Օտարերկրացիների աչքերով. Արարատով հիացած մոսկվացիները որոշել են լողալ Սևանում
(Թարմացված է 09:14 11.04.2018)
Երբ լիովին ինքնաբուխ որոշում ես տոմս գնել և ճանապարհվել Հայաստան, ուղևորությունը ճակատագրական է դառնում...Չէ՞ որ անհնար է չսիրահարվել այս երկրին, կարծում են շատ զբոսաշրջիկներ, այդ թվում՝ Տատյանա Ռուսսկիխը Մոսկվայից։ԵՐԵՎԱՆ, 11 ապրիլի — Sputnik, Անի Լիպարիտյան. Երևանը, Մինսկը և Թբիլիսին նման են նրանով, որ յուրաքանչյուր քաղաքում փորձում են հնարավորինս ջերմ ընդունել զբոսաշրջիկին, նվաճել նրա սիրտը։ Այդ մասին Sputnik Արմենիային տված հարցազրույցում ասաց մոսկվացի ճանապարհորդուհի Տատյանա Ռուսսկիխը։
©
Sputnik / Asatur Yesayants
Յուրաքանչյուր երկրում ինչ-որ հիանալի բան կա, բայց Հայաստանում հիանալի է ամեն ինչ, կարծում է զբոսաշրջիկը, որն ամուսնու հետ մեկ շաբաթով եկել էր մեր երկիր։
«Մենք եղել ենք այլ հետխորհրդային երկրներում՝ Վրաստանում (Գուդաուրի, Թբիլիսի), Բելառուսում (Մինսկ, Վիտեբսկ)։ Հայաստանն արագ զարգացող երկիր է, դա երևում է, երբ համեմատում ես Երևանը մյուս մայրաքաղաքների հետ։ Ամենագլխավորը՝ բոլորը փորձում են գոհացնել զբոսաշրջիկին», — պատմեց Տատյանան։
Մոսկվացի ճանապարհորդները հինգ օրով են եկել արևի, ծիրանի և կոնյակի երկիր, իսկ տոմսերը գնել են ուղևորությունից երեք օր առաջ։
Ա՜խ, հրաշք Արարատ
Զույգը բառացիորեն սիրահարվել է Արարատ լեռան տեսարանին, և նրանց բախտը բերել է եղանակի հարցում. Անամպ, պարզ երկինքը հնարավորություն է տվել հիանալ Հայաստանի գլխավոր խորհրդանիշի վեհությամբ։
Սակայն միայն Արարատը չէ, որը հաճելիորեն ուրախացրել է ռուս ճանապարհորդներին։ Նրանք մեկնել են ավանդական ուղղությամբ՝ Գառնի և Գեղարդ։ Իսկ ահա լեռնային գեղեցկություններ կարողացել են տեսնել Խոր Վիրապ կատարած էքսկուրսիայի ժամանակ։
«Երևանում շրջել ենք գրեթե բոլոր հետաքրքիր վայրերով։ Կարող եմ ասել, որ հայերը բարի, լավ, բարյացակամ մարդիկ են, համեայն դեպս, մեզ նման մարդիկ են պատահել։ Նրանք շատ հյուրասեր են», — ասաց մոսկվացին։
Տատյանան հավելեց, որ Մոսկվայում ունեն հայ ընկերներ, իսկ հենց Հայաստանում ձեռք են բերել ևս մի քանիսը։
Հարց չկա
Ռուս զբոսաշրջիկները հաղորդակցման հարցում չեն բախվել բարդությունների։ Նրանց դուր է եկել, որ ամենուրեք հանդիպել են ռուսալեզու մարդկանց, լինի դա խանութ, ռեստորան կամ ցանկացած այլ վայր։
Տատյանայի վրա մեծ տպավորություն է թողել այն, որ Հայաստանում գործում է ԹՈՒՄՈ ստեղծարար տեխնոլոգիաների կենտրոնը, որտեղ ուսումն անվճար է։
Տատյանան և նրա ամուսինը հասցրել են բազմաթիվ լուսանկարներ, տեսանյութեր անել, համտեսել հայկական ազգային ճաշատեսակներ։
«Փորձել ենք լահմաջո՝ այժմ իմ սիրելի ճաշատեսակը։ Տոլման նույնպես հետաքրքիր, համով կերակրատեսակ է, սպասը և շատ մսային ուտեստներ (լուլա քաբաբ, շաուրմա, խորոված)։ Աղանդերից հրաժարվելը մեղք էր, քանի որ հայկական քաղցրավենիքները, մրգերը, չրերը և ընկույզը հիասքանչ են», — ասաց Տատյանան։
Հիմա Հայաստանը ռուս զբոսաշրջիկների համար ասոցացվում է քրիստոնեական եկեղեցիների, տուֆի, Արարատ լեռան և համեղ ուտելիքի հետ։ Ամուսնական զույգը ծրագրում է վերադառնալ Հայաստան, որպեսզի լողան Սևանա լճում և համտեսեն ամառային մրգերը։
ԲԴԽ նախագահը Արման Բաբաջանյանին խոստացավ ավելի խիստ ու վիրավորական բառապաշարով պատասխանել
(Թարմացված է 13:52 03.03.2021)
ԲԴԽ նախագահը խոստացավ Արման Բաբաջանյանի հարցով դիմել ԱԺ էթիկայի հանձնաժողովին, իսկ այն պահից, երբ այլևս չի հանդիսանա ԲԴԽ նախագահ, Բաբաջանյանին կպատասխանի նույն կամ ավելի խիստ ու վիրավորական բառապաշարով:
ԵՐԵՎԱՆ, 3 մարտի - Sputnik. ԱԺ անկախ պատգամավոր Արման Բաբաջանյանն այսօր ԱԺ-ում ԲԴԽ նախագահ Ռուբեն Վարդազարյանին մեղադրեց քաղաքականապես անաչառ չլինելու մեջ՝ հավելելով, որ նրա որդին Բաղրամյան պողոտայի ակտիվիստներից է:
«Տեղեկացնեմ ձեզ և մեր հասարակությանը, որ տղաս առնվազն երկու շաբաթ առաջ ողնաշարի ճողվածքով մի շաբաթ տանը պառկել է հիվանդ, ապա վիրահատվել է և հիմա հետհիվանդանոցային բուժում է ստանում՝ տանը պառկած: Եվ ձեր պնդումը, իմ գնահատմամբ, ընդամենը քայլ է փորձելու վիրավորելու, գոտկատեղից ներքև հարվածելու և իմ ընտանիքի անդամներին ներքաշելու այս պրոցեսին»,- ասաց Վարդազարյանը:
Նման վարքագիծը, նրա խոսքով, հարիր չէ պատգամավորին, ուստի ԲԴԽ նախագահը խոստացավ Արման Բաբաջանյանի հարցով դիմել ԱԺ էթիկայի հանձնաժողովին, իսկ այն պահից, երբ այլևս չի հանդիսանա ԲԴԽ նախագահ, Բաբաջանյանին կպատասխանի նույն կամ ավելի խիստ ու վիրավորական բառապաշարով:
Հիշեցնենք՝ ԲԴԽ նախագահ Ռուբեն Վարդազարյանն այսօր խորհրդարանում է՝ ներկայացնելու Վճռաբեկ դատարանի դատավորների թեկնածուներին:
Բայց մինչ պատգամավորները կսկսեին հարցեր տալ թեկնածուներին՝ իրենց ապագա գործունեության վերաբերյալ, նրանք նախ սկսեցին իրենց հետաքրքրող հարցերի պատասխանները պահանջել Վարդազարյանից: Հարցուպատասխանը, որն այս պահին շարունակվում է, անցնում է շատ թեժ մթնոլորտում:
Նշենք, որ Բարձրագույն դատական խորհուրդը Վճռաբեկ դատարանի քաղաքացիական և վարչական պալատի դատավորի թափուր տեղի համար առաջադրել է Սամվել Գրիգորյանի, Արմեն Հայկյանցի եւ Արսեն Մկրտչյանի թեկնածությունները։
Ինչու է աղմկում գետը. ԱԺ-ում թեժ քննարկում ծավալվեց ԲԴԽ նախագահի հետ հարցուպատասխանի ձևով
Սամվել Գրիգորյանը մարտի 2-ին ինքնաբացարկ էր հայտնել, ինչի հետևանքով հարցի քննարկումը մեկ օրով հետաձգվել էր:
Երևանում մեքենան կայանելու շուրջ ծագած վեճն ավարտվել է դանակահարությամբ. կան վիրավորներ
(Թարմացված է 13:31 03.03.2021)
Արտակարգ դեպքը տեղի է ունեցել Երևանի Միկոյան փողոցում։ Վիճաբանության մասնակիցներից մեկը հիվանդանոց է տեղափոխվել «որովայնի առաջնային պատի կտրած-ծակած վերք» ախտորոշմամբ, մյուսը` գլխի վնասվածքով։ԵՐԵՎԱՆ, 3 մարտի – Sputnik. Երեկ՝ մարտի 2-ին, արտակարգ դեպք է տեղի ունեցել Երևանում։ Վիճաբանությունն ավարտվել է դանակահարությամբ։ Կան վիրավորներ։ Տեղեկությունը հայտնում է shamshyan.com–ը։
©
Photo : Авилов Александр / АГН "Москва"
Ժամը 22։40-ի սահմաններում «Արմենիա» բժշկական կենտրոնից ոստիկանության Մաշտոցի բաժին ահազանգ է ստացվել, որ «որովայնի առաջնային պատի կտրած-ծակած վերք» ախտորոշմամբ իրենց մոտ է տեղափոխվել մի քաղաքացի։
Ոստիկանները պարզել են, որ վիրավորը Աջափնյակ վարչական շրջանի բնակիչ՝ 27-ամյա Գարիկ Մ-ն է։
Մինչ ոստիկաններն ու քննիչները կպարզեին դեպքի հանգամանքները, ժամը 23։45-ին թիվ 1 համալսարանական հիվանդանոցից ոստիկանության Մաշտոցի բաժին ահազանգ է ստացվել, որ «գլխի վնասվածք» ախտորոշմամբ իրենց մոտ է տեղափոխվել մի քաղաքացի։
Ոստիկանները և քննիչները, մեկնելով նշված հիվանդանոց, պարզել են, որ վիրավորը Էրեբունի վարչական շրջանի բնակիչ՝ 43-ամյա Գևորգ Ա-ն է։
«Պարզվել է, որ նույն օրը` ժամը 22։30-ի սահմաններում, Միկոյան փողոցում ավտոմեքենաների կայանման շուրջ Գարիկ Մ-ի ու Գևորգ Ա-ի միջև վիճաբանություն է տեղի ունեցել, որի ժամանակ Գարիկ Ա-ն սուր կտրող-ծակող առարկայով հարվածել է Գարիկ Մ-ին, իսկ վերջինս էլ ձեռքերով հարվածել է Գևորգ Ա-ի գլխին»,–գրում է կայքը։
«Արմենիա» ԲԿ-ում ոստիկաններին և քննիչներին հայտնել են, որ Գարիկ Մ-ն այս պահին ի վիճակի չէ կատարվածի մասին բացատրություն տալու։
Ոստիկաններն ու քննիչները ձեռնարկում են անհրաժեշտ օպերատիվ հետախուզական և քննչական միջոցառումներ՝ հանցագործության գործիք հանդիսացող սուր կտրող առարկան հայտնաբերելու համար։
Դանակահարություն Երևանում. պատճառը` sms-հաղորդագրություններն են
Վերջին 7 տարում Հայաստանով թմրանյութի տեղափոխման խոշորագույն դեպքն է բացահայտվել. ՊԵԿ
(Թարմացված է 14:04 03.03.2021)
Դեպքի առթիվ ՊԵԿ քննչական վարչությունում հարուցվել է քրեական գործ, տարբեր քաղաքացիություններ ունեցող 6 անձ ձերբակալվել է։Պետական եկամուտների կոմիտեի մաքսանենգության դեմ պայքարի վարչության աշխատակիցները բացահայտել են թմրանյութի տեղափոխման բացառիկ դեպք: Տեղեկությունը հայտնում է ՊԵԿ մամուլի ծառայությունը։
Երևանի մաքսային պահեստներից մեկում կատարված մաքսային հսկողության արդյունքում որպես խմորիչ հայտարարագրված 18600 կգ բեռի կազմում հայտնաբերվել է հերոինի առանձնապես խոշոր խմբաքանակ` 33 արկղ։
«Փաթեթավորման հետ միասին շուրջ 365 կիլոգրամ կշռող հերոինի շուկայական արժեքը մոտ 45 մլն ԱՄՆ դոլար է: Սա 2014 թվականից հետո Հայաստանի իրավապահ մարմինների հայտնաբերած խոշորագույն դեպքն է, որն իր բնույթով աննախադեպ է ամբողջ տարածաշրջանում: Խմորիչի փաթեթավորմամբ հերոինն Իրանի Իսլամական Հանրապետությունից Հայաստանի տարածքով նախատեսված էր տեղափոխել Արևմտյան Եվրոպա»,–ասվում է հաղորդագրության մեջ:
Նշվում է, որ հանցավոր սխեման բացահայտվել է լայնածավալ և բազմակողմանի վերլուծական աշխատանքների ու համալիր օպերատիվ-հետախուզական միջոցառումների արդյունքում:
Ապօրինի թմրաշրջանառության դեմ պայքարում իրենց դերն են կատարում ՊԵԿ շնագիտական կենտրոնի կինոլոգներն ու ծառայողական շները, ովքեր նույնպես ներգրավվել են այս խոշոր դեպքի բացահայտման աշխատանքներում: Օպերատիվ-հետախուզական միջոցառումների անցկացման փուլում ակտիվ մասնակցություն են ունեցել նաև ՀՀ ոստիկանության և Ազգային անվտանգության ծառայության աշխատակիցները:
Դեպքի առթիվ ՊԵԿ քննչական վարչությունում հարուցվել է քրեական գործ` ՀՀ քրեական օրենսգրքի 267.1 և 266 հոդվածների (Թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) հատկանիշներով: Տարբեր քաղաքացիություններ ունեցող 6 անձ ձերբակալվել է։
ԱԱԾ–ի հետ լայնածավալ օպերատիվ-հետախուզական միջոցառումների անցկացումը շարունակվում է` գործի հետ առնչություն ունեցող հնարավոր այլ անձանց շրջանակը պարզելու նպատակով:
Թմրանյութը`հարսի շորի ծալքերի մեջ. 2020–ին մաքսանենգության բացահայտման դեպքերն ավելացել են