Ազնավուրի սկանդալային հայտարարությունը. շանսոնիեն ցնցել է ֆրանսիացիներին
(Թարմացված է 19:19 08.01.2018)
Շառլ Ազնավուրը միգրանտների նկատմամբ ընտրողական քաղաքականության մասին իր հայտարարությամբ հասարակական բուռն բանավեճի առիթ է տվել։ԵՐԵՎԱՆ, 8 հունվարի — Sputnik. Ֆրանսիան չի կարող ընդունել բոլոր միգրանտներին, սակայն նրանց թվում կարող են հանճարներ լինել, որոնք կարող են օգուտ լինել երկրին։ Նրանց կարելի է ընտրել, հայտնել է հանրահռչակ շանսոնիե Շառլ Ազնավուրը` France 2–ի եթերում պատասխանելով Ֆրանսիայի միգրացիոն քաղաքականությանը վերաբերող հարցին։
Նախօրեին Ազնավուրին և հայտնի վրացի դաշնակահարուհի Կատիա Բունիաթշվիլուն France 2 հեռուստաալիքի տաղավար էին հրավիրել, գրում է Huffington Post–ը։
Հաղորդավար Լորան Դելաուսի` Ֆրանսիայի համար ցավոտ, փախստականներին վերաբերող հարցին պատասխանելիս` Ազնավուրը հայտնեց, որ միգրանտների հարցում ընտրողական քաղաքականություն է պետք իրականացնել։
©
AFP 2020 / KAREN MINASYAN
«Առաջին հերթին հիշել է պետք, թե կոնկրետ ում հետ գործ ունենք։ Նրանց շարքում կարող են հանճարներ լինել։ Իրականությունն այն է, որ բոլորին մենք ընդունել չենք կարող. դա սխալ և շատ բարդ կլիներ։ Սակայն մենք կարող ենք ընտրել նրանց, ովքեր մեզ հետաքրքիր են», – հայտնել էր Ազնավուրը` որպես օրինակ բերելով Նոբելյան մրցանակի կրկնակի դափնեկիր Մարի Կյուրիի պատմությունը։
«Եթե մենք այսօր որոշում կայացնեինք, ապա, ըստ ամենայնի, կասեինք նրան` «ցտեսություն, տիկին»», – ասել է հանրահռչակ շանսոնիեն։
Ազնավուրի խոսքերը բուռն հասարակական բանավեճի տեղիք են տվել։ Շատերը կարծիք են հայտնել, որ հայ փախստականների ժառանգին չի սազում խոսել «սելեկտիվ» մոտեցման մասին։
«Իսկապես չէի սպասում, որ Շառլ Ազնավուրը, ով ինքն իրեն «փախստականների որդի, երկուսուկես մշակույթների կրող» է անվանում, կողմնակից կլինի միգրանտների հանդեպ ընտրողական վերաբերմունքին», – Twitter–ում գրել է օգտատեր Nadia Sorelli–ն։
Par contre, je ne m'attendais vraiment pas à ce que Charles #Aznavour qui se qualifie lui-même comme fils d'immigré ayant "2 cultures et demi" soit pour le tri des migrants… #Malaise #20h30ledimanche
— Nadia Sorelli (@NadiaSorelli) 7 января 2018 г.
CNN հեռուստաալիքը և Time ամսագիրը 1998 թվականին անցկացրած հարցման արդյունքներով Ազնավուրին «XX դարի վարիետեի պատմության մեջ ամենանշանավոր արտիստ» են ճանաչել։
Շառլ Ազնավուրը ծնվել է 1924 թվականի մայիսի 22-ին Փարիզում հայի ընտանիքում։ Ամբողջ կյանքի ընթացքում նա ավելի քան 180 մլն սկավառակ է վաճառել, 1300 երգ գրել և խաղացել 60 ֆիլմերում։
Օնիկ Գասպարյանը շարունակում է մնալ ԶՈւ բարձրագույն զինվորական հրամանատարը. Գլխավոր շտաբ
(Թարմացված է 12:31 03.03.2021)
ՀՀ ԶՈւ գլխավոր շտաբը նոր հայտարարություն է տարածել՝ անդրադառնալով ԳՇ պետի ազատման՝ վարչապետի միջնորդության հետ կապված իրավիճակին։ԵՐԵՎԱՆ, 3 մարտի - Sputnik. ՀՀ ԶՈւ գլխավոր շտաբը նոր հայտարարություն է տարածել՝ անդրադառնալով ԳՇ պետի ազատման՝ վարչապետի միջնորդության ու նախագահ Արմեն Սարգսյանի՝ մարտի 2-ին կայացրած որոշման հետ կապված իրավիճակին։
Հայտարարության մեջ նշվում է, որ նախագահի հրամանագրի նախագծի սահմանադրականության կամ ՀՀ ԶՈՒ ԳՇ պետին պաշտոնից ազատման հարց լուծելու իրավասություն Սահմանադրական դատարանը չունի, այսինքն՝ նախագահը այս դեպքում կարող է դիմել Սահմանադրական դատարան բացառապես «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի (այսուհետ՝ Օրենք)՝ որպես նախագծի իրավական հիմքի՝ Սահմանադրությանը համապատասխանելու հարցը որոշելու խնդրանքով և ոչ կոնկրետ օրենքի հոդվածի կամ մասի։
Սահմանադրական դատարան դիմելու ժամկետը տվյալ դեպքի համար սահմանված է հրամանագրի նախագծի վերադարձից հետո 8 օր։
«Իր հայտարարությամբ նախագահը գործել է և հայտնել է մտադրությունը գործելու Սահմանադրությանը բացառապես համապատասխան։
ՀՀ ԶՈՒ գլխավոր շտաբի պետ, գեներալ-գնդապետ Օնիկ Վիկտորի Գասպարյանը մինչև 8-օրյա ժամկետի լրանալը (նախագահի կողմից Սահմանադրական դատարան դիմելուց հետո սկսում են գործել այլ ժամկետներ) շարունակում է իր ծառայությունը հայրենիքին և ժողովրդին, հանդիսանում է Զինված ուժերի բարձրագույն զինվորական հրամանատարը»,-նշված է ԳՇ հաղորդագրության մեջ։
Հանրահավաքի ժամանակ հնարավոր են սադրանքներ․ ՀՀ ոստիկանություն
(Թարմացված է 12:36 03.03.2021)
Ոստիկանությունը կոչ է անում զերծ մնալ հակաիրավական քայլերից ու չտրվել սադրանքների։
ԵՐԵՎԱՆ, 3 մարտի - Sputnik. ՀՀ ոստիկանությունում տվյալներ են ստացվել, որ մարտի 3-ի ժամը 16.00-ին նախատեսված հանրահավաքի ժամանակ հնարավոր են սադրանքներ։ Տեղեկությունը հայտնում են ոստիկանության մամուլի ծառայությունից։
«Կոչ ենք անում զանգվածային միջոցառումներն իրականացնել բացառապես օրենքի շրջանակներում, զերծ մնալ հակաիրավական քայլերից ու չտրվել սադրանքների։ Քաղաքացիներին հորդորում ենք լինել իրավահարգ և իրենց իրավունքներն իրացնելիս պահպանել օրինականության պահանջներն ու համակեցության կանոնները»,-նշված է հաղորդագրության մեջ։
Ոստիկանությունը հավաստիացնում է, որ օրենքով իրեն վերապահված լիազորությունների շրջանակում ձեռնարկելու է բոլոր միջոցները՝ հասարակական կարգն ապահովելու և հանրային անվտանգությունը պահպանելու համար։
Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։
Երեկ հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:
Հայրենիքի փրկության շարժումը այդ տեղեկությունից հետո հայտարարեց, որ շտապ հանդիպում է պահանջում նախագահի հետ։
Առաջիկա ժամերին ՀՀ նախագահն իր որոշման մասին կհայտնի․ Վանեցյան
ԵՐԵՎԱՆ, 3 մարտի – Sputnik. Ավարտվեց «Հայրենիքի փրկության շարժման» անդամների հանդիպումը ՀՀ նախագահ Արմեն Սարգսյանի հետ։ «Հայրենիք» կուսակցության ղեկավար Արթուր Վանեցյանը լրագրողներին հայտնեց, թե ինչ է խոստացել ՀՀ նախագահը
«Նախագահի հետ հանդիպման ժամանակ քննարկվել են հարցեր, որոնք կապված են Զինված ուժերի ԳՇ պետի ազատման դիմումը Սահմանադրական դատարան ուղարկել-չուղարկելու հետ։ Նախագահը լսեց մեր հարցերը, տեսակետները, նշեց, որ առաջիկա ժամերին իր որոշման մասին կհայտնի»,-ասաց Վանեցյանը։
Հավելենք, որ նախագահի հետ հանդիպմանը մասնակցում էին «Հայրենիք» կուսակցության նախագահ Արթուր Վանեցյանը, ՀՅԴ անդամ Արծվիկ Մինասյանը, ՀՀԿ-ական Վահրամ Բաղդասարյանը և Հայրենիքի փրկության շարժման վարչապետի միասնական թեկնածու Վազգեն Մանուկյանը։