ԵՐԵՎԱՆ, 18 մարտի — Sputnik. Հայաստանի հավաքականի և անգլիական «Արսենալի» կիսապաշտպան Հենրիխ Մխիթարյանը Twitter–ի իր էջում շնորհավորել է իր սիրելի մայրիկի ծննդյան տոնը։
«Ծնունդդ շնորհավոր, մայրիկ», – մայրիկի լուսանկարներից հավաքած տեսագրության տակ գրել է Մխիթարյանը` ուղեկցելով այն սրտիկի պատկերով։
Ավելի վաղ տեղի էր ունեցել Եվրոպայի լիգայի ¼ եզրափակչի վիճակահանությունը։ Հայտնի է դարձել, որ «Արսենալը» կխաղա Մոսկվայի ԲԿՄԱ–ի հետ։
«Արսենալ»–ԲԿՄԱ առաջին հանդիպումը կանցկացվի Լոնդոնում ապրիլի 5-ին, պատասխան խաղը տեղի կունենա մեկ շաբաթ անց` Մոսկվայում։
Հիշեցնենք, որ «զինագործների» հակառակորդը որոշվեց Նյոնում մարտի 16–ին տեղի ունեցած Եվրոպայի լիգայի ¼ եզրափակչի վիճակահանության արդյունքում։ «ՌԲ Լեյպցիգը» կխաղա «Մարսելի» դեմ, «Ատլետիկոն»` «Սպորտինգի» դեմ, իսկ «Լացիոն»` «Ռեդ Բուլ Զալցբուրգի» դեմ։
Եվրոպայի Լիգայում հաղթանակի հիմնական ֆավորիտ է համարվում «Ատլետիկոն»` 2.40 գործակցով, երկրորդը` «զինագործներն» են (4.00), առաջատարների եռյակը փակում է հռոմեական «Լացիոն» 8.00 գործակցով։
Ավելի վաղ, WhoScored.com–ի տվյալներով` Լոնդոնի «Արսենալի» կիսապաշտպանն ընթացիկ պահին «Արսենալի» լավագույն խաղացող էր ճանաչվել։
