Վիտալինա Ցիմբալյուկ–Ռոմանովսկայա

«Հայերը վճարե՞լ են ձեզ». Ջիգարխանյանի նախկին կինը չափերն անցել է

1010
(Թարմացված է 18:16 23.03.2018)
Դատարանի որոշմամբ` բնակարանը, որում ամուսնալուծությունից առաջ բնակվում էր Ջիգարխանյանին նախկին կինը, այժմ կալանքի տակ է, երկրորդ բնակարանն էլ հիմա փաստաթղթերով իրեն չի պատկանում։ Վիտալինան կրկին հարցազրույց է տվել։

ԵՐԵՎԱՆ, 23 մարտի — Sputnik. Վիտալինա Ցիմբայլուկ–Ռոմանովսկայան պատրաստ է մերձմոսկովյան Գլուխովոյի բնակարանը տալ նախկին ամուսին Արմեն Ջիգարխանյանին, սակայն ինչ-որ մեկն արդեն հասցրել է բնակարան ներխուժել ու փոխել կողպեքները։

Վիտալինան երեք բնակարան ունի։ Մեկը երեք սենյականոց է (134,5 քառակուսի մետր)` Մոլոդոգվարդեյսկայա փողոցի վրա, «Կունցևսկայա» մետրոյի հարևանությամբ։ Մյուսը` մեկ սենյականոց (53 քառակուսի մետր)` «Ռուբլյովսկոյի պոդմեստյե» հեղինակավոր բնակատեղիում, Կրադնոգորսկի շրջանում։ Ու ևս մեկ բնակարան (71, 3 քառակուսի մետր)` Գլուխովո Կրասնոգորսկի գյուղում։ Թոք–շոուի ընթացքում խոսքը հենց վերջինի մասին է եղել։

Ավելի վաղ Ցիմբալյուկն ասել էր, որ նրանք Արմեն Ջիգարխանյանի հետ մեկ սենյականոց բնակարանում էին ապրում, թատրոնում երկար էին ժամանակ անցկացնում, ոչ մի շքեղության մասին անգամ խոսք չէր կարող լինել, և այդ բնակարանի համար գումարը համատեղ ջանքերով են վաստակել։

Ջիգարխանյանի նախկին կինը նշել էր, որ ուզում էր անշարժ գույքի փոխանցման հարցը քննարկել անձամբ նրա հետ, սակայն նրա ընկերները թույլ չեն տալիս անել դա։ Վիտալինան հայտնել է, որ Ջիգարխանյանն այժմ բնակարաններից մեկում է ապրում (մերձմոսկովյան Գլուխովոյում), իսկ կողպեքները նրա ընկերներն են փոխել։

«Նա մենակ չէ, նա անընդհատ ինչ–որ մեկի հետ է, այդ պատճառով չեմ կարողանում խոսել նրա հետ։ Հենց իմ փաստաբանը զանգեց, խոսափողը նրա ձեռքից խլեցին։ Նա պայմանավորվել էր հանդիպել ինձ, սակայն դրանից հետո արդեն մի ուրիշ մարդ պատասխանեց ու ասաց, որ Ջիգարխանյանը չի ուզում հանդիպել», – ասել է ժողովրդական արտիստի նախկին կինը։

Ցիմբալյուկ—Ռոմանովսկայան հավելել է, որ փետրվարի 15–ին ստացած տեղեկանքում բնակարանն իր անունով էր։ Ավելի ուշ Վիտալինան ու նրա փաստաբանը բացահայտել են, որ ինչ-որ մեկը փոխել է կողպեքները։ Դաշնակահարուհին նշել է, որ ինքն ու իր ներկայացուցիչը ոստիկանություն են կանչել ու արձանագրել փաստը։

Տաղավարում ներկա Լարիսա Շիրոկովան նշել է, որ Ցիմբալյուկը բնակարանի օտարացման ոչ մի պայմանագիր չի կնքել, այդ թվում` Ջիգարխանյանի հետ։

«Մենք պարտավոր ենք դիմում գրել, քրեական գործ հարուցել, քանի որ բնակարանը հանցավոր ճանապարհով են գրավել։

Միաժամանակ, հարևաններն ասում են, որ այնտեղ ինչ-որ մեկը կահույք է տեղաշարժում, սակայն անհասկանալի է, թե ով։

Ասես անշարժ գույքի հետ կապված սկանդալները բավարար չէին, թոք–շոուի տաղավարում ներկա էր ոմն Ռոբերտ Վարդանյանը, որը հայնեց, որ տեսել է` ինչպես են Վիտալինան ու նրա նախկին ներկայացուցիչ Էլինա Մազուրը հասարակաց տուն այցելում։

«Ես բազմիցս տեսել եմ` ինչպես են Վիտալինան ու Մազուրը բորդել մտնում։ Իսկ նա իրեն սրբի տեղ է դնում։ Ես ստի դետեկտոր եմ անցել։ Այդ հաստատության հարևանությամբ եմ ապրում ու պատրաստ եմ պատասխան տալ խոսքերիս համար», – նշել է երիտասարդը։

Նրա խոսքերը Վիտալինան անհեթեթություն է անվանել։

«Լսեք, ինչպե՞ս չեք ամաչում։ Ձեզ հայերը վճարե՞լ են, որ այդպիսի բաներ ասեք։ Դա խայտառակություն է», – հավելել է Վիտալինան։

Բացի այդ, հաղորդման շրջանակում Ջիգարխանյանի թատրոնի նախկին դերասանները փորձում էին ապացուցել, որ դերասանի նախկին կինը նրան «կասկածելի հաբեր» էր տալիս։ Դրանից հետո Վիտալինան վիրավորվել է, ջղայնացել ու լքել տաղավարը։

Թոք շոուի շրջանակում վարկած հնչեց, որ, հնարավոր է, Վիտալինան ինքն է փոխել կողպեքներն ու իրեն զոհի տեղ է դնում։

1010
թեմա:
Արմեն Ջիգարխանյանի ընտանեկան դրաման (121)
ԱԱԾ-ի շենքը

ԱԱԾ–ն պետական դավաճանություն կատարելու դեպք է բացահայտել

266
(Թարմացված է 11:41 01.10.2020)
Պետական դավաճանության մեջ մեղադրվողը բարձրաստիճան զինվորական ծառայություն իրականացնող անձ է։

ԵՐԵՎԱՆ, 1 հոկտեմբերի - Sputnik. Հայաստանի Հանրապետության ազգային անվտանգության ծառայությունը բացահայտել է նախկինում բարձրաստիճան զինվորական ծառայություն իրականացրած անձի կողմից պետական դավաճանության դեպք:

«Մասնավորապես, ՀՀ քաղաքացին, պաշտպանության նախարարի համապատասխան հրամանով ծառայության անցնելով ՀՀ զինված ուժերում և զբաղեցնելով պատասխանատու պաշտոններ, օտարերկրյա կազմակերպության ներկայացուցիչներին հանձնել կամ հանձնելու նպատակով հավաքել է պետական գաղտնիք պարունակող տեղեկատվություններ»,–նշված է հաղորդագրության մեջ։

Բացի այդ, վերահիշյալ անձը թշնամական գործունեություն իրականացնելու համար ցուցաբերել է այլ օգնություն՝ ի վնաս ՀՀ տարածքային անձեռնմխելիության և արտաքին անվտանգության:

Քրգործով որպես մեղադրյալ նեգրավված անձը գտնվել է Վրաստանում և այնտեղ ադրբեջանական հետախուզական ծառայությունների աշխատակիցների կողմից ստացել է կոնկրետ առաջադրանքներ` Արցախի և Հայաստանի արտաքին անվտանգության, զինված ուժերի, սպառազինությունների մասին տեղեկություններ ձեռք բերելու կամ ծառայության բերումով արդեն իսկ իրեն հասանելի դարձած տեղեկատվությունը փոխանցելու վերաբերյալ։ Այդ թվում` նա բանակի անձնակազմի, զենքի, զինամթերքի, զինտեխնիկայի քանակի և տեսակի, զորամասերի և դրանց հրամանատարական կազմի, ինժեներական կառույցների և սարքավորումների և այլնի վերաբերյալ՝ ի վնաս ՀՀ արտաքին անվտանգության առնչությամբ կատարել է լրտեսություն:

Նա տեղեկություն է հավաքել մարտական տեխնիկայի, սպառազինության, այդ թվում՝ տանկերի, մարտկոցների, ուժեղացման միջոցների, առաջնահերթ խոցվող օբյեկտների, ՀՀ զինված ուժերում ծառայող, պահեստազորում հաշվառված անձանց և այլնի վերաբերյալ։

Հայաստանում պարբերաբար հանդիպումներ է ունեցել ՀՀ–ի և Արցախի սպայական կազմի ներկայացուցիչների հետ, իրականացվող կոնկրետ գործողությունների և այլնի վերաբերյալ լուրեր հավաքել, հետո մեկնել է Վրաստան ու դրանք փոխանցել ադրբեջանական հետախուզական ծառայությունների աշխատակիցներին։

Հիշյալ անձին ՀՀ քրեական օրենսգրքի 299-րդ հոդվածի 1-ին մասով (պետական դավաճանությունը) մեղադրանք է առաջադրվել և նրա նկատմամբ որպես խափանման միջոց է ընտրվել կալանավորումը:

Ի՞նչ է կատարվում Արցախում. ՊՆ–ն հաղորդագրություն է տարածել

Քրգործի շրջանակներում շուրջ մեկ տասնյակից ավելի խուզարկությունների արդյունքում մեղադրյալի բնակարանում կամ օժանդակ շինություններում հայտնաբերվել և առգրավվել են մեծ քանակի ռազմամթերք՝ նռնակներ, պայթուցիչներ, փամփուշտներ։ Բացի այդ, հայտնաբերվել են նաև զինտեխնիկայի վերաբերյալ ծառայողական և պետական գաղտնիք պարունակող փաստաթղթեր, որոնց մի մասը՝ եզակի բնօրինակներով:

Հայտնաբերվել են նաև ռադիոհաղորդիչ սարքավորումներ, կապի միջոցներ, ադրբեջանական հատուկ ծառայությունների հետ կապ հաստատելու համար նախատեսված հեռախոսահամարների վերաբերյալ գրառումներով նոթատետրեր:

266
թեգերը:
հայ-ադրբեջանական, դավաճանություն, ՀՀ ազգային անվտանգության ծառայություն. ԱԱԾ
Ըստ թեմայի
Մարտակերտը Ադրբեջանի անհաջողության վկայությունն է. Արցախի ՊՆ մամուլի խոսնակ
ԱԹՍ-ն խոցվել է Ասկերանի բնակելի թաղամասի հարևանությամբ. նոր լուսանկարներ
Հայկական կողմը Լելե–Թեփեում ադրբեջանական ուղղաթիռ է խոցել, որն ընկել է Իրանի տարածքում
Կոմպոզիտոր Տիգրան Մանսուրյան

Մեր կռիվը մեր տուն-տեղ, հող-այգի, ավանդույթ, սրբություն պահելու համար է. Մանսուրյան

25
(Թարմացված է 11:21 01.10.2020)
Կոմպոզիտոր Տիգրան Մանսուրյանը ՀՀ ՊՆ «Զինուժ» հաղորդաշարին տված հարցազրույցում ներկայացրել է Արցախում սանձազերծված պատերազմի երկու՝ հայկական ու ադրբեջանական կողմերի շարժառիթները

ԵՐԵՎԱՆ, 1 հոկտեմբերի - Sputnik. Մեր ամբողջ կռիվը մեր տուն-տեղ, հող, այգի, ավանդույթ, սրբություն պահելու համար է: ՀՀ ՊՆ «Զինուժ» հաղորդաշարին տված հարցազրույցում Արցախի գոյապայքարն այս կերպ է մեկնաբանում կոմպոզիտոր Տիգրան Մանսուրյանը:

Սիրված արվեստագետը նաև իր հիացմունքն ու հուզմունքն է արտահայտում հայրենիքի համար պայքարում միաբանված հայության նկատմամբ:

«Մի քանի օրում, թշնամական մի քանի համազարկերի արդյունքում, երևան եկավ այս հրաշալի բռունցքվելը»,- ասում է կոմպոզիտորը:

Ինչ վերաբերում է հակառակորդին, ապա Ադրբեջանի իշխանությունների տարածած հակահայկական, հակամարդկային քարոզչությունը, ըստ Մանսուրյանի, ուղղակի նողկալի է:

«Երբ մեկը կարող է քնած մարդուն կացնահարել, և նրան իշխանությունը հերոս համարի, սա մարդկության պատմության մեջ եզակի ստորության արտահայտություն կարող է լինել ու նողկանք առաջացնել: Այս բաները խորթ են սովորական մարդուն, էլ չեմ ասում՝ հային, որն ընդամենը իր տունը, իր հողը պահելու խնդիր ունի»,- ասում է Մանսուրյանը:

Կոմպոզիտորը գոյության պայքար մղող զինվորին բարի վերադարձ է մաղթում ու շուտափույթ խաղաղության հույս հայտնում՝ նշելով, որ պատերազմի ավարտից հետո ոչ միայն շարունակվելու է առօրյա կյանքը, այլև մեկնարկելու է նոր փուլ՝ ավերված բնակավայրերի վերականգնման ու շենացման փուլը:

«Ես հավատում եմ այդ ամենին»,- եզրափակում է Տիգրան Մանսուրյանը:

25
թեգերը:
Պատերազմ, Հայաստան, Արցախ, Տիգրան Մանսուրյան
Ըստ թեմայի
Կարևոր է մեր թիկունքը ամուր պահելու համար. ՀՀ առողջապահության նախարարության հորդորը
Արցախ են մեկնել նաև «Կարմիր բերետներ-5165» կամավորական ջոկատի տղաները. տեսանյութ
Արցախում մարտերը շարունակվում են. տեսանյութ առաջնագծից