Հայաստանի և Վրաստանի վարչապետեր Կարեն Կարապետյանը

Վրացական ԶԼՄ-ները պարզել են` քանի շիշ կոնյակ է արժեցել Կվիրիկաշվիլիի հայաստանյան այցը

114
(Թարմացված է 19:41 04.04.2018)
Գեորգի Կվիրիկաշվիիի գլխավորած վրացական պատվիրակության երևանյան այցի կապակցությամբ Հայաստանի կառավարությունը ավելի քան 100 շիշ կոնյակ էր գնել։

ԵՐԵՎԱՆ, 4 ապրիլի — Sputnik. Հայաստանի կառավարությունը ըստ պատշաճի պատրաստվել էր Վրաստանի վարչապետ Գեորգի Կվիրիկաշվիլիի գլխավորությամբ վրացական պատվիրակության այցին։ Միայն կոնյակի համար իշխանությունները 20 միլիոն 600 հազար դրամ են ծախսել։ Այս մասին հայտնում է Aliq Media անկախ տեղեկատվական լրատվամիջոցը։

Վրաստանի վարչապետ Գեորգի Կվիրիկաշվիլին այս տարվա մարտի 2-ին մեկօրյա պաշտոնական այցով Երևան էր ժամնել։

«Հայաստանի կառավարությունը 2 միլիոն 600 հազար դրամի կոնյակ է գնել հատուկ Կվիրիկաշվիլիի գլխավորած պատվիրակության այցի համար։ Հետաքրքիր է, որ կոնյակի խմբաքանակը ձեռք էր բերվել ոչ թե կոնյակի գործարանից, այլ «ՎԻՆՈ & ՎԻՆՈ» մասնագիտացված խանութ-սրահից», — նշված է հրապարակման մեջ։

Ձեռք են բերվել երկու շիշ 30 տարվա հնեցման «Էրեբունի» կոնյակ` յուրաքանչյուրը 137 հազար 500 դրամ արժողությամբ, 30 շիշ 25 հազար դրամանոց կոնյակ` 753 հազար դրամ ընդհանուր արժողությամբ, նաև 10 տարվա «Դվին» կոնյակ։

«Նաև գնել են 72 շիշ «Նաիրի» կոնյակ` ընդհանուր 1 միլիոն 573 հազար 200 դրամ արժողությամբ», — ասվում է հաղորդագրության մեջ։

Այդ տեղեկությունը հաստատելու համար Sputnik Արմենիան դիմել է «ՎԻՆՈ & ՎԻՆՈ» ընկերության ներկայացուցչին։ Նյութի հրապարակման պահին ընկերությունից դեռ չէին պատասխանել։

Վերջին անգամ Կվիրիկաշվիլին պաշտոնական այցով Հայաստան էր եկել 2016 թվականի սեպտեմբերին` խորհրդարանական ընտրություններից առաջ տարածաշրջանային ուղևորության շրջանակում։ Մինչև Երևան գալը նա մեկօրյա այցով Բաքու էր մեկնել։ 2017 թվականի փետրվարին Հայաստանի վարչապետ Կարեն Կարապետյանն առաջին պաշտոնական այցով մեկնել էր Վրաստան։ Նույն տարվա դեկտեմբերին Վրաստան էր մեկնել նաև ՀՀ նախագահ Սերժ Սարգսյանը։

114
Ըստ թեմայի
Բարով եք եկել Հայաստան. Սարգսյանն ընդունեց Վրաստանի վարչապետին
Վրաստանի վարչապետը Երևանում հարգանքի տուրք մատուցեց Հայոց ցեղասպանության զոհերին
Ի՞նչ հարցեր են քննարկել Հայաստանի ու Վրաստանի վարչապետները փակ դռների հետևում