Հանրապետության հրապարակ

Հայերի «հեղափոխական սելֆիները» գրավում են սոցցանցերը. լուսանկարներ

669
(Թարմացված է 17:11 03.05.2018)
Վերջին օրերին սոցիալական ցանցերում գերիշխում էին «հեղափոխական» նկարները։ Մարդիկ պայքարում էին իրենց ուզած ապագայի համար և այդ ընթացքում հասցնում էին նաև սելֆի անել։

ԵՐԵՎԱՆ, 3 մայիսի — Sputnik. Instagram սոցցանցի օգտատերերն արդեն ավելի քան երկու շաբաթ Երևանի և Հայաստանի մյուս քաղաքներում բողոքի ակցիաների ժամանակ փողոցում արված լուսանկարներ, տեսանյութեր և սելֆիներ են հրապարակում։ Սա հիանալի միջոց է աշխարհին ցույց տալու համար, որ բողոքի ակցիաները երկրում բացառապես խաղաղ բնույթ են կրում։

Sputnik Արմենիան մի քանի լուսանկար է առանձնացրել «Իմ քայլը» շարժումից։

Նրանց թվում է «X-Factor» երաժշտական մրցույթի հաղթող, երգիչ Տյոմը (Տյոմ Հակոբյանը), որը պարբերաբար սելֆիներ էր հրապարակում սոցցանցում։

Օգտատեր Անի Տոնոյանին հաջողվել է լուսանկարվել հայտնի դերասան Վարդան Պետրոսյանի հետ։

Շատերը ցույցերի էին գալիս զույգերով։ Օգտատեր Լիլիթը նրանցից է, ովքեր «թավշյա հեղափոխությունը» ռոմանտիկ գույներով են տեսնում։

Դերասան և երգիչ Արման Նշանյանը նույնպես միացել է հազարավոր ցուցարարներին։ Նա ոչ միայն աջակցում էր հանուն ազատության պայքարող հայրենակիցներին, այլև սելֆի անում։

«Սա սիրով սիրո հեղափոխություն է։ Հպարտ լինենք, անվախ լինենք, ՉՆԱՀԱՆՋԵՆՔ։ Աստված վերևից հենց հիմա նայում է իր սիրով, հավատքով լի Մեծ Հայքի ժողովրդին և ուժ է տալիս, հույս է տալիս, սեր է տալիս։ Մենք բոլորս այս օրերի ընթացքում ցույց տվեցինք, որ մենք այլևս գերի չենք, ջարդում ենք շղթաները և հաստատակամ քայլում դեպի ազատ, անկախ, ՆՈՐ ՀԱՅԱՍՏԱՆ», — լուսանկարի տակ գրել է Արմանը։

Օգտատեր Քրիստինա Գասպարյանը նույնպես լուսանկար է հրապարակել բազմահազարանոց ցուցարարների ֆոնին։

«Պատմական օրվա սելֆի ամենասիրուն ժողովրդի ֆոնին», — գրել է Քրիստինան։

Իսկ Նանե Սարգսյանը լուսանկարվել է ԱԺ-ի ֆոնին։

Օգտատերեր Մնացականյան Լիլիթը հրապարկել է Նիկոլ Փաշինյանի հետ սելֆին։

Публикация от @mnatsakanyanlil 29 Апр 2018 в 11:38 PDT

Մանուշ Սաֆարյանը կողմ է ընտանեկան սելֆիին։

Հիշեցնենք, որ Հայաստանում բողոքի զանգվածային ցույցերը սկսվել էին ապրիլի 13-ին, մարդիկ փողոց էին դուրս եկել` պահանջելով նախկին նախագահ, վարչապետ Սերժ Սարգսյանի հրաժարականը։ Ապրիլի 23-ին Սարգսյանը հրաժարական տվեց։

Մայիսի 1-ից հետո, երբ խորհրդարանը ընդդիմադիր առաջնորդ Նիկոլ Փաշինյանին չընտրեց նոր վարչապետ, Փաշինյանը կոչ արեց համընդհանուր գործադուլ և դասադուլ անել։ Մայիսի 2-ին ընդդիմության կողմնակիցները փակեցին հիմնական ու երկրորդական ավտոճանապարհները, որից հետո իշխող կուսակցությունը որոշում կայացրեց աջակցել ժողովրդի թեկնածուին։

669
Հենրիխ Մխիթարյան

«Ճանաչո՞ւմ ես ինձ, ճանաչիր Արցախը». Հենրիխ Մխիթարյանը նոր գրառում է արել

162
(Թարմացված է 19:46 31.10.2020)
Հայ ֆուտբոլիստը շարունակում է իր միջազգային ճանաչվածությունն օգտագործել` աշխարհին Արցախի դեմ սանձազերծված ագրեսիայի մասին պատմելու համար։

ԵՐԵՎԱՆ, 31 հոկտեմբերի - Sputnik. Հայաստանի ազգային հավաքականի և «Ռոմայի» կիսապաշտպան Հենրիխ Մխիթարյանը շարունակում է աշխարհի ուշադրությունը հրավիրել Արցախում շարունակվող պատերազմի վրա։ Facebook-ի իր էջում նա հերթական գրառումն է արել՝ պատմելով խաղաղ բնակչության դեմ իրականացվող ագրեսիայի մասին։

Նա կրկին դիմել է միջազգային հանրությանը՝ կոչ անելով ճանաչել Արցախի անկախությունը։

«Արցախի հայերը խաղաղություն են ուզում: Հակամարտության սրման, ինչպես նաև հայ անմեղ քաղաքացիների շարունակական թիրախավորման և նրանց ֆիզիկական ոչնչացման սպառնալիքի լույսի ներքո մենք միջազգային հանրությանը կոչ ենք անում ճանաչել Արցախի Հանրապետության անկախությունը և նրա ինքնորոշման իրավունքը»,- գրել է հայազգի աշխարհահռչակ ֆուտբոլիստը։

Նշենք, որ պատերազմի առաջին օրերից Հենրիխ Մխիթարյանն իր ճանաչվածությունը դարձրեց զենք հօգուտ ճշմարտության ու հայ ժողովրդի։ Նա բազմիցս իր հրապարակումներում անդրադարձել է Արցախում տիրող իրավիճակին։ Նա պարբերաբար սոցիալական ցանցերի իր էջերում գրառումներ է անում, լուսանկարներ հրապարակում՝ միջազգային հանրությանը կոչ անելով շտապ միջամտել Ադրբեջանի և Թուրքիայի կողմից սանձազերծված ագրեսիան դադարեցնելու համար։

Ավելի վաղ «Ռոմայի» գլխավոր մարզիչ Պաուլո Ֆոնսեկան էլ իր հերթին հայտնել էր, որ պատրաստ է Հենրիխ Մխիթարյանին հանգիստ տալ առաջիկա խաղերին, քանի որ նա մտքերով Արցախում է:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 31-ի ժամը 17։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 45 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6947 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 239 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 656 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

162
թեգերը:
Հենրիխ Մխիթարյան, Արցախ, Արցախյան պատերազմ
թեմա:
Հենրիխ Մխիթարյան
Ըստ թեմայի
Հենրիխ Մխիթարյանը դիմել է միջազգային հանրությանը
Հենրիխ Մխիթարյանի մտքերն Արցախում են. «Ռոման» աջակցում է հայ ֆուտբոլիստին
«Ծանր սրտով եմ գրում». Հենրիխ Մխիթարյանը բաց նամակ է հղել Պուտինին, Թրամփին ու Մակրոնին
Հիվանդանոց

Վիրավորների բուժմամբ զբաղվող հիվանդանոցներին օպերատիվ կտրամադրվի այն, ինչի կարիքը կա

69
(Թարմացված է 19:29 31.10.2020)
Անհրաժեշտ սարքավորումներն ու դեղորայքը ժամանակին են տեղ հասնում. մինչ օրս որևէ վիրավոր զինվորի բուժօգնություն չի տուժել այդ պատճառով։

ԵՐԵՎԱՆ, 31 հոկտեմբերի - Sputnik. ՀՀ առողջապահության նախարարությունը տեղեկացնում է, որ վիրավոր զինծառայողների բուժմամբ զբաղվող հիվանդանոցների կարիքները կբավարարվեն «կենտրոնացված ձևով»։

«Ցանկացած հիվանդանոցում, որտեղ ընթանում է Ադրբեջանի սանձազերծած լայնածավալ պատերազմի հետևանքով վիրավորում ստացած զինվորների բուժում և ընթացքում առաջանում է որևէ կարիք, որն այդ պահին բացակայում է հիվանդանոցում՝ խնդրում ենք հարցը լուծել կենտրոնացված ձևով»,- նշված է ԱՆ մամուլի ծառայության տարածած հաղորդագրության մեջ։

Հաջորդիվ նախարարությունը մանրամասնում է. «կենտրոնացված» նշանակում է՝ տվյալ հիվանդանոցի տնօրինության միջոցով պետք է կարիքը ներկայացվի նախարարություն։ Եթե անհրաժեշտ պարագան (սարքավորում, դեղորայք և այլն) ՀՀ ԱՆ «Մարդասիրական օգնության հանրապետական կենտրոնի» պահեստում կա, ապա անմիջապես կտրամադրվի։ Եթե չկա, ապա օպերատիվ կերպով ձեռք կբերվի և կմատակարարվի։

Նախարարությունից նաև տեղեկացնում են, որ մատակարարվել են անհրաժեշտ բոլոր սարքավորումներն ու դեղորայքը, և որևէ վիրավորի բուժօգնություն չի տուժել դրա պատճառով։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 31-ի ժամը 17։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 45 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6947 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 239 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 656 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

69
թեգերը:
զինծառայող, Վիրավոր, Հայաստան
Ըստ թեմայի
Պատերազմն ու կորոնավիրուսը. ՀՀ առողջապահության նախարարությունը պատասխանել է քննադատությանը
Առողջապահության նախարարությունը ահազանգում է` կորոնավիրուսը կարող է վնասել մեր զինվորներին
Ով կարող է արյան դոնոր դառնալ վիրավորների համար
Вагаршак Арутюнян

Ռուսաստանը կօգնի՞ Հայաստանին. մեկնաբանում է Փաշինյանի գլխավոր խորհրդականը

0
(Թարմացված է 23:40 31.10.2020)
Վաղարշակ Հարությունյանը, Ռուսաստանի օգնության մասին խոսելիս, հիշեցնում է Սիրիայի դեպքերը։

ԵՐԵՎԱՆ, 31 հոկտեմբերի - Sputnik. ՀՀ վարչապետի գլխավոր խորհրդական, ՀՀ պաշտպանության նախկին նախարար Վաղարշակ Հարությունյանը, Հայաստանի Հանրային հեռուստաընկերության եթերում մեկնաբանելով Նիկոլ Փաշինյանի` ՌԴ նախագահ Վլադիմիր Պուտին ուղղված նամակը, ասել է, որ խորհրդակցությունները շուտով կսկսվեն, և արագ որոշումներ կկայացվեն։

«Ռուսաստանը նույնպես ստեղծված իրավիճակը գնահատում է իբրև սպառնալիք ոչ միայն Հայաստանին, այլև Ռուսաստանին։ Ռուսաստանի համար սպառնալիք են իր սահմանի մոտ հակամարտությունները։ Երբ Ռուսաստանում որոշում էր ընդունվում Սիրիայի նախագահի կողմից հրավերն ընդունել և մտնել Սիրիա, հիմնական հիմնավորումն այն էր, որ ահաբեկիչները չգան Ռուսաստան և ԱՊՀ պետություններ»,- նշեց Հարությունյանը։

Նա ընդգծեց՝ սա ցույց է տալիս, որ Ռուսաստանը ժամանակին ճիշտ է գնահատել իրավիճակը, Սիրիայում ահաբեկիչները ոչնչացվել են։ Հարությունյանը հիշեցրեց` երբ Ռուսաստանը մուտք գործեց Սիրիա, տարածքի մոտ ութսուն տոկոսը վերահսկում էին ահաբեկիչները։ Իսկ հիմա ահաբեկիչները Լեռնային Ղարաբաղում են։

Հիշեցնենք` ՀՀ ԱԳՆ–ն այսօր տեղեկացրեց, որ հոկտեմբերի 31-ին ՀՀ վարչապետ Նիկոլ Փաշինյանը նամակ է հղել ՌԴ նախագահ Վլադիմիր Պուտինին։ «Հաշվի առնելով մարտական գործողությունների` Հայաստանի սահմանին մոտենալը, ՀՀ տարածքի նկատմամբ արդեն իսկ տեղի ունեցած ոտնձգությունների փաստերը, Փաշինյանը դիմել է Պուտինին` սկսելու անհապաղ խորհրդակցություններ, դրանց միջոցով սահմանելու աջակցության տեսակները և չափը, որը Ռուսաստանը կարող է հատկացնել Հայաստանին իր անվտանգության ապահովման համար՝ հիմք ընդունելով Հայաստանի և Ռուսաստանի միջև դաշնակցային հարաբերությունները և 1997թ. օգոստոսի 29-ի «Բարեկամության, համագործակցության և փոխադարձ աջակցության մասին» պայմանագրի 2-րդ հոդվածը»,– նշված էր հաղորդագրության մեջ։

Ռուսաստանի արտաքին գործերի նախարարությունը, արձագանքելով Նիկոլ Փաշինյանի նամակին, հայտարարեց, որ համաձայն ՀՀ-ի և ՌԴ-ի միջև կնքված համաձայնագրի՝ Ռուսաստանն անհրաժեշտ օգնություն կցուցաբերի, եթե ռազմական բախումները տեղափոխվեն անմիջապես ՀՀ տարածք։

0