիտնականը։

«Ֆիտոլայթ» լամպը դեռ հստակ գին չունի։ Տեխնիկական հարցերի վերջնական լուծումից հետո լուսակալը կհայտնվի շուկայում, ընդ որում` ոչ միայն հայկական, այլև համաշխարհային։

263
թեգերը:
Հայաստան
Ըստ թեմայի
Գամարջոբա կամ բարև ձեզ. ինչպիսի՞ն են հայկական գինու զարգացման հեռանկարները
«Հարազատ օձերի» համար. Հայաստանում կովկասյան գյուրզայի դեմ նոր հակաթույն են ստեղծում
Հայաստանում ապրած ռազմագերին. ինչպես Լորենցը Նոբելյան մրցանակի հասավ ճամբարների միջով
Ֆրիտյոֆ Նանսենի անվան գիշերօթիկ հաստատություն

Գյումրիում կորոնավիրուսի նոր օջախ է հայտնաբերվել. թիրախում մանկատան սաներն են

26
(Թարմացված է 16:48 10.07.2020)
ՀՀ աշխատանքի և սոցիալական հարցերի նախարարությունը վստահեցնում է, որ անհանգստանալու պատճառ չկա։

ԵՐԵՎԱՆ, 10 հուլիսի – Sputnik. Գյումրու «Ֆրիտյոֆ Նանսենի անվան երեխաների խնամքի և պաշտպանության» թիվ 2 գիշերօթիկ հաստատությունում կորոնավիրուսի դեպքեր են գրանցվել։ Տեղեկությունը Sputnik Արմենիայի հետ զրույցում հաստատեց ՀՀ աշխատանքի և սոցիալական հարցերի նախարարի մամուլի քարտուղար Սոնա Մարտիրոսյանը։

«Այս պահին թեստերի դրական արդյունքներ ունեն 10 սաներն ու 5 աշխատակիցները։ Բացառությամբ 1 աշխատակցի, որը շաքարային դիաբետ ունի և գտնվում է ռիսկային գոտում, մյուսների մոտ հիմնականում հիվանդության անախտանիշ ընթացք է: Բոլորի վիճակը լավ է։ Անհանգստանալու առիթ չկա»,-ասաց նա` ավելացնելով, որ այս պահին հոսպիտալացված հիվանդ չկա:

Մարտիրոսյանը դժվարացավ ասել, թե ինչպես վարակը տարածվել հաստատությունում։

«Հիմա գրեթե արդեն անվերահսկելի է։ Հնարավոր չէ ասել, թե որտեղից է տարածվել»,– նշեց նա։

Այս պահին հաստատությունում անհրաժեշտ քայլեր են իրականացվում հակահամաճարակաբանների հետ։

Նիդեռլանդները Հայաստանին 200 000 եվրո է հատկացրել կորոնավիրուսի դեմ պայքարի համար

Գյումրու Ֆրիտյոֆ Նանսենի անվան երեխաների խնամքի և պաշտպանության թիվ 2 գիշերօթիկ հաստատությունը կառավարության որոշմամբ լուծարվեց հունիսի 25-ին: Մինչ այս, հաշվի առնելով երկրում հայտարարված արտակարգ դրությունը, հաստատությունն անցել էր փակ ռեժիմի: Հաստատության շահառու հանդիսացող 80 երեխաներից այս պահին հաստատությունում գիշերում են 21-ը: Ֆրիտյոֆ Նանսենի անվան երեխաների խնամքի և պաշտպանության թիվ 2 գիշերօթիկ հաստատությունում էին մնացել միայն հունվարին լուծարված «Թռչունյան տան» սաները: Բոլորն ունեն նույն կարգավիճակը՝ առանց ծնողական խնամքի մնացած (ԱԾԽՄ):

Կորոնավիրուսի հետևանքով 11 մահվան դեպք է գրանցվել. ամենաերիտասարդը 51 տարեկան է

26
թեգերը:
կորոնավիրուս, Գյումրի, Հայաստան
թեմա:
Կորոնավիրուսը Հայաստանում և Արցախում
Ջորջ Քլունի

Ջորջ Քլունին զբոսանքի է դուրս եկել զավակներից մեկի հետ. պապարացիները «որսացել» են նրանց

21
(Թարմացված է 16:23 10.07.2020)
Պապարացիները հազիվ են ճանաչել Հոլիվուդի սեքս խորհրդանիշներից մեկին․ դերասանը փողոցում է հայտնվել անսովոր տեսքով և առաջին անգամ ցուցադրել որդուն։

ԵՐԵՎԱՆ, 10 հուլիսի – Sputnik. Ամերիկացի դերասան Ջորջ Քլունին զբոսանքի է դուրս եկել որդու հետ․ համացանցում հրապարակվել են 3 տարեկան Ալեքսանդրի և հոր լուսանկարները։

2020 թ․-ի սկզբից Քլունիները դարձել են Հոլիվուդի ամենագաղտնապահ ու փակ ընտանիքներից մեկը։ Համացանցում երբեմն երևում էին լուսանկարներ կամ տեսանյութեր Ամալ Քլունիի աշխատանքային գործունեությունից, երբեմն էլ՝ Ջորջի անհատական ելույթները։ Ինչ վերաբերում է հանրության մեջ համատեղ երևալուն կամ երեխաների հետ ընտանեկան լուսանկարներին, ապա հասարակությունը նման բան տեսնելու հնարավորություն դեռ չի ունեցել։

Պապարացիները Քլունիին «որսացել» են ինքնամեկուսացման ավարտից հետո․ դերասանը որոշել է որդու՝ Ալեքսանդրի հետ զբոսանքի դուրս գալ նրան ակնաբույժի մոտ տանելու համար։

Посмотреть эту публикацию в Instagram

Публикация от HELLO! Russia (@hello__ru)

Այդպիսով երկար ընդմիջումից հետո համաշխարհային լրատվամիջոցների տրամադրության տակ է հայտնվել Քլունիների երկվորյակ երեխաներից մեկի լուսանկարը։ Աչքի է ընկել նաև աստղային հայրիկը․ լուսանկարներում դերասանն իր մշտական էլեգանտ կոստյումով չէ, այլ ջինսով, հարմարավետ շապիկով և դիմակի փոխարեն դեմքին կապված շարֆով։

Սոցիալական ցանցերի օգտատերերը միաձայն եզրակացրել են, որ փոքրիկ Ալեքսանդրը շատ նման է իր հայտնի հայրիկին։

Ջորջ և Ամալ Քլունիների երկվորյակները` Ալեքսանդրն ու Էլլան, ծնվել են 2017 թվականին։

Քլունին ապագա կնոջ հետ ծանոթացել է իր առանձնատանը։ Ամալին իր հետ ընթրիքի է բերել դերասանի ընկերը։ Նրանք առաջին հայացքից հավանել են միմյանց։ Ջորջի հայրը՝ Նիքը, նույնպես ներկա է եղել այդ հանդիպմանը և ասել, որ ինքը միանգամից հասկացել է` որդին հանդիպել է իր երկրորդ կեսին։

Ջորջ Քլունին Հայաստանում է եղել 2016 թվականին` «Ավրորա» մրցանակը հանձնելու նպատակով: Նա այցելել է ցեղասպանության զոհերի հուշահամալիր, որտեղ ծաղիկներ է դրել:

Ինչպես ծնվեց Քլունիների սերը. երկար լռելուց հետո գաղտնիքը բացահայտեց ամուսինը

21
թեգերը:
Լուսանկար, երեխա, Ջորջ Քլունի
Ըստ թեմայի
Հարրին ու Մեգանն առաջ են անցել Քիմից ու Քանյեից․ վերջին տասնամյակի ամենաթանկ հարսանիքները
Բրեդ Փիթը կզրկվի՞ երեխաների հետ շփումից. ինչ կապ ունի Քարդաշյան ընտանիքը
Հայտնի է` ով է աշխարհի ամենագեղեցիկ տղամարդը