Հենրիխ Մխիթարյան

Հենրիխ Մխիթարյան, Ռուբեն Վարդանյան, Նարեկ Հախնազարյան. որտե՞ղ է հանդիպել «հայկական եռյակը»

449
Հայտնի հայեր` գործարար Ռուբեն Վարդանյանը, ֆուտբոլիստ Հենրիխ Մխիթարյանն ու երաժիշտ Նարեկ Հախնազարյանը հանդիպել են Բրիտանիայի մայրաքաղաքում։

ԵՐԵՎԱՆ, 3 ապրիլի — Sputnik. Համաշխարհային հայտնիություն ունեցող թավջութակահար Նարեկ Հախնազարյանը Instagram սոցցանցի իր էջում լուսանկար է հրապարակել գործարար Ռուբեն Վարդանյանի և ֆուտբոլիստ Հենրիխ Մխիթարյանի հետ։

«Հայկական եռյակը» հանդիպել է Լոնդոնում, որտեղ ներկա պահին ապրում է Մխիթարյանը` հանդես գալով «Արսենալ» ֆուտբոլային ակումբի կազմում։

 

«Հիանալի ընթրիք ընկերների ու մեծ հայերի ընկերակցությամբ», – լուսանկարի տակ գրել է երաժիշտը։

Հախնազարյանը լուսանկարին կցել է նաև «հպարտ եմ հայ լինելու համար» հեշթեգը։

Նշենք, որ թավջութակահարը նախօրեին ելույթ է ունեցել Լոնդոնի հեղինակավոր «Վիգմոր հոլ» համերգասրահում։  Չայկովսկու անվան XIV միջազգային մրցույթի դափնեկիր Հախնազարյանին հանդիսատեսը երկար ծափահարություններով էր ճանապարհում։

449
թեմա:
Հենրիխ Մխիթարյան (159)