Րաֆֆի Արտո

Պատանի հայը տապալեց ֆրանսիական «Ձայնի» ժյուրիին. Րաֆֆի Արտոն հաղթեց ռոք–կուռքի երգով

330
(Թարմացված է 21:11 09.04.2018)
Երիտասարդ Րաֆֆի Արտոն անցավ ֆրանսիական «Ձայնի» հաջորդ փուլ` գերազանցելով փորձառու մրցակցին։

16 տարեկան Րաֆֆի Արտոն հերթական անգամ լուծեց իր առջև դրված խնդիրն ու մենամարտերի փուլում առաջ անցավ ավելի փորձառու Օրելյենից։

Տղաները միասին երգեցին ֆրանսիացի ռոք աստղի` վերջերս մահացած Ջոնի Հոլիդեյի երգը և ապացուցեցին, որ նրա երաժշտությունն ու ոգին ողջ են։

Րաֆֆին ու Օրելյենը երգեցին Toute la musique que j'aime ստեղծագործությունը։

Նրանց մարզիչ Ֆլորան Պանին հաջորդ փուլին մասնակցելու համար ընտրեց մեր հայրենակից Րաֆֆիին, թեև պետք է ընդունել, որ Օրելյենը շատ լավ է տիրապետում ձայնին։

Րաֆֆին անցավ հաջորդ փուլ, իսկ մենք շարունակում ենք հետևել ու սատարել այն մարդկանց, որոնք միջազգային բեմում այս կամ այն կերպ ներկայացնում են Հայաստանը։

Ինչպես, օրինակ, Միրիամ Բաղդասարյանը, որը հիանալի ելույթի ժամանակ «Ձայնը» ծրագրի կանադական տարբերակի ժյուրիի անդամներն ու հանդիսատեսը փշաքաղվել են։

Կամ ոչ պակաս տաղանդավոր ու խոստումնալից երգչուհի Սրբուհի Սարգսյանը, որը փայլում է ուկրաինական «Ձայնում»։

 

330