Մեդիամագնատ Ջանիբեկյանն ու փլեյբոյ Բիլզերյանը. որտեղ են հանգիստն անցկացրել հայտնի հայերը
(Թարմացված է 01:40 09.01.2018)
Ամբողջ աշխարհի հայտնի հայերը պարբերաբար իրենց բաժանորդներին են ներկայացնում Ամանորի հանգստի լուսանկարներ և տեսանյութեր։ Որտեղ են հանգստացել մեր աստղերը։ԵՐԵՎԱՆ, 8 հունվարի — Sputnik. Որոշ հայ հայտնիները տոներին ճանապարհորդում են ամբողջ աշխարհով, իսկ ոմանք քրտնաջան աշխատում են։
Sputnik Արմենիան ներկայացնում է հայտնի հայերի հնգյակը, որոնք սոցցանցերում ներկայացրել են, թե ինչպես են անցկացրել 2018 թվականը։
Միխայիլ և Վիկտորյա Գալուստյաններ
Թեև հումորիստ ու հեռուստահաղորդավար Միխայիլ Գալուստյանն այդքան էլ ակտիվ չէ սոցցանցերում, սակայն նրա կինը երբեմն լուսանկարներ է տեղադրում, մասնավորապես, Instagram–ում։ Դատելով Վիկտորյայի լուսանկարներից ու պատմություններից` ընտանիքը տոներից առաջ արևոտ Դուբայ էր մեկնել։
Հայ հումորիստն էլ դեկտեմբերի 28-ին տեսանյութ էր տեղադրել, որտեղ պատմում էր, թե ինչպես ճիշտ տոնել Ամանորը։ Նա ցույց է տվել վրացական լեգենդար հանքային ջրով` «Բորժոմիով» լի սառնարանը։
Գարիկ և Ժաննա Մարտիրոսյաններ
Եվս մի շատ կատակասեր ընտանիք, որն այս տարի կրկին, դատելով սոցցանցերում արված գրառումներից, Նոր տարին ուրախ անցկացրել է Մոսկվայում։ Վազքի ու տեսանկարահանման մեջ։
Ամուսինները պարբերաբար գրառումներ էին կատարում, որոնցից կարելի էր հասկանալ, որ նրանք մասնակցում էին Ամանորի տոնական հաղորդումների նկարահանումներին։
Արթուր և Էլինա Ջանիբեկյաններ
Comedy Club–ի հիմնադիր Արթուր Ջանիբեկյանի կինը` Էլինան, Ամանորը դիմավորել է Հայաստանում։
Նա հաճույքով տարբեր լուսանկարներ է տեղադրել` տակը հետևյալ գրառումն անելով. «Բառերով անհնար է նկարագրել, պարզապես Երևանը պետք է տեսնել սեփական աչքերով»։
Դեն Բիլզերյան
Ամերիկահայ միլիարդատեր, պոկերի աստղ Դեն Բիլզերյանը Instagram–ի իր էջում, ինչքան էլ զարմանալի է, բավական համեստ ձմեռային լուսանկար էր հրապարակել։
Բոլորը սովոր են սպորտային կառուցվածք ունեցող այդ գեղեցիկ տղամարդու կողքին կիսամերկ աղջիկների տեսնել, սակայն այս անգամ նա լուսանկար է տեղադրել հագնված ընկերների հետ, լուսանկարն արվել էր Կոլորադոյի նահանգի Ասպեն լեռնային քաղաքում։
Քիմ Քարդաշյան
Կարծես թե, ամերիկահայ հեռուստաաստղ Քիմ Քարդաշյանի տարին սկսել էր առանց ավանդական խրախճանքների, աղմկոտ ընկերակցության, զգեստների ցուցադրության և ծով ալկոհոլի։
Հունվարի 2-ին ամերիկյան TMZ տաբլոիդը հայտնել էր, որ Քիմ Քարդաշյանի ու Քանյե Ուեսթի որդին թոքաբորբ է տանում։ Մտահոգված ծնողներն անցյալ շաբաթ երկու տարեկան Սեյնթին շտապ տեղափոխել են Լոս Անջելեսի հեղինակավոր հիվանդանոցներից մեկը, որտեղ երեխան ինտենսիվ բուժում է ստացել։
Արդյունքում ռեալիթի շոուի աստղը տոնական օրերն անցկացրել է հիվանդանոցում` որդու կողքին։
Օնիկ Գասպարյանը շարունակում է մնալ ԶՈւ բարձրագույն զինվորական հրամանատարը. Գլխավոր շտաբ
(Թարմացված է 12:31 03.03.2021)
ՀՀ ԶՈւ գլխավոր շտաբը նոր հայտարարություն է տարածել՝ անդրադառնալով ԳՇ պետի ազատման՝ վարչապետի միջնորդության հետ կապված իրավիճակին։ԵՐԵՎԱՆ, 3 մարտի - Sputnik. ՀՀ ԶՈւ գլխավոր շտաբը նոր հայտարարություն է տարածել՝ անդրադառնալով ԳՇ պետի ազատման՝ վարչապետի միջնորդության ու նախագահ Արմեն Սարգսյանի՝ մարտի 2-ին կայացրած որոշման հետ կապված իրավիճակին։
Հայտարարության մեջ նշվում է, որ նախագահի հրամանագրի նախագծի սահմանադրականության կամ ՀՀ ԶՈՒ ԳՇ պետին պաշտոնից ազատման հարց լուծելու իրավասություն Սահմանադրական դատարանը չունի, այսինքն՝ նախագահը այս դեպքում կարող է դիմել Սահմանադրական դատարան բացառապես «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի (այսուհետ՝ Օրենք)՝ որպես նախագծի իրավական հիմքի՝ Սահմանադրությանը համապատասխանելու հարցը որոշելու խնդրանքով և ոչ կոնկրետ օրենքի հոդվածի կամ մասի։
Սահմանադրական դատարան դիմելու ժամկետը տվյալ դեպքի համար սահմանված է հրամանագրի նախագծի վերադարձից հետո 8 օր։
«Իր հայտարարությամբ նախագահը գործել է և հայտնել է մտադրությունը գործելու Սահմանադրությանը բացառապես համապատասխան։
ՀՀ ԶՈՒ գլխավոր շտաբի պետ, գեներալ-գնդապետ Օնիկ Վիկտորի Գասպարյանը մինչև 8-օրյա ժամկետի լրանալը (նախագահի կողմից Սահմանադրական դատարան դիմելուց հետո սկսում են գործել այլ ժամկետներ) շարունակում է իր ծառայությունը հայրենիքին և ժողովրդին, հանդիսանում է Զինված ուժերի բարձրագույն զինվորական հրամանատարը»,-նշված է ԳՇ հաղորդագրության մեջ։
Հանրահավաքի ժամանակ հնարավոր են սադրանքներ․ ՀՀ ոստիկանություն
(Թարմացված է 12:36 03.03.2021)
Ոստիկանությունը կոչ է անում զերծ մնալ հակաիրավական քայլերից ու չտրվել սադրանքների։
ԵՐԵՎԱՆ, 3 մարտի - Sputnik. ՀՀ ոստիկանությունում տվյալներ են ստացվել, որ մարտի 3-ի ժամը 16.00-ին նախատեսված հանրահավաքի ժամանակ հնարավոր են սադրանքներ։ Տեղեկությունը հայտնում են ոստիկանության մամուլի ծառայությունից։
«Կոչ ենք անում զանգվածային միջոցառումներն իրականացնել բացառապես օրենքի շրջանակներում, զերծ մնալ հակաիրավական քայլերից ու չտրվել սադրանքների։ Քաղաքացիներին հորդորում ենք լինել իրավահարգ և իրենց իրավունքներն իրացնելիս պահպանել օրինականության պահանջներն ու համակեցության կանոնները»,-նշված է հաղորդագրության մեջ։
Ոստիկանությունը հավաստիացնում է, որ օրենքով իրեն վերապահված լիազորությունների շրջանակում ձեռնարկելու է բոլոր միջոցները՝ հասարակական կարգն ապահովելու և հանրային անվտանգությունը պահպանելու համար։
Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։
Երեկ հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:
Հայրենիքի փրկության շարժումը այդ տեղեկությունից հետո հայտարարեց, որ շտապ հանդիպում է պահանջում նախագահի հետ։
Առաջիկա ժամերին ՀՀ նախագահն իր որոշման մասին կհայտնի․ Վանեցյան
ԵՐԵՎԱՆ, 3 մարտի – Sputnik. Ավարտվեց «Հայրենիքի փրկության շարժման» անդամների հանդիպումը ՀՀ նախագահ Արմեն Սարգսյանի հետ։ «Հայրենիք» կուսակցության ղեկավար Արթուր Վանեցյանը լրագրողներին հայտնեց, թե ինչ է խոստացել ՀՀ նախագահը
«Նախագահի հետ հանդիպման ժամանակ քննարկվել են հարցեր, որոնք կապված են Զինված ուժերի ԳՇ պետի ազատման դիմումը Սահմանադրական դատարան ուղարկել-չուղարկելու հետ։ Նախագահը լսեց մեր հարցերը, տեսակետները, նշեց, որ առաջիկա ժամերին իր որոշման մասին կհայտնի»,-ասաց Վանեցյանը։
Հավելենք, որ նախագահի հետ հանդիպմանը մասնակցում էին «Հայրենիք» կուսակցության նախագահ Արթուր Վանեցյանը, ՀՅԴ անդամ Արծվիկ Մինասյանը, ՀՀԿ-ական Վահրամ Բաղդասարյանը և Հայրենիքի փրկության շարժման վարչապետի միասնական թեկնածու Վազգեն Մանուկյանը։