ԵՐԵՎԱՆ, 30 մայիսի — Sputnik. Երևանի պետական համալսարանի ռեկտոր Արամ Սիմոնյանի առողջության վատթարացման պատճառով ուսանողները դադարեցնում են դասադուլը։ Այս մասին Sputnik Արմենիային հայտնեց «ԵՊՀ Ռեստարտ» նախաձեռնության անդամ Դավիթ Պետրոսյանը։

«Հաշվի առնելով, որ Արամ Սիմոնյանի առողջությունը վատացել է, մենք`ի աջակցություն, դադարեցրել են բողոքի ակցիաները` գործադուլները, դասադուլները։ Բայց գիտխորհրդի դահլիճը շարունակում է մնալ ազատագրված ուսանողական տարածք: Ուսանողներն են գալիս պարապելու, դասախոսներն են գալիս, քննարկումներ են անում, խոսում են խնդիրների մասին, մինչև տեսնենք` իրադարձություններն ինչպես են զարգանում»,- ասաց նա։

Նշենք, որ թեև բողոքի ակցիայի կազմակերպիչները դասադուլը դադարեցնելու մասին հայտարարություն են տեղադրել նաև սոցիալական կայքերի իրենց էջերում, բայց համալսարանի ֆակուլտետներում դասապրոցեսները հիմնականում խափանված են։ Ուսանողներից շատերը ֆակուլտետների մասնաշենքերում են, բայց լսարան չեն մտնում։

© Sputnik / Asatur Yesayants

Ի՞նչ վիճակում է հիվանդանոց տեղափոխված ռեկտորը

ԵՊՀ Ժուռնալիստիկայի ֆակուլտետի մի խումբ ուսանողներ Sputnik Արմենիայի թղթակցի հետ զրույցում հայտնեցին, որ առավոտից համալսարանում են, բայց դասի չեն նստել, փոխարենը պատրաստվում են գնալ կենտրոնական մասնաշենք, միանալ գիտխորհրդի դահլիճում հավաքվածներին։

Հիշեցնենք, որ երեկ Երևանի պետական համալսարանում «ԵՊՀ ռեստարտ» նախաձեռնությունը բողոքի ակցիա անցկացրեց։ Ակցիայի մասնակիցները պահանջում էին, որ ռեկտոր Արամ Սիմոնյանը հրաժարական տա, հոգաբարձուների խորհուրդը լուծարվի, համալսարանում աուդիտ անցկացվի և ժամանակավորապես դադարեցվի ուսխորհրդի և արհմիության գործունեությունը:

Ռեկտորը հանդիպեց դասադուլ հայտարարած ուսանողների հետ` նշելով, որ իր հրաժարականի պահանջն իրավաչափ չէ:

Ի նշան բողոքի` ուսանողները փակեցին դահլիճի դուռը, ինչի հետևանքով ռեկտորի ինքնազգացողությունը վատացավ։

Նույն օրը երեկոյան Արամ Սիմոնյանին տեղափոխել են հիվանդանոց:

Կարեն Վրթանեսյանի դիտարկմամբ` իրականում Ադրբեջանը 44-օրյա պատերազմից հետո որևէ կերպ չի դադարեցրել ռազմաշունչ հռետորաբանությունը, շատ արագ համալրում է ռազմական կորուստները, գնում է նոր սպառազինություն, վերախմբավորում է զինված ուժերը։ Ըստ նրա` ակնհայտ է, որ Ադրբեջանը չի համարում պատերազմն ավարտված և պատրաստվում է հաջորդ լայնածավալ ռազմական գործողություններին։

© Photo : official site of the Ministry of Foreign Affairs of the RA

«Զանգեզուրով` Ադրբեջանի պատմական տարածքով» անցնող միջանցք չկա. ՀՀ ԱԳՆ-ն պատասխանել է Ալիևի

«Ընդհանրապես մեր անվտանգության ամբողջ համակարգը կաթվածահար վիճակում է։ Այնպիսի տպավորություն է, որ ՊՆ–ի ու ԱԱԾ–ի լրատվական բաժիններն ավելի շատ Ադրբեջանի շահերն են պաշտպանում, քան Հայաստանի քաղաքացիների։ Մանավանդ բանակի և Նիկոլ Փաշինյանի միջև վերջին կոնֆլիկտը միանշանակորեն լավ չէ ընդհանուր անվտանգության համատեքստում։ Այն, ինչ կատարվում է պատերազմից հետո, պետք է ընթանար բոլորովին այլ ճանապարհով։ Նույնիսկ մի կողմ թողնելով այն հարցը, որ երկիրը պարտության տարած թիմը պետք է հրաժարական տար, մենք շատ արագ պետք է զբաղվեինք մեր բանակի վերազինմամբ, կորուստների վերականգնմամբ, նորությունների մշակմամբ»,– նշեց ռազմական փորձագետը։

Վրթանեսյանի կարծիքով` պատերազմից հետո մեր անվտանգային համակարգն ու բանակը թողնվեցին ինքնահոսի` դրանից բխող բոլոր ռիսկերով։

Անդրադառնալով ՀՀ երկրորդ նախագահ Ռոբերտ Քոչարյանի տեսակետին, որ բանակի վերականգնման համար անհրաժեշտ կլինի 3 միլիարդ դոլար, Վրթանեսյանն ընդգծեց, որ իրենց թիմի ու նախկին նախագահի հաշվարկները գրեթե նույնն են, և այդ գումարն անհրաժեշտ է մեր զինված ուժերը գոնե մինչպատերազմյան վիճակի բերելու համար։

«Բայց հաշվի առնենք, որ նաև շատ մեծ քանակով ռազմական ենթակառուցվածքներ են ոչնչացվել կամ հանձնվել թշնամուն` սկսած զորամասերից, վերջացրած դիրքերով։ Պետք է նորից իրականացվեն ամրաշինական աշխատանքներ, կառուցվեն ճանապարհներ, իսկ որոշ տեղերում ենթակառուցվածքները պետք է հիմնվեն զրոյից»,– նշեց ռաազմական փորձագետը։

Շուշիում ադրբեջանցի վանդալները պղծել են Հովհաննես Թևոսյանի կիսանդրին. տեսանյութ

Վրթանեսյանի խոսքով` վերջին պատերազմը ցույց տվեց, որ պետք է շատ արագ զարգացնել բանակը` այդ ուղղությամբ կատարելով անհրաժեշտ գնումներ, մասնավորապես՝ պետք է ձեռք բերել ԱԹՍ–ներ։ Ըստ նրա` մեզ պետք են ավելի մեծ գումարներ, որպեսզի փորձենք ոչ միայն բալանսի բերել բանակը, այլև որոշակի գերակայություն ապահովել։