Լիլիթ Հարությունյան, Sputnik.

Կարմիր աքաղաղին շատ շուտով կփոխարինի Դեղին շան տարին: Ի տարբերություն քմահաճ և կամակոր Աքաղաղի, Շունն ավելի հավասարակշռված ու զուսպ է: Ինչպես տարվա խորհրդանիշի գույնը, այնպես էլ հատկանշական գծերը կանդրադառնան նորաձև միտումների վրա, հատկապես այն զգեստների, որոնք կանայք ու աղջիկները կընտրեն Ամանորի գիշերվա համար:

Զգեստ

Հայտնի դիզայներ Լիանա Elsi Սարգսյանը Sputnik Արմենիայի թղթակցի հետ զրույցում ասաց, որ գույների մեջ գերիշխող կլինի դեղինը, ինչպես նաև այդ գույնի երանգները` ծիրանագույն, բրոնզագույն և այլն:

«Ամանորի երեկույթի համար կարելի է նախապատվությունը տալ ոսկե զարդերին ու ոսկեգույն աքսեսուարներին: Բայց կարևոր է չչարաշահել ու ճաշակով համադրել զգեստի հետ», — նշեց նա:

Դիզայներն ավելացրեց նաև, որ արդիական կլինեն նաև ծոպավոր կամ փայլփլուն զգեստները, իսկ ինչ վերաբերում է կտորին, պետք է ընտրել թավշե գործվածքները:

Ամանորի գիշերն առավել արդիական կլինի արտասովոր կերպարը: Այդ առումով կարելի է նաև սև կամ սպիտակ զգեստ հագնել, բայց անպայման համադրել որևէ վառ աքսեսուարի հետ:

Դիմահարդարում

Դիմահարդարները Ամանորի գիշերվա համար դիմահարդարման մի քանի տարբերակ են առաջարկում: Առաջինը` միշտ արդիական smoky-eyes-ը:

Եթե առօրյա կյանքում նման make-up-ն այդքան էլ տեղին չէ, ապա տոնական գիշերը, հակառակը, հենց նման «մարտական գունազարդումով» արժե դիմավորել Նոր տարին: Ոսկյա զարդերի համադրությամբ այդ կերպարը գլամուրային տեսք կհաղորդի գրեթե յուրաքանչյուր աղջկա: Դիմահարդարները խորհուրդ են տալիս օգտագործել ոսկեգույն և նուրբ-դեղին կամ ոչ տիպիկ գույներ, օրինակ, մանուշակա-կապույտ գունային գամման:

Դիմահարդարման մյուս տարբերակը աչքերի պոչիկներն են (սլաքները) և վառ շրթներկը: Աչքերը կարելի է ընդգծել ավելի երկար և ավելի հաստ, քան առօրյայում ենք անում: Իսկ շուրթերն էլ կարելի է ներկել` ընտրելով կարմիրի ցանկացած երանգ, այդ թվում նաև փայլերով:

Դիմահարդարման ժամանակ կարելի է նաև ոսկեգույն հայլայթեր օգտագործել, ինչպես նաև մետաղագույն ստվերներ և փայլեր: Կարևորը, որ make-up-ը ներդաշնակ լինի ընտրած զգեստի և սանրվածքի հետ: Դիզայներները խորհուրդ են տալիս նախապես մտածել, թե ինչ կերպարով եք ուզում ներկայանալ տոնական գիշերը, պատկերացնել բոլոր մանրուքները, որպեսզի խուսափեք ավելորդություններից:

ԵՐԵՎԱՆ, 3 մարտի – Sputnik. Երեկ՝ մարտի 2-ին, արտակարգ դեպք է տեղի ունեցել Երևանում։ Վիճաբանությունն ավարտվել է դանակահարությամբ։ Կան վիրավորներ։ Տեղեկությունը հայտնում է shamshyan.com–ը։

© Photo : Авилов Александр / АГН "Москва"

Գյումրիում դանակահարել են շտապօգնության վարորդի. վիճակը ծանր է

Ժամը 22։40-ի սահմաններում «Արմենիա» բժշկական կենտրոնից ոստիկանության Մաշտոցի բաժին ահազանգ է ստացվել, որ «որովայնի առաջնային պատի կտրած-ծակած վերք» ախտորոշմամբ իրենց մոտ է տեղափոխվել մի քաղաքացի։

Ոստիկանները պարզել են, որ վիրավորը Աջափնյակ վարչական շրջանի բնակիչ՝ 27-ամյա Գարիկ Մ-ն է։

Մինչ ոստիկաններն ու քննիչները կպարզեին դեպքի հանգամանքները, ժամը 23։45-ին թիվ 1 համալսարանական հիվանդանոցից ոստիկանության Մաշտոցի բաժին ահազանգ է ստացվել, որ «գլխի վնասվածք» ախտորոշմամբ իրենց մոտ է տեղափոխվել մի քաղաքացի։

Ոստիկանները և քննիչները, մեկնելով նշված հիվանդանոց, պարզել են, որ վիրավորը Էրեբունի վարչական շրջանի բնակիչ՝ 43-ամյա Գևորգ Ա-ն է։

«Պարզվել է, որ նույն օրը` ժամը 22։30-ի սահմաններում, Միկոյան փողոցում ավտոմեքենաների կայանման շուրջ Գարիկ Մ-ի ու Գևորգ Ա-ի միջև վիճաբանություն է տեղի ունեցել, որի ժամանակ Գարիկ Ա-ն սուր կտրող-ծակող առարկայով հարվածել է Գարիկ Մ-ին, իսկ վերջինս էլ ձեռքերով հարվածել է Գևորգ Ա-ի գլխին»,–գրում է կայքը։

«Արմենիա» ԲԿ-ում ոստիկաններին և քննիչներին հայտնել են, որ Գարիկ Մ-ն այս պահին ի վիճակի չէ կատարվածի մասին բացատրություն տալու։

Ոստիկաններն ու քննիչները ձեռնարկում են անհրաժեշտ օպերատիվ հետախուզական և քննչական միջոցառումներ՝ հանցագործության գործիք հանդիսացող սուր կտրող առարկան հայտնաբերելու համար։

Դանակահարություն Երևանում. պատճառը` sms-հաղորդագրություններն են