Սևակ Խանաղյան

Սևակ Խանաղյանը կփորձի սփյուռքին «համոզել» «Եվրատեսիլում» իր օգտին քվեարկել

59
(Թարմացված է 19:44 10.04.2018)
Երգիչը «Եվրատեսիլի» շրջանակում փրոմո ակցիայով երկրից երկիր է մեկնում։

ԵՐԵՎԱՆ, 10 ապրիլի — Sputnik. Հաղորդավարուհի, «Եվրատեսիլ» երգի միջազգային մրցույթի հայաստանյան պատվիրակության ղեկավար Գոհար Գասպարյանն Instagram-ի իր էջում հրապարակել է այս պահին Իսրայելի երկրորդ քաղաք Թել Ավիվում գտնվող երգիչ, այս տարի «Եվրատեսիլ» երգի միջազգային մրցույթում Հայաստանի ներկայացուցիչ Սևակ Խանաղյանի փրոմո արշավի տեսագրությունը։

Գոհարը նշել է, որ երգիչը «Եվրատեսիլի» շրջանակում նախատեսում է այցելել մի շարք երկրներ` այնտեղի արվեստասեր հանրությանը և մասնավորապես հայ համայնքին ներկայանալու և իր մանակցության մասին ազդարարելու համար։

«Սևակն այս պահին գտնվում է փրոմո արշավի ընթացքում։ Մոսկվա, Իսրայել, Ամստերդամ, Մադրիդ….. հուսով եմ այնտեղի հայերը Սևակին հանդիպելու առիթը բաց չեն թողնի»,- իր հրապարակումը մակագրել է Գոհարը։

Սևակ Խանաղյանը ևս Instagram-ում տեսնյութ և լուսանկարներ է հարապարակել Իսրայելից։ Լուսանկարներից մեկում նա Երուսաղեմի Սուրբ Հովհաննես Ավետարանիչ եկեղեցում դռների մոտ է կանգնած։

«Հայերի և հայկական մշակույթի հետքերը տարածված են ողջ Երուսաղեմով»,- մակագրել է լուսանկարը երգիչը։
Մյուս լուսանկարում Սևակը արդեն եկեղեցում մոմ է վառում` ներքին խաղաղություն և ներդաշնակություն գտնելով։ Հենց այդպես էլ նա մակագրել է լուսանկարը. «Հրաշք է, երբ մարդն այստեղ ներքին խաղաղություն և ներդաշնակություն է գտնում»։
Հիշեցնենք, որ Սևակ Խանաղյանը կներկայանա «Եվրատեսիլ 2018» երգի միջագային մրցույթի առաջին կիսաեզրափակչում, որը տեղի կունենա մայիսի 8-ին՝ Պորտուգալիայի մայրաքաղաք Լիսաբոնում: Նա հանդես կգա 16-րդ համարի ներքո իր «Քամի» երգով:
59
Ըստ թեմայի
Սևակ Խանաղյանի եվրատեսիլյան երգի տեսահոլովակն արդեն ցուցադրվել է
Եվրատեսիլի կայքում Սևակ Խանաղյանի երգը «քամի» է բարձրացրել
Հայտնի է` որ համարի ներքո ելույթ կունենա Սևակ Խանաղյանը «Եվրատեսիլում»
Սևակ Խանաղյանը հաղթել է «ծանոթի» միջոցով. երգիչը տեսանյութ է հրապարակել