ԵՐԵՎԱՆ, 22 հունվարի — Sputnik. Արմեն Ջիգարխանյանի նախկին կինը` Վիտալինա Ցիմբալյուկ-Ռոմանովսկայան, իր հղիության մասին լուրեր է տարածել դրական իմիջը պահպանելու համար։ «Նոր ռուսական սենսացիաներ» հաղորդման եթերում այդ մասին պատմել է Վիտալինայի նախկին ընկերուհի և ներկայացուցիչ Էլինա Մազուրը։
Ընկերուհու հղիության մասին պատմությունը միասին են հորինել։ Վիտալինան, ինչպես պնդում է Մազուրը, տարօրինակ բաներ էր անում և միմյանց հակասող մեկնաբանություններ տալիս։
«Ես որոշեցի նրան որևէ տեղ ուղարկել։ Արդյունքում, Վիտալինան Վրաստան մեկնեց, և մենք լուրեր տարածեցինք, որ նա այնտեղ հիվանդանոցում է պառկած` հղիությունը պահպանելու համար», — հայտնել է Մազուրն` ավելացնելով, որ Ցիմբալյուկ-Ռոմանովսկայան հետո որոշել է միայնակ գործել։
Մազուրը նաև պնդում է, որ Վիտալինային միայն մի բան էր հետաքրքրում` երբ է Արմեն Բորիսովիչը մահանալու։
Մի օր դաշնակահարուհին ընկերուհուն, որին ինչպես հայտնի է ուժեղ էքստրասենս են անվանում, հարցրեց, թե երբ է Ջիգարխանյանն այն աշխարհ գնալու։ Հենց այդ ժամանակ Էլինան, որը մինչ այդ օգնում էր Վիտալինային, փոխեց իր կարծիքը նրա մասին։
«Դու ինձ համար գոյություն չունես։ Այսօր ես նույնիսկ ուշադրություն չէի դարձնի քեզ վրա և կողքով կանցնեի», — հաղորդման վերջում նման խոսքեր ուղղեց Ցիմբալյուկ-Ռոմանովսկայային Մազուրը։
Սակայն դրանից հետո Վիտալինան որոշել է ինքնուրույն գործել։ Իսկ Մազուրն իմացել էր, որ նա վերադարձել է Ռուսաստան առանց իր իմացության և իբրև թե պատրաստվում է աբորտ անել։
Մի քանի ամիս շարունակ հասարակությունը քննարկում է Արմեն Ջիգարխանյանի ու նրա երիտասարդ կնոջ շուրջ ծավալված սկանդալը։ Դերասանը հայտարարել է, որ կինը խաբեությամբ յուրացրել է փողերը, իր անունով դարձրել անշարժ գույքն ու մահափորձ կազմակերպել։ Վիտալինան իր հերթին հայտարարել է, որ որևէ հարցում մեղավոր չէ, ավելին` նա կատարվածի համար մեղադրում է Ջիգարխանյանին շրջապատող մարդկանց։
